بۇگىندە تەمىر جول بيلەتتەرىن «جولاۋشىلار تاسىمالى» اق 165 بيلەت كاسسالارىنان, 3 مىڭعا جۋىق اگەنتتىك كاسسالارىنان, ونىڭ ىشىندە امادەۋس ساۋدا ورىندارى مەن پوشتا بولىمشەلەرىنەن, «قتج» ۇك» اق bilet.railways.kz سايتىنان, سونداي-اق «قتج بيلەتى» موبيلدىك قوسىمشاسىن قوسقاندا 15 ينتەرنەت سايتتارىنان ساتىپ الۋعا مۇمكىندىك قاراستىرىلعان.
سونىمەن قوسا تەمىر جول بيلەتتەرىن ۆوكزال اۋماعىندا جانە ودان تىس ورناتىلعان شامامەن 30 مىڭداي وزىنە-ءوزى قىزمەت كورسەتۋ اۆتوماتتارىنان («كاسسا-24» ي QIWI) ساتىپ الۋعا بولادى. ينتەرنەت جانە وزىنە ءوزى قىزمەت كورسەتۋ اۆتوماتتارى ارقىلى تەمىر جول بيلەتتەرىن ونلاين ساتۋ ۇلەسى تۇراقتى ءوسىم تەندەنتسياسىمەن 47%-دى قۇراپ وتىر.
2020 جىلى تەمىر جول بيلەتتەرىن ساتۋ جۇيەسىن جەتىلدىرۋ شەڭبەرىندە بىرنەشە جاڭاشىلدىقتار جۇزەگە اسىرىلعانىن ايتا كەتكەن ورىندى. مىسالى, مۇگەدەكتىگى بار تۇلعالار bilet.railways.kz سايتى ارقىلى تەمىر جول بيلەتتەرىن جەڭىلدىكپەن ساتىپ الۋى مۇمكىندىگى جاسالعان. بۇعان قوسا bilet.railways.kz سايتى «كاسپي بانك» اق پروتسەسسينگىمەن تولىقتىرىلدى جانە دە بۇرىندارى بيلەت كاسسالارىنان POS-تەرمينال ارقىلى تولەنىپ قويىلعان تەمىر جول بيلەتتەرىن قايتارۋ كەزىندە جولاۋشى كارتاسىنا اقشانى اۆتوماتتى تۇردە قايتارۋ فۋنكتسياسى ىسكە قوسىلدى.
Touch ID ي Pin-كود – ساۋساق ءىزى كومەگىمەن «قتج بيلەتى» موبيلدىك قوسىمشاسى قولدانۋشىلارىن اۋتەنتيفيكاتسيالاۋ قىزمەتى جۇمىس ىستەيتىنىن ايتا كەتۋ كەرەك.
بىلتىردان بەرى ساۋدادا بيلەتتەر بولماعان كەزدە جولاۋشىلارعا تىركەلۋگە جانە كەزەك تارتىبىمەن بيلەتتەر ساتىپ الۋعا مۇمكىندىك بەرەتىن ەلەكتروندى «كۇتۋ پاراقشاسى» قىزمەتى دە جولاۋشىلاردىڭ ساپالى قىزمەت الۋلارىنا ۇسىنىلادى.
وسى ورايدا «قتج» ۇك» اق تەمىر جول بيلەتتەرىن ساتىپ الۋ ءۇشىن ونلاين جۇيەنى پايدالانۋعا كەڭەس بەرەدى.
