قۇس تۇماۋى ارۋىنىڭ الدىن الۋ ماقساتىندا جۇرگىزىلەتىن ەكپە جۇمىستارىنا قر اۋىل شارۋاشىلىعى مينيسترلىگى تاراپىنان شىمكەنت قالاسىنا 201 903 دوزا ەكپە ءبولىندى. اتالعان ەكپەلەر ءبىرىنشى كەزەكتە سۋ قويمالارعا جاقىن ورنالاسقان تۇرعىنداردىڭ ءۇي قۇستارىنا ەگىلدى. سەبەبى, سۋ قويمالارىنا ۇشىپ كەلەتىن جابايى قۇستار قۇس تۇماۋى اۋرۋىنىڭ تارالۋ قاۋپىنە سەبەپشى بولۋى مۇمكىن.
بۇگىنگى كۇنگە دەيىن قالا تۇرعىندارى تاراپىنان شىمكەنت قالاسى اۋىل شارۋاشىلىعى جانە ۆەتەريناريا باسقارماسىنىڭ جانە «ۆەتەريناريالىق قىزمەت» مكك-نىڭ جەدەل بايلانىس نومىرلەرىنە كەلىپ تۇسكەن حابارلامالارعا سايكەس, 10 ورىننان 342 باس ءۇي قۇسىنىڭ ولگەن جاعدايى تىركەلگەن. ولار بويىنشا ۆەتەريناريا سالاسىنداعى ۋاكىلەتتى ورگاندارمەن بىرلەسىپ, 20 سىناما الىنىپ, ۆەتەريناريالىق زەرتحاناعا جەتكىزىلدى. بارلىق سىناما «تەرىس» ناتيجە كورسەتتى.
"سونىمەن قاتار, "ەۋرازيا" ءبىرىنشى تەلەارناسىندا كورسەتىلگەن ەڭبەكشى اۋدانى وتكورم سوۆحوز بولىمشەسى (زابادام) تۇرعىن الابى اۋماعىندا ءۇي يەلەرىنىڭ ايتۋىمەن 100 شاقتى ءۇي قۇسىنىڭ ءولۋى بويىنشا زەردەلەۋ جۇمىستارى جۇرگىزىلدى. ناتيجەسىندە ۆەتەريناريا سالاسىنداعى ماماندار زاڭ تالاپتارىنا ساي جۇمىستار اتقارىپ, ولگەن ءۇي قۇستارىنىڭ قۇس تۇماۋى اۋرۋىنا ءتان ەمەس كلينيكالىق بەلگىلەرىن راستادى.
ياعني, بۇگىنگى كۇنگە دەيىن قالا اۋماعىندا قۇس تۇماۋى اۋرۋى تىركەلمەدى جانە ەپيزووتيالىق احۋال تۇراقتى.
ەسكەرتپە: اۋلاڭىزداعى ءۇي قۇستارىڭىزدىڭ جاپپاي قىرىلۋى بايقالعان جاعدايدا شۇعىل تۇردە تومەندەگى نومىرگە حابارلاسۋدى سۇرايمىز.
بايلانىس تەلەفوندارى: شىمكەنت قالاسىنىڭ اۋىل شارۋاشىلىعى جانە ۆەتەريناريا باسقارماسى 24-75-37, 24-75-18.
"ۆەتەريناريالىق قىزمەت" مكك 45-05-22, 45-05-05, 45-05-18", دەلىنگەن حابارلامادا.
