«توبج تەحنولوگياسىن قولدانا وتىرىپ قازاقستان رەسپۋبليكاسىنىڭ اۋىلدىق ەلدى مەكەندەرى كەڭ جولاقتى ينتەرنەتپەن قامتۋ» رەسپۋبليكالىق جوباسىنا سايكەس, اۋليەاتا وڭىرىندەگى جوسپارلانعان 72 اۋىلدىڭ 67-سىنە تالشىقتى-وپتيكالىق بايلانىس جەلىلەرى تارتىلدى. كومپانيانىڭ ءباسپاسوز قىزمەتى حابارلاعانداي, جوسپارلانعان 223 مەملەكەتتىك مەكەمە مەن بيۋدجەتتىك ۇيىمداردىڭ 204-ءى جوعارى جىلدامدىقتى ينتەرنەتكە قوسىلدى.
جامبىل وبلىسىنا تارتىلاتىن تالشىقتى-وپتيكالىق بايلانىس جەلىلەرىنىڭ جالپى ۇزىندىعى 912 شاقىرىمعا تەڭ. جوبانى جۇزەگە اسىرۋ ارقىلى وبلىستىڭ 10 اۋدانىنداعى شالعاي اۋىلدار جوعارى جىلدامدىقتى ينتەرنەتپەن قامتاماسىز ەتىلەدى.
– بۇگىنگى تاڭدا قورداي ءوڭىرىنىڭ ۇلكەنسۇلۋتور, سۇلۋتورى, قالعۇتى اۋىلدارىندا, سونداي-اق بايزاق اۋدانىنىڭ قۇمجوتا جانە ۇلگىلى اۋىلدارىندا جۇمىس اياقتالۋعا جاقىن قالدى. قاراشا ايىنىڭ سوڭىنا دەيىن وسى اۋىلدارداعى قالعان 19 مەملەكەتتىك ورگان تالشىقتى-وپتيكالىق بايلانىس جەلىلەرىنە قوسىلادى. بۇل وڭىرلەر تاۋ-تاستى بولىپ كەلەدى, سول سەبەپتى جەر بەدەرى جۇمىستى اجەپتەۋىر قيىنداتتى. مىسالى, قورداي وڭىرىندە تالشىقتى-وپتيكالىق بايلانىس جەلىلەرىنىڭ قۇرىلىسى تاۋدىڭ بويىمەن وتەدى. بىراق قيىندىقتارعا قاراماستان, جوبانى بەلگىلەنگەن مەرزىمدە اياقتايمىز, – دەيدى «قازاقتەلەكوم» اق وڭتۇستىك ايماقتىق تەلەكوممۋنيكاتسيا ديرەكتسياسى جامبىل متبت جەلىلىك-تەحنيكالىق ءبولىمىنىڭ باستىعى شايحيسلام قاراقۇلوۆ.
بايزاق اۋدانى – وبلىس ورتالىعىنا جاقىن ورنالاسقان, بىراق وسىعان دەيىن مۇندا ينتەرنەت ساپاسى سىن كوتەرمەيتىن. ماديمار اۋىلى بايزاق اۋدانىنىڭ شالعاي جاتقان اۋىلدارىنىڭ ءبىرى, بۇگىندە مۇندا 2002 تۇرعىن تىركەلگەن. اۋىلدا مەكتەپ, اكىمدىك, دارىگەرلىك امبۋلاتوريا بار. توبج تارتىلعانعا دەيىن بۇل ۇيىمدار ماگيسترالدىق تەلەكوممۋنيكاتسيالىق حابتارعا جىلدامدىعى تومەن راديورەلەلىك بايلانىس جەلىلەرى ارقىلى قوسىلىپ كەلگەن. بۇل تەحنولوگيانىڭ مەملەكەتتىك ورگاندارعا جوعارى جىلدامدىقتى بايلانىس بەرۋدە مۇمكىندىگى تىم شەكتەۋلى ەدى. بۇگىنگى تاڭدا كەڭ جولاقتى ينتەرنەتكە قول جەتكىزگەن اۋىل ءومىر ساپاسىنىڭ دا ايتارلىقتاي ارتتى. مىسالى, شوقان ءۋاليحانوۆ اتىنداعى اۋىل مەكتەبىندە جوعارى جىلدامدىقتى ينتەرنەت قوسقاننان بەرى مۇعالىمدەر ماردىمسىز بايلانىستى ۇمىتىپ, ءبىلىم بەرۋ جۇيەسىنىڭ ەلەكتروندى پلاتفورمالارىن ەمىن-ەركىن پايدالانۋعا كوشتى. وسى مەكتەپ ديرەكتورىنىڭ مىندەتىن اتقارۋشى جاقسىلىق تايشىبەكوۆتىڭ ايتۋىنشا, پاندەميانىڭ ءبىلىم سالاسىنا ەنگىزگەن وزگەرىستەرى كەزىندە اۋىلدىق مەكتەپتەر اسىرەسە جۇيرىك ينتەرنەتكە ءزارۋ بولدى.
