بايقاۋدىڭ ماقساتى - قازاقستان رەسپۋبليكاسىنىڭ تۇڭعىش پرەزيدەنتى كۇنىنە ارنالعان مەرەكەلىك ءىس-شاراعا دايىندىق شەڭبەرىندە, ۇلتتىق مۋزىكا مادەنيەتىنىڭ جەتىستىكتەرىن ناسيحاتتاۋ, قىزمەتكەرلەردى پاتريوتتىق, ادامگەرشىلىك-ەستەتيكالىق تۇرعىدا تاربيەلەۋ, ولاردىڭ مادەني جانە رۋحاني دەڭگەيىن ارتتىرۋ, قازاقستان پوليتسياسىنىڭ وڭ ءيميدجىن نىعايتۋ بولىپ تابىلادى, دەپ حابارلايدى ماڭعىستاۋ وبلىسى بويىنشا قاجد كادر ساياساتى بولىمشەسى.
بايقاۋعا ماڭعىستاۋ وبلىسى بويىنشا قىلمىستىق-اتقارۋ جۇيەسى دەپارتامەنتىنە باعىنىستى مەكەمەلەردىڭ قىزمەتكەرلەرى قاتىسىپ, ولار قازاقستان رەسپۋبليكاسىنىڭ تۇڭعىش پرەزيدەنتى - ەلباسى ن.ءا. نازارباەۆتىڭ سۇيىكتى اندەرىن ورىندادى.
مىسالى, گم-172/6 مەكەمەسىنىڭ رەجيم ءبولىمىنىڭ جەدەل ۋاكىلى ادىلەت لەيتەنانتى سۇلتان مۇزدىبەك ء"ۇش قوڭىر" ءانىن ورىنداسا, گم-172/8 مەكەمەسىنىڭ سوتتالعانداردىڭ ەڭبەگىن ۇيىمداستىرۋ توبىنىڭ ينسپەكتورى ادىلەت لەيتەنانتى تيمۋر كۋلباەۆ دومبىرامەن "بەۋ ايداي" ءانىن ورىندادى. سونداي-اق گم-172/10 مەكەمەسىنىڭ ارنايى ءبولىمىنىڭ باستىعى ادىلەت مايورى الماجاي بيتيموۆا "كوگدا پريدەت ۆەسنا" ءانىن, گم-172/10 مەكەمەسىنىڭ رەجيم جانە كۇزەت ءبولىمىنىڭ باقىلاۋشىسى ادىلەت كىشى سەرجانتى قۋاتجان بازارباەۆ "كوزىمنىڭ قاراسى" ءانىن شىرقادى.
بايقاۋ قورىتىندىسى بويىنشا, گم-172/10 مەكەمەسىنىڭ ارنايى ءبولىمىنىڭ باستىعى ادىلەت مايورى الماجاي بيتيموۆا ءى ورىنعا يە بولدى. قىزمەتكەرلەر دەپارتامەنت باستىعىنىڭ ديپلومدارىمەن ماراپاتتالدى. بايقاۋ جەنىمپازى ا.بيتيموۆا قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا وتەتىن رەسپۋبليكالىق ونلاين بايقاۋعا قاتىسۋعا جولداما الدى.
ماڭعىستاۋ وبلىسى
