بۇگىندە شىمكەنت قالاسىندا وسى باعىتتاعى شارۋاشىلىققا مەملەكەت تاراپىنان قارجىلاي قولداۋ كورسەتىلىپ, كاسىبىن دوڭگەلەتىپ وتىرعان شارۋانىڭ ءبىرى كاريمجان ەگامنازاروۆ. قالاداعى ءسۇتتى باعىتتاعى اسىل تۇقىمدى ءىرى قارا ءوسىرىپ وتىرعان جالعىز قوجالىق وسى جك "ەگامنازاروۆ" شارۋا قوجالىعى.
وتكەن جىلدىڭ قاراشا ايىندا گوللانديادان اكەلىنگەن 35 باس اسىل تۇقىمدى "گولشتين" ءىرى قارا مالىنىڭ انالىق باسىنان ءسۇت الۋدى باستاعان قوجالىق بيىل ۆەنگريادان تاعى 35 اسىل تۇقىمدى ءىرى قارامەن كوبەيتىپ وتىر.
قازىر قوجالىقتاعى 70 باس اسىل تۇقىمدى ءىرى قاراعا مەملەكەت تاراپىنان قولداۋ كورسەتىلىپ, 16,1 ملن تەڭگە سۋبسيديا بەرىلگەن.
"شەتتەن اكەلگەن اسىل تۇقىمدى ءىرى قارا مالدىڭ كوبى تولدەدى. الداعى ۋاقىتتا شارۋاشىلىق قورا-جايىن كەڭەيتىپ, ءسۇتتى باعىتتاعى مال باسىن كوبەيتۋدى جوسپارلاپ وتىرمىز", - دەيدى كاسىپكەر.
زاماناۋي تەحنولوگيالارمەن جابدىقتالعان فەرمادا ءبىر ساۋىن سيىر تاۋلىگىنە 24 ليتر ءسۇت بەرەدى. ال قوجالىق جىلىنا 600 توننا دەيىن ءسۇت وندىرۋگە قاۋقارلى.
