«حالقىمىز دەربەستىكپەن بىرگە ءداستۇرلى مادەنيەتىنە, ءتىلى مەن دىنىنە تولىققاندى يە بولىپ, ولاردى زامانعا ساي دامىتۋعا مۇمكىندىك الدى. ءوشكەنىمىز جانىپ, ۇمىتقانىمىز جادىمىزدا جاڭعىردى. مۇنىڭ بارلىعى قازاق ەلىنىڭ ۇستانعان باعىت-باعدارىنىڭ دۇرىستىعىن, اتا-بابا جولىنان اينىماعانىن بىلدىرەدى» – قازاقستان مۇسىلماندارى ءدىني باسقارماسىنىڭ ءتوراعاسى, باس ءمۇفتي ەرجان قاجى مالعاجى ۇلىنىڭ ءدىني باسقارمانىڭ ساراپتاۋ كوميسسياسىنىڭ ماقۇلداۋىمەن شىعارىلعان «ءدىن مەن ءداستۇر» اتتى جيناققا جازعان العى سوزىندە وسىلاي دەلىنگەن.
«حالقىمىز دەربەستىكپەن بىرگە ءداستۇرلى مادەنيەتىنە, ءتىلى مەن دىنىنە تولىققاندى يە بولىپ, ولاردى زامانعا ساي دامىتۋعا مۇمكىندىك الدى. ءوشكەنىمىز جانىپ, ۇمىتقانىمىز جادىمىزدا جاڭعىردى. مۇنىڭ بارلىعى قازاق ەلىنىڭ ۇستانعان باعىت-باعدارىنىڭ دۇرىستىعىن, اتا-بابا جولىنان اينىماعانىن بىلدىرەدى» – قازاقستان مۇسىلماندارى ءدىني باسقارماسىنىڭ ءتوراعاسى, باس ءمۇفتي ەرجان قاجى مالعاجى ۇلىنىڭ ءدىني باسقارمانىڭ ساراپتاۋ كوميسسياسىنىڭ ماقۇلداۋىمەن شىعارىلعان «ءدىن مەن ءداستۇر» اتتى جيناققا جازعان العى سوزىندە وسىلاي دەلىنگەن.
كىتاپتا ءداستۇر تۋرالى تۇسىنىك, ءداستۇردىڭ دىندەگى ورنى, قازاق حالقىنىڭ يماني داستۇرلەرى, باسقا دا جايلار جونىندە جان-جاقتى ماعلۇمات بەرىلگەن. قازاق ماقال-ماتەلدەرىنىڭ مۇحاممەد پايعامبارىمىزدىڭ (س.ع.س.) حاديستەرىمەن ۇندەس ەكەندىگىنە ناقتى ايعاقتار نازار اۋدارارلىق. مۇنىڭ ءوزى حالقىمىزدىڭ سالت-ساناسى, تانىم-تۇسىنىگى يسلام قاعيداتتارىنان باستاۋ الاتىنىن دالەلدەيدى.
كەشە استاناداعى «ازىرەت سۇلتان» مەشىتىندە اتالعان كىتاپتىڭ تانىستىرىلىمى ءوتتى. باس رەداكتورلار كلۋبىنىڭ پرەزيدەنتى كەنجەبولات جولدىباي تانىستىرىلىمدا ءسويلەگەن كىرىسپەسوزىندە جۋرناليستەر قاۋىمىنىڭ قازاقستان مۇسىلماندارى ءدىني باسقارماسىنىڭ جۇمىسىنا ءدايىم قولداۋ ءبىلدىرىپ وتىراتىنىن, الداعى كەزدە دە بۇل ىستە قوردالانىپ قالعان ماسەلەلەرگە تيىسىنشە كوڭىل بولىنەتىنىن ايتىپ ءوتتى. باس ءمۇفتي ەرجان قاجى مالعاجى ۇلى ءدىن سالاسىندا تىندىرىلعان شارۋالارمەن قاتار, الاڭداتارلىق احۋال دا بار ەكەندىگىن اشىق ءاڭگىمەلەپ, ورتاق شارۋاعا جۋرناليستەر قوسا الار ۇلەس ءجونىندەگى ويلارىن ورتاعا سالدى, كوپتەگەن سۇراقتارعا جاۋاپ بەردى.
بۇل ۇجىمدىق ەڭبەك – «ءدىن مەن ءداستۇر» جيناعىنىڭ 1-كىتابى. الداعى كەزدە وسى يگىلىكتى ءىس جالعاسىن تاپپاق.
«ەگەمەن-اقپارات».
