«ازاماتتىق قورعانىس تۋرالى» زاڭ جوباسىنا ا.پەرۋاشەۆتىڭ ۇسىنىستارىن دەپۋتاتتار قولدامادى دەگەن تجم-ءنىڭ مالىمدەمەسى – جالعان. «اق جول» قدپ پارلامەنتتىك فراكتسياسىنىڭ دەپۋتاتتارى بريفينگتە وسىلاي دەپ مالىمدەدى.
بۇل تۋرالى ايتا كەلىپ, دەپۋتات مەرۋەرت قازبەكوۆا, ءماسەلەن, بىلاي دەپ اتاپ ءوتتى: «جالپى, مينيسترلىكتەر مەن ۆەدومستۆولاردىڭ پرەزيدەنتتىڭ سىنىنا وراي ارەكەتتەرى تاڭعالارلىق ەكەندىگىن اتاپ ءوتۋدى قاجەت دەپ سانايمىز.
«ازاماتتىق قورعانىس تۋرالى» زاڭ جوباسىنا ا.پەرۋاشەۆتىڭ ۇسىنىستارىن دەپۋتاتتار قولدامادى دەگەن تجم-ءنىڭ مالىمدەمەسى – جالعان. «اق جول» قدپ پارلامەنتتىك فراكتسياسىنىڭ دەپۋتاتتارى بريفينگتە وسىلاي دەپ مالىمدەدى.
بۇل تۋرالى ايتا كەلىپ, دەپۋتات مەرۋەرت قازبەكوۆا, ءماسەلەن, بىلاي دەپ اتاپ ءوتتى: «جالپى, مينيسترلىكتەر مەن ۆەدومستۆولاردىڭ پرەزيدەنتتىڭ سىنىنا وراي ارەكەتتەرى تاڭعالارلىق ەكەندىگىن اتاپ ءوتۋدى قاجەت دەپ سانايمىز.
ورتالىق كوممۋنيكاتسيالار قىزمەتىندەگى وتكەن جولعى بريفينگتە ءبىزدىڭ ارىپتەسىمىز, فراكتسيا جەتەكشىسى ازات پەرۋاشەۆ مەملەكەت باسشىسىنىڭ: «تەكسەرۋلەردى وڭتايلاندىرۋعا قىزمەت ەتۋى ءتيىس تاۋەكەلدەردى باسقارۋ جۇيەلەرى ءاربىر مەملەكەتتىك ورگانمەن ءوز قالاۋىنشا جاسالعان. ولار ءبىرىڭعاي ءادىسناماسىز جۇمىس ءىستەيدى», دەگەن سوزدەرىن ناقپا-ناق كەلتىردى.
بۇعان بايلانىستى پەرۋاشەۆ قازىرگى تاڭدا پارلامەنتتىڭ تالقىلاۋىنداعى «ازاماتتىق قورعانىس تۋرالى» زاڭ جوباسىن مىسالعا كەلتىرگەن, وندا تجم كوممەرتسيالىق ۇيىمدار جۇرگىزەتىن «تاۋەكەلدەردى تاۋەلسىز باعالاۋ» دەپ اتالاتىن جۇيەنى زاڭداستىرۋ ۇسىنىلادى جانە ول مەملەكەتتىك باقىلاۋدى اۋىستىرماق. ءبىز مۇنى, پرەزيدەنتتىڭ جارلىقتارىن قوسا العاندا, زاڭنامامەن تىكەلەي تىيىم سالىنعان مەملەكەتتىك باقىلاۋ مەن تەكسەرۋلەردى كوممەرتسيالاندىرۋ ءجۇرىپ جاتىر دەپ ەسەپتەيمىز. تجم-مەن ۇسىنىلعان تاسىلدەمەلەر سىبايلاستىق-جەمقورلىقتىق ءورىستى كەڭەيتەدى, كاسىپكەرلەردى ورتكە قارسى قىزمەت جاعىنان تەكسەرۋدەن باس تارتقىزۋعا ايىرباس جاساتىپ, «تاۋەكەلدەردى تاۋەلسىز باعالاۋ» دەپ اتالاتىن قىزمەتتەرگە تولەۋگە ماجبۇرلەيدى, دەگەن ەدى فراكتسيا جەتەكشىسى.
