"قازىرگى ۋاقىتتا قازاقستاننىڭ جوعارى ءبىلىم بەرۋ جۇيەسىندە 128 جوو بار, ونىڭ 56-سى مەملەكەتتىك, 72-ءسى – جەكەمەنشىك. سونىمەن بىرگە, ءبىلىم بەرۋ ساپاسىن ارتتىرۋ كەزىندە مەنشىك نىسانىنا اسا ءمان بەرمەي وتىرعانىمىزدى ايتقىم كەلەدى. وسىعان بايلانىستى جوعارى وقۋ ورىندارىنىڭ اكادەميالىق دەربەستىگى كەڭەيىپ جاتىر. "100 ناقتى قادامنىڭ" 78 قادامىن ورىنداۋ ءۇشىن 2018 جىلى جوو اكادەميالىق دەربەستىگىن كەڭەيتەتىن زاڭ قابىلداندى. وسى زاڭ ارقىلى جوو-لارعا وزدەرىنىڭ ءبىلىم بەرۋ باعدارلامالارىن قۇرۋعا, وقىتۋشىلارعا قويىلاتىن بىلىكتىلىك تالاپتارىن انىقتاۋعا مۇمكىندىك بەرىلدى", دەپ اتاپ ءوتتى ۆيتسە-مينيستر.
ناتيجەسىندە, جوعارى وقۋ ورىندارىنىڭ اكادەميالىق دەربەستىگى 85% دەيىن كەڭەيتىلدى. قر بعم ءبىلىم بەرۋ باعدارلامالارى تىزىلىمىندە جوو-لار 99 باعدارلاما تىركەدى.
"وسى زاڭ ارقىلى زاڭعا تاۋەلدى اكتىلەر دەڭگەيىندە جۇيەلى وزگەرىستەر قابىلداندى. جوو-لار ۇسىناتىن ءبىلىم ساپاسى ءۇشىن جاۋاپكەرشىلىك الۋ ماقساتىندا جوو-لاردىڭ اكادەميالىق دەربەستىگى كەڭەيتىلدى. ودان بولەك, جوو-لار 2021 جىلدان باستاپ ءوز ۇلگىسىندەگى ديپلومداردى بەرەتىن بولادى", دەيدى ميراس داۋلەنوۆ.
