قوستاناي وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى جەدەل ءىس-شارالار بارىسىندا ەسىرتكى قۇرالدارى مەن پسيحوتروپتىق-سينتەتيكالىق زاتتاردى تاركىلەدى.
"2020 جىلعى 28 قازاندا قوستاناي قالاسىنىڭ دونەنباەۆا كوشەسىندە 40 جاستاعى ايەل ۇستالدى. تەكسەرۋ بارىسىندا ودان 17 تۇيىنشەك ەسىرتكى تارىزدەس زات ساقتاعانى انىقتالدى. اشىق ءتۇستى زات ساراپتاماعا جىبەرىلىپ, جالپى سالماعى 6 گرامم بولاتىن "گەروين" ەكەنى بەلگىلى بولدى. كۇدىكتى ۋاقىتشا ۇستاۋ يزولياتورىنا قامالدى. 2 قاراشا قوستاناي قالاسىنداعى "يۋبيلەينىي" شاعىن اۋدانىندا 20 جاستاعى ەر ادام ۇستالدى, ونىڭ پاتەرىن تەكسەرۋ بارىسىندا اس ۇيىندەگى گاز پليتاسىنىڭ ىشىندە تاسپامەن ورالعان, ىشىندە اق ۇنتاق بار 19 پوليمەرلى تۇيىنشەك تابىلدى.
سونىمەن قاتار, ءتۇرلى ءتۇستى ۇنتاق ءتارىزدى كونسيستەنتسياسى بار تاعى 4 پوليەتيلەن پاكەت تاركىلەندى, سينتەتيكالىق ەسىرتكىنىڭ جالپى سالماعى 36 گر قۇرادى. ۇستالعان ادامعا قاتىستى "كۇزەتپەن ۇستاۋ" تۇرىندەگى بۇلتارتپاۋ شاراسى بەلگىلەندى", دەيدى تالعات وتەتىلەۋوۆ.
