جيىندا اگەنتتىكتىڭ پاراساتتىلىق دەپارتامەنتىنىڭ ديرەكتورى عانيجان اسان ۇلى سىبايلاس جەمقورلىققا قارسى ءىس-قيمىل ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەنگىزىلگەن وزگەرىستەر تۋرالى كەڭىنەن شولۋ جاسادى. سول سياقتى الماتى وبلىسىنىڭ سەرۆيستىك اكىمدىك, اشىق بيۋدجەتتىڭ ينتەراكتيۆتى كارتاسى, Open space فورماتىندا جۇمىس ىستەۋ باعىتتارىنداعى اياق الىسى تۋرالى قىسقاشا ايتىپ ءوتتى. وسى باعىتتاعى جۇمىستاردى ودان ءارى جانداندىرۋ قاجەتتىگىن ايتتى.
سول سياقتى اگەنتتىكتىڭ اقپاراتتىق – اعارتۋشىلىق شتابىنىڭ ءتورايىمى ىرزا تۇرسىنزادا ءسوز الىپ, جەمقورلىق دەرتىنىڭ الدىن الۋ, ازاماتتىق ۇستانىمنىڭ ءرولى, وتانشىلدىق قاسيەتتى شىڭداۋ جايلى ءسوز قوزعادى.
جيىن سوڭىندا وبلىس اكىمى اماندىق باتالوۆ وبلىستا مەملەكەتتىك قىزمەتتىڭ اشىقتىعىن, قول جەتىمدىلىگىن قامتاماسىز ەتۋ ماقساتىندا اتقارىلىپ جاتقان جۇمىستارعا قىسقاشا توقتالىپ ءوتىپ:
- جىل سوڭىنا دەيىن سەرۆيستىك اكىمدىكتەر بارلىق اۋداندا اشىلادى. بۇگىنگى كۇنگە 16 اۋدا-قالادا بار. قالعان اۋدان اكىمدەرى, وسى ءىستى جاقىن ارادا شەشىڭىزدەر. اشىق بيۋدجەتتىڭ ينتەراكتيۆتى كارتاسى بويىنشا دا اشىقتىقتى تولىق قامتاماسىز ەتۋگە مۇمكىندىگىمىز بار. ول بويىنشا دا جۇمىس جاسالىپ جاتىر. سىبايلاس جەمقورلىققا قارسى كۇرەس جان-جاقتى, ۇزدىكسىز جانە ءادىل جۇرگىزىلۋى ءتيىس. سوندا عانا ءبىز العا قويىلعان ماقساتتارعا قول جەتكىزەمىز. الداعى ۋاقىتتا وسى باعىتتاعى جۇمىستى ناتيجەلى اتقارۋ - بارشامىزعا جۇكتەلەتىن جاۋاپتى مىندەت, دەدى ءسوزىن قورىتىندىلاپ