ەندى, مىنە, بۇگىن تجم, دەرەكسوز كەلتىرەمىن: «ازاماتتىق قورعانىس تۋرالى» زاڭ جوباسىنا ا.پەرۋاشەۆتىڭ ۇسىنىستارىن دەپۋتاتتار قولدامادى», دەگەن سياقتى مالىمدەمە تاراتتى.
تجم-ءنىڭ ءبىزدىڭ ۇسىنىستارىمىزدىڭ «دەپۋتاتتار تاراپىنان قولداۋ تاپپادى» ءتارىزدى مالىمدەمەسى شىندىققا جاناسپايدى. بۇگىنگى كۇنى سالىستىرمالى كەستەدە جۇمىس توبىمەن قابىلدانعان جانە قولداۋ بىلدىرىلگەن پەرۋاشەۆتىڭ جانە بىرلەسكەن اۆتورلاردىڭ, ونىڭ ىشىندە باسقا دا فراكتسيالاردان قاتىسقان, تولىپ جاتقان تۇزەتۋلەرى بار. بۇل №2, 3, 6, 9, 25, 39, 43, 44, 46, 65, 67 جانە ت.ب. تۇزەتۋلەر – بارلىعى 70-تەن استام پەرۋاشەۆتىڭ تۇزەتۋلەرى قازىردىڭ ءوزىندە قابىلدانعان, تاعى ونداعان تۇزەتۋلەر جۇمىس پروتسەسىندە نەمەسە ۇكىمەتكە قورىتىندى جاساۋعا جىبەرىلگەن.
ارينە, كوپتەگەن قابىلدانباعان تۇزەتۋلەر دە (ول دا 70 شاماسىندا) بار, بىراق ا.پەرۋاشەۆتىڭ بارلىق تۇزەتۋلەرى ارىپتەستەرىمەن قابىلدانبادى دەپ قىڭىرلىقپەن مالىمدەمە جاساۋ – دەمەك, بۇل قوعامدى ادەيى, قاساقانا اداستىرۋ.
مۇمكىن, تجم ءوزىنىڭ قالاۋىن شىندىق دەپ كورسەتكىسى كەلەتىن بولار, بىراق بۇل ونى انىق ەمەس, دايەكسىز اقپارات تاراتقانى ءۇشىن مورالدىق جاۋاپكەرشىلىكتەن قۇتقارا المايدى.
ەكىنشى وتە ماڭىزدى جايت: تجم مەملەكەت باسشىسىنىڭ سىنىنا نەگە قۇلاق اسقىسى كەلمەيتىنىن نەگىزدەۋگە تىرىسىپ, ۆەدومستۆونىڭ ءباسپاسوز قىزمەتى كورسەتىلگەن مالىمدەمەدە ءورت سوندىرۋدەگى ەڭبەكتەرىن جانە ت.ب. سانامالايدى.
بىراق بۇل جەتىستىكتەر, اسىرەسە, تۇراقتى تۇردە قايتالانىپ جاتاتىن, مىسالى, الماتى بازارلارىنداعى ورتتەردىڭ اينالاسىندا ەرسىلىگىن ايتپاعاننىڭ وزىندە, وتە داۋلى بولىپ كورىنەدى.
سوندىقتان دا ءبىز, 11 قازانداعى مەملەكەت باسشىسىنىڭ تاپسىرمالارىنا سايكەس, «تاۋەكەلدەردى تاۋەلسىز باعالاۋ» سەكىلدى زياندى جۇيەنى جويۋدى تالاپ ەتەمىز», دەپ قورىتىندىلادى دەپۋتات م.قازبەكوۆا.
«ەگەمەن-اقپارات».
