بالقان ماتەماتيكا وليمپياداسى – ەۋروپا ەلدەرىنىڭ وقۋشىلارىنا ارنالعان حالىقارالىق ماتەماتيكالىق جارىس. بۇل جارىسقا الەمنىڭ 18 ەلىنەن 154 وقۋشى قاتىسىپ, باق سىناستى.
وليمپيادادا قازاقستان قۇراما كومانداسى 6 وقۋشىدان قۇرالدى. ولار – 2019 جىلعى رەسپۋبليكالىق وليمپيادانىڭ جەڭىمپازدارى مەن جۇلدەگەرلەرى, سونىمەن قاتار وليمپيادالىق رەزەرۆ مۇشەلەرى. بيىل قۇراما كوماندانىڭ كورسەتكەن ناتيجەسى وتە جوعارى بولدى.
37-ءشى بالقان ماتەماتيكا وليمپياداسىنىڭ قورىتىندىسى بويىنشا ۇلتتىق قۇراما كوماندا ەكى كۇمىس جانە ءتورت قولا مەدالدى جەڭىپ الدى. كۇمىس مەدال يەگەرلەرى – الماتى قالاسى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ 12 جانە 11-سىنىپ وقۋشىلارى اسىلبەك ولجاباەۆ جانە تاير ساتۋبالدين. ال قولا مەدال يەگەرلەرى – الماتى قالاسى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ 11-سىنىپ وقۋشىسى تاميرلان بەكتەمىسوۆ, الماتى قالاسى رەسپۋبليكالىق فيزيكا-ماتەماتيكا مەكتەبىنىڭ 10-سىنىپ وقۋشىسى باتىرحان ساكەنوۆ, الماتى قالاسى Haileybury مەكتەبىنىڭ 11-سىنىپ وقۋشىسى يۋري تەن, نۇر-سۇلتان قالاسى دارىندى بالالارعا ارنالعان ء«بىلىم-يننوۆاتسيا» ليتسەي-ينتەرناتىنىڭ 11-سىنىپ وقۋشىسى سام فەتۋللاح.
