جوبانىڭ ماقساتى - جاستاردى جاڭاشىلىققا بەيىمدەپ, ولاردىڭ ءوزىن-ءوزى دامىتۋىنا جاعداي جاساۋ.
ءبىلىم بەرۋ جوباسىنىڭ العاشقى قوناعى – نۇرسۇلتان نازارباەۆ فوندىنىڭ ديرەكتورى داريعا نازارباەۆا بولدى.
ء"بىز پاندەميانى تەز ارادا اياقتالا قويادى دەپ ويلامايمىز, ونداي جاعدايدا ءالى ۇزاق ۋاقىت ارەكەت ەتۋگە دايىن بولۋىمىز كەرەك. ال بۇل - قولداۋدى قاجەت ەتەتىن ادامدارعا بارىنشا كومەك كورسەتۋدى جالعاستىرۋ كەرەك دەگەن ءسوز.
جاستار ءۇشىن قوعامعا, ياعني ەلىمىزگە قالتقىسىز قىزمەت ەتۋدەن ماڭىزدى ءىس بولۋى مۇمكىن بە؟ وسى قىزمەت ارقىلى سىزدەر تاجىريبە جيناقتايسىزدار, قۇرمەت پەن بەدەلگە يە بولاسىزدار جانە ومىردە كوپ جەتىستىكتەرگە جەتەسىزدەر. مەن سىزدەرگە شىن جۇرەكتەن وسىنى تىلەيمىن.
وسىنداي ومىرلىك ۇستانىم جاڭا ۇرپاققا, جاڭا ادامدارعا كەز كەلگەن داعدارىستى جەڭۋگە جانە ۇلتتىق ەگەمەندىگىمiزدى نىعايتۋعا كۇش-قۋات بەرەدى دەپ سەنەمىن", دەدى داريعا نازارباەۆا.
اشىلۋ بارىسىندا قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى ايدا بالاەۆا: "قۇرمەتتى جوباعا قاتىسۋشىلار! كوروناۆيرۋستىق پاندەميا ءبىزدىڭ جوسپارلارىمىزعا بىرقاتار تۇزەتۋلەر ەنگىزدى; سونىمەن بىرگە ونلاين رەجيمىندە ءتيىمدى جۇمىس ىستەي الاتىندىعىمىزدى جانە جۇمىس جاساۋىمىز كەرەكتىگىن كورسەتتى. ەپيدەميا ادامداردىڭ ويلاۋ قابىلەتىن, ومىرگە دەگەن كوزقاراسىن وزگەرتىپ, بارلىعىمىز دا ءوز جۇمىسىمىزدا جانە كۇندەلىكتى ومىردە ۇلكەن جاۋاپكەرشىلىكتى سەزىنەتىن بولدىق", دەپ اتاپ ءوتتى.
جوبا اياسىندا, ءبىر ايدىڭ ىشىندە جاس قازاقستاندىقتار ءوز ءبىلىمىن ارتتىرىپ, بىلىكتى جاتتىقتىرۋشىلاردى, ساراپشىلاردى جانە وزگە دە شاقىرىلاتىن قوناقتاردى جوباعا تارتا وتىرىپ, جاڭا كوشباسشىلىق جانە ومىرلىك قارىم-قابىلەتتەرگە يە بولادى.
جوبا اياسىندا جاستاردىڭ وزەكتى ماسەلەلەرى بويىنشا الەۋمەتتىك ديالوگتى جانداندىرۋ جانە الەۋمەتتىك سەرىكتەستىك تەتىكتەرىن ازىرلەۋ ءۇشىن, ورتالىق مەملەكەتتىك ورگاندار باسشىلىعىنىڭ قاتىسۋىمەن, جاستار پىكىرتالاستارى جوسپارلانعان.
جۇمىس بەس نەگىزگى باعىت بويىنشا جۇزەگە اسىرىلادى: ازاماتتىق بەلسەندىلىك, ەرىكتىلەر, اقپاراتتىق تەحنولوگيالار, جاستار كاسىپكەرلىگى جانە جەكە دامۋ.
جوبا ونلاين-فورماتتا جۇزەگە اسىرىلاتىندىقتان وعان ەلىمىزدىڭ تۇكپىر-تۇكپىرىنەن جاستار وكىلدەرى قاتىسا الادى.
