تاتار ەتنومادەني بىرلەستىگى ۇيىتداستىرعان شارانى "قوعامدىق كەلىسىم" كمم ديرەكتورىنىڭ مىندەتىن اتقارۋشى ازامات مۇكەەۆ اشتى.
"تاۋەلسىزدىكپەن بىرگە قۇرىلعان ورتالىق وسى جىلدار ىشىندە ەلدىڭ ءوسىپ-وركەندەۋىنە ۇلەس قوستى. ونىڭ بەلسەندىلەرى ۇنەمى جينالىپ, مادەني داستۇرلەردى قالپىنا كەلتىرۋگە قاتىسادى جانە اتا-بابالارىمىزدىڭ باي مۇراسىن ساقتاۋ ءۇشىن قولدان كەلگەننىڭ ءبارىن جاسايدى. ەڭ باستىسى, ولار بىرلىك پەن بەيبىت ءومىردىڭ قۇندىلىعىن تەرەڭ ءتۇسىندى. سوندىقتان ايماقتاعى كەلىسىم ورتالىعىنا اينالعان قازاقستان حالقى اسسامبلەياسىنا وبلىستىق فيليالىنا دەگەن العىسى شەكسىز. پاندەميا كەزىندە دە قاۋىمداستىق مۇشەلەرى ونلاين رەجيمىندە بارلىق ءىس-شارالارعا, مەرەكەلەرگە, جارىستارعا قاتىسىپ, ءوز بەلسەندىلىكتەرىن كورسەتتى", - دەدى ازامات مۇكەەۆ.
شارادا قاۋىمداستىق مۇشەلەرىنە دوستىق پەن كەلىسىمدى نىعايتۋ جولىندا اتقارعان جۇمىستارى ءۇشىن قازاقستان حالقى اسسامبلەياسىنىڭ 25 جىلدىعىنا ارنالعان مەدالدار تابىستادى.
ء"بىزدىڭ كۇندەلىكتى جۇمىسىمىزدىڭ نەگىزگى مازمۇنى قوعامداعى دوستىق پەن كەلىسىمدى نىعايتۋ, جالپى ادامزاتتىق رۋحاني-ادامگەرشىلىك قۇندىلىقتاردى ناسيحاتتاۋ, جاس ۇرپاقتى پاتريوتتىق رۋحتا تاربيەلەۋ, ءبىزدىڭ ورتاق ءۇيىمىزدىڭ بولاشاعى ءۇشىن جوعارى جاۋاپكەرشىلىك", - دەدى تاتار ەتنومادەني بىرلەستىگىنىڭ جەتەكشىسى گاليا گيزاتۋللينا.
سونىمەن قاتار وبلىستىق قازاقستان حالقى اسسامبلەياسى حاتشىلىعىنىڭ مەڭگەرۋشىسى جاعىپپار ءتاجماحانوۆ ايماعىمىزدىڭ دامۋىنا زور ۇلەس قوسقان تاتار ەتنوسىنىڭ وكىلدەرىنە العىس حاتىن تابىستادى.
مادەني كۇن اياسىندا تىل ارداگەرلەرىنە تاتارستان رەسپۋبليكاسىنىڭ پرەزيدەنتى رۋستام ميننيحانوۆتىڭ قۇتتىقتاۋ حاتتارى تابىستالدى.
شارادا ءار ءتۇرلى جانرداعى ءان-بي, ولەڭدەر ورىندالدى. "جاسمين" بي توبىنىڭ بيشىلەرى سوعىس ۋاقىتىن ەسكە تۇسىرەتىن "كوك ورامال" ءبيىن ورىندادى. ۇلى اقىن اباي قۇنانباەۆتىڭ شىعارمالارى نەگىزىندە "سارمان" ۆوكالدىق توبى مەن جەكە انشىلەر ءار ءتۇرلى تىلدەردە اندەر شىرقادى.
