"10 قاراشا ساعات 03.40-تا الماتى وبلىسى تجد-نە تالعار قالاسىندا جەكە سەكتورداعى ءۇيدىڭ ورتەنگەنى تۋرالى حابارلاما كەلىپ ءتۇستى. وقيعا ورنىنا تالعار قالاسىنداعى №2 مامانداندىرىلعان ءورت ءسوندىرۋ ءبولىمىنىڭ 6 قىزمەتكەرى مەن 2 بىرلىك تەحنيكاسى دەرەۋ جىبەرىلدى.. ءورت سوندىرۋشىلەر شاقىرتۋ ورنىنا كەلگەن كەزدە تۇرعىن ءۇي (كولەمى 5ح8) تولىعىمەن ورتكە ورانعان. سونداي-اق, ءۇي توبەسىنىڭ جابىندىسى قۇلاعانى انىقتالدى. ءورت ءسوندىرۋ بارىسىندا وقيعا ورنىنان 2012, 2001 جانە 1976 جىلدارى تۋعان ءۇش ادامنىڭ دەنەسى تابىلدى. ءورت ساعات 04.06-دا وقشاۋلانىپ, ساعات 04.50-دە تولىعىمەن ءسوندىرىلدى", دەدى تالعات ءۋالي.
ءورتتىڭ اۋماعى 40 شارشى مەتردى قۇراعان. ءورتتىڭ تۇتانۋ سەبەپتەرى انىقتالۋدا.