– وقۋ جىلى باستالار كەزدە مەكتەبىمىزگە جوعارى جىلدامدىقتى ينتەرنەت كەلدى. بۇل وتە ۋاقتىلى جاسالعان شارۋا بولدى, ويتكەنى بيىلعى وقۋ ماۋسىمىندا باستاۋىش سىنىپتاردان باسقاسى, وقۋ جىلىن قاشىقتان وقىپ جاتىر. بۇگىندە ءبىزدىڭ مۇعالىمدەر قالالىقتارمەن تەڭەسىپ, ءوز جۇمىسىندا «كۇندەلىك», Daryn.online, Bilimland.kz سياقتى پلاتفورمالاردى پايدالانۋدا, بۇل وقۋ پروتسەسىن الدەقايدا تارتىمدى ءارى ءتيىمدى ەتتى, – دەدى جاقسىلىق تايشىبەكوۆ.
ماديمار اۋىلىنىڭ دارىگەرلىك امبۋلاتورياسى دا كەڭ جولاقتى ينتەرنەتكە قوسىلدى, دارىگەرلەر مەن ماماندار مەديتسينالىق اقپاراتتىق جۇيەلەرگە قول جەتكىزىپ, قاعازسىز قۇجات اينالىمىنا اۋىسۋدا, سونىمەن قاتار تەلەمەديتسينا ارقىلى مەديتسينالىق اقپارات الۋ مۇمكىندىگى تۋدى. ۋچاسكەلىك مەدبيكە جانار ابىلداەۆا پاتسيەنتتەر تۋرالى مالىمەتتەردى ەلەكتروندى مەديتسينالىق كارتاعا ەنگىزۋ جانە دارىگەرلەردىڭ قابىلداۋىنا جازۋدىڭ قانشالىقتى ىڭعايلى ءارى جىلدام بولعانىن اتاپ ءوتتى.
توبج جوباسى مەملەكەتتىك ورگاندار ءۇشىن دە مول مۇمكىندىكتەرگە جول اشتى. جەرگىلىكتى تۇرعىندارعا مەملەكەتتىك قىزمەتتەردى جەدەل جۇرگىزۋ مۇمكىن بولدى. ماسەلەن, ىنتىماق اۋىلدىق وكرۋگى اكىمىنىڭ اپپاراتىندا سەگىز كومپيۋتەر «وپتيكاعا» قوسىلعان.
تۇراقتى ءارى جىلدام ينتەرنەتتىڭ ارقاسىندا قىزمەتكەرلەر e-gov, e-Halyk, E-Kyzmet اقپاراتتىق جۇيەلەرىن, بىرىڭعاي مۇراعاتتى پايدالانادى. حالىققا ءوزىن-ءوزى قىزمەت ەتۋ بۇرىشى ۇيىمداستىرىلدى, مۇندا اۋىل تۇرعىندارى 28-گە جۋىق سەرتيفيكاتتاردى دەربەس الا الادى, بۇل ۋاقىت پەن رەسۋرستاردى ۇنەمدەۋگە وتە ىڭعايلى.
«وپتيكاعا» قوسىلۋ نۇكتەلەرىنىڭ كوبەيۋى كەلەشەكتە «250+» جوباسى اياسىندا اۋىلدىق جەرلەردە 3G / 4G ۇيالى بايلانىسىنىڭ ءموبيلدى جەلىلەرىن دامىتۋعا مۇمكىندىك بەرەدى, بۇل شالعاي اۋىلداردىڭ تۇرعىندارىنا كەڭ جولاقتى ءموبيلدى ينتەرنەتكە قول جەتكىزۋگە جول اشادى.
