بايقاۋعا اباي, اياگوز, بەسقاراعاي, بورودۋليحا, گلۋبوكوە, جارما, زايسان, كاتونقاراعاي, كۇرشىم, كوكپەكتى, ءۇرجار, ۇلان, تارباعاتاي, التاي اۋداندارىنان, سونداي-اق وسكەمەن, سەمەي جانە ريددەر قالالارىنان بارلىعى 17 شاعىن جيناقتى مەكتەپ مۇعالىمدەرى قاتىسقان.
"مەن تابىستى مۇعالىممىن" اتتى كونكۋرستىڭ ءبىرىنشى تۋرىندا قاتىسۋشىلار پەداگوگيكالىق تاجىريبەلەرىن ورتاعا سالسا, ەكىنشى تۋردا بىرلەسكەن سىنىپتا "شاعىن جيناقتالعان مەكتەپتەگى ۇزدىك ساباق" تاقىرىبىندا بەينەساباقتار كورسەتتى.
"قازىلار القاسىنىڭ شەشىمى بويىنشا ءبىرىنشى ورىندى بەسقاراعاي اۋىلىنداعى ورتا مەكتەپتىڭ حيميا جانە بيولوگيا ءپانىنىڭ مۇعالىمى ك ۇلىمحان ايتبۇلانوۆا جەڭىپ الدى. ەكىنشى ورىندى ەكى وقىتۋشى – التاي اۋدانى چاپاەۆ ورتا مەكتەبىنىڭ حيميا جانە بيولوگيا ءپانى مۇعالىمى ناتاليا كابلۋكوۆا, كاتونقاراعاي اۋدانى س.تۇكىباەۆ اتىنداعى ورتا مەكتەبىنىڭ قازاق ءتىلى مەن ادەبيەتى ءپانى مۇعالىمى مەرۋەرت كنيازباەۆا يەلەندى. ءۇشىنشى ورىنعا ءۇرجار اۋدانى قارابۇيرات ورتا مەكتەپ-باقشاسىنىڭ ماتەماتيكا ءپانىنىڭ مۇعالىمى جاڭىلحان يسادجانوۆا, ۇلان اۋدانىنىڭ س.امانجولوۆا اتىنداعى ورتا مەكتەبىنىڭ باستاۋىش سىنىپ مۇعالىمى ايجان اريشەۆا جانە كوكپەكتى اۋدانى ا.س. پۋشكين اتىنداعى ورتا مەكتەبىنىڭ قازاق ءتىلى مەن ادەبيەتى ءپانىنىڭ مۇعالىمى اينۇر اسحار يە بولدى", دەلىنگەن شقو اقپارات ورتالىعىنىڭ حابارلاماسىندا.
سونىمەن قاتار بەس وقىتۋشى بىرقاتار نوميناتسيالار بويىنشا جەڭىسكە جەتتى. "جاڭاشىل مۇعالىم" نوميناتسياسى بويىنشا اياگوز اۋدانى ت.ەسىمجانوۆ اتىنداعى جالپى ءبىلىم بەرەتىن مەكتەپتىڭ ينفورماتيكا ءپانى مۇعالىمى اينۇر سماعۇلوۆا ۇزدىك اتاندى.
ريددەر قالاسى بۋتاكوۆو اۋىلىنىڭ نەگىزگى ورتا مەكتەبىنىڭ ءوزىن-ءوزى تانۋ مۇعالىمى يۆان كادىروۆ "بىلىكتى پەداگوگ" نوميناتسياسىن جەڭىپ الدى. كۇرشىم اۋدانى مونۋكوي نەگىزگى ورتا مەكتەبىنىڭ قازاق ءتىلى مەن ادەبيەتى ءپانىنىڭ مۇعالىمى فاريدا كوناكوۆا "ۇزدىك ويشىل-مۇعالىم" اتاندى. "كاسىبي مۇعالىم" نوميناتسياسى بويىنشا اباي اۋدانى س.بەكبوسىنوۆ اتىنداعى ورتا مەكتەپتىڭ ماتەماتيكا ءپانى مۇعالىمى ۇمىتقان شايانباي ماراپاتتالدى. گلۋبوكوە اۋدانى م.عابدۋللين اتىنداعى ورتا مەكتەبىنىڭ قازاق ءتىلى مەن ادەبيەتى ءپانى مۇعالىمى ءلايلا جاماعانوۆا «شىعارماشىل ۇستاز" نوميناتسياسى بويىنشا ۇزدىك اتاندى.
