"10-12 قاراشا ارالىعىندا بارلىق وبلىستارداعى قالالار مەن اۋدانداردا, شىمكەنت, الماتى جانە نۇر-سۇلتان قالالارىندا 202 پارتيالىق كونفەرەنتسيا وتكىزىلەدى.
باستى وقيعا – وبلىس ءماسليحاتتارى مەن ءماجىلىس ءۇشىن "Nur Otan"-نىڭ پارتيالىق تىزىمىنە قوسىلۋعا ۇمىتكەر بولىپ وتىرعان 1412 پرايمەريز كانديداتى قاتىساتىن پىكىرسايىس بولماق.
اۋداندىق (قالالىق) كونفەرەنتسيالارداعى پىكىرسايىستارعا قاتىساتىن كانديداتتار ءتىزىمى Primaries.kz پورتالىندا جاريالاندى.
7-8 قاراشا ارالىعىندا بارلىق 4,5 مىڭ باستاۋىش پارتيا ۇيىمىندا جينالىستار وتكىزىلدى, ناتيجەسىندە اۋداندىق جانە قالالىق پارتيا كونفەرەنتسيالارىنا 10 مىڭنان استام دەلەگات سايلاندى. ولار پىكىرسايىس قورىتىندىسى بويىنشا پرايمەريز ۇمىتكەرلەرىنە داۋىس بەرمەك. تاڭدالعان سايلاۋشى دەلەگاتتار – پرايمەريزگە كانديدات رەتىندە قاتىسپاعان تۇلعالار.
13 قاراشا كۇنى وبلىستىق كونفەرەنتسيالارعا قاتىسۋعا جولداما الاتىن اۋداندىق (قالالىق) پىكىرسايىس جەڭىمپازدارىنىڭ ءتىزىمى بەكىتىلەتىن وبلىستىق فيليالداردىڭ بيۋرولارى وتكىزىلەدى.
16-17 قاراشادا 14 وبلىستىق پارتيا كونفەرەنتسياسى وتەدى. وندا وبلىستاردان ءماجىلىس سايلاۋىنا قاتىسۋ ءۇشىن "Nur Otan"-نىڭ پارتيالىق تىزىمىنە كىرەتىن پرايمەريز كانديداتتارى انىقتالادى.
كونفەرەنتسيالاردىڭ بارلىعى الەۋمەتتىك جەلىلەردە «Nur Otan» پارتياسىنىڭ ايماقتىق فيليالدارىنىڭ اككاۋنتتارىندا تىكەلەي ەفيردە كورسەتىلەتىنىن ەستەرىڭىزگە سالامىن.
بارلىق قاتىسۋشىلارعا پىكىرسايىستاردىڭ مازمۇندى جانە ناتيجەلى بولۋىن تىلەيمىن!", دەدى الىبەك الدەنەي.
