دەلەگاتسيا قۇرامىنا قر سىرتقى ىستەر ءمينيسترىنىڭ ورىنباسارى الماس ايداروۆ, قازاقستاننىڭ تۇركياداعى ەلشىسى ابزال ساپاربەك ۇلى, "KAZAKH INVEST ۇك" اق باسقارما توراعاسىنىڭ ورىنباسارى عالىم وزبەكوۆ, سونداي-اق قازاقستاننىڭ جەرگىلىكتى اتقارۋشى جانە كۆازيمەملەكەتتىك ورگاندارىنىڭ وكىلدەرى كىردى. تۇرىك تاراپىنا 30-عا جۋىق ءىرى كومپانيالاردىڭ يەلەرى مەن ءبىرىنشى باسشىلارى كىردى.
كەزدەسۋ بارىسىندا قازاقستان-تۇركيا ساۋدا-ەكونوميكالىق, ينۆەستيتسيالىق ىنتىماقتاستىق جانە ينۆەستيتسيالىق احۋالدى ودان ءارى جاقسارتۋ ماسەلەلەرى تالقىلاندى.
قر سىرتقى ىستەر ءمينيسترىنىڭ ورىنباسارى الماس ايداروۆ ءوز سوزىندە تۇرىك ينۆەستورلارى بۇگىنگى تاڭدا ەڭ بەلسەندى ينۆەستورلاردىڭ ءبىرى بولىپ تابىلاتىنىن اتاپ ءوتتى. اعىمداعى جىلدىڭ سوڭىنا دەيىن ينفراقۇرىلىم, ماشينا جاساۋ, تاماق ونەركاسىبى جانە اعاش وڭدەۋ سياقتى سالالاردا شامامەن $160 ملن بولاتىن 5 جاڭا ينۆەستيتسيالىق جوبانى ىسكە اسىرۋ كۇتىلۋدە.
قازاقستاننىڭ تۇركياداعى ەلشىسى ابزال ساپاربەك ۇلى ءوز سوزىندە قازاقستان مەن تۇركيا ورتاق تاريحي, مادەني جانە باۋىرلاستىق بايلانىستارى بار ستراتەگيالىق سەرىكتەستەر بولىپ تابىلاتىنىن اتاپ ءوتتى. 2020 جىلدىڭ 8 ايىنىڭ قورىتىندىسى بويىنشا, پاندەمياعا قاراماستان, تاۋار اينالىمى $2 ملرد-تان استى, بۇل 2019 جىلدىڭ سايكەس كەزەڭىمەن سالىستىرعاندا 1,4%-عا ارتتى. 2019 جىلدىڭ قورىتىندىسى بويىنشا شامامەن $360 ملن تۇرىك ينۆەستيتسياسى تارتىلدى, بۇل جىلدىق ەسەپتەۋدەگى جاڭا ابسوليۋتتىك رەكورد بولىپ تابىلادى.
ءىس-شارا شەڭبەرىندە قازاقستاندا ونەركاسىپ, اوك سالالارىنداعى ينۆەستيتسيالىق جوبالاردى, سونداي-اق مەملەكەتتىك-جەكە مەنشىك ارىپتەستىك تەتىگى ارقىلى ىسكە اسىرۋعا نيەت بىلدىرگەن الەۋەتتى ينۆەستورلارمەن بىرقاتار ەكىجاقتى كەزدەسۋلەر ءوتتى.
كەلىسسوزدەر قورىتىندىسى بويىنشا شامامەن $160 ملن سوماسىنا 5 كەلىسىمگە قول قويىلدى, قۇجاتتار شەڭبەرىندە قازاقستاندا لوگيستيكالىق جانە ساۋدا-ويىن-ساۋىق ورتالىعىنىڭ, جىلىجايدىڭ, جىلۋ كوزىنىڭ قۇرىلىسى بويىنشا جوبالاردى ىسكە اسىرۋ جوسپارلانۋدا. سونىمەن قاتار, گاز-ەلەكتر پليتالارىن شىعاراتىن زاۋىت سالۋ جوسپاردا بار.
