2020 جىلى ماقتاارالدىق ديقاندار 60,9 مىڭ گەكتار جەرگە ەگىستىك ەكسە, ونىڭ 38,2 مىڭ گەكتارى ماقتا داقىلىنا تيەسىلى. اۋدان بويىنشا بۇگىنگى تاڭدا 86,7 مىڭ توننا اق التىن جينالدى. ديقاندارىمىز ماقتانى جيناۋ جۇمىستارىن ءالى دە جالعاستىرۋدا, ازىرشە ورتاشا ونىمدىلىك 25 تسەنتنەر.
سونىمەن قاتار, ماقتالى ولكەدە 46,3 مىڭ توننا كوكونىس, 304,1 مىڭ توننا باقشا ونىمدەرى ءوندىرىلىپ, شەت مەملەكەتتەرگە 80 پايىزىنا جۋىعى ەكسپورتتالدى. ودان بولەك, 11,8 مىڭ توننا كۇرىش جينالسا, باسقادا ءتۇرلى اۋىل شارۋاشىلىعى داقىلدارى ءوندىرىلدى.
اۋداندا اۋىل شارۋاشىلىعى تەحنيكالارى جىل سايىن جاڭارىپ كەلەدى. 2020 جىلى 98 تەحنيكانى جاڭادان ساتىپ الۋ كوزدەلسە, ەسەپتى كەزەڭدە 102 تەحنيكا الىنىپ, جوسپار ارتىعىمەن ورىندالىپ وتىر. سونداي-اق, جىلىجايلاردىڭ كولەمىن 10 گەكتارعا كوبەيتۋ جوسپارلانعان ەدى, 10 ايدىڭ ىشىندە جوسپار تولىقتاي ىسكە اسقان.
سول سياقتى تامشىلاتىپ سۋعارۋ ءادىسىن 250 گەكتارعا كوبەيتۋ جوسپارلانعان ەدى, ەسەپتى كەزەڭ ىشىندە ءتۇرلى داقىلدارعا جاڭا تەحنولوگيالاردى ەندىرۋدىڭ ناتيجەسىندە 174 گەكتار جەرگە ەندىرىلدى.
ايتا كەتەيىك, 2020 جىلى 32 بىرلىك مال بورداقىلاۋ الاڭدارى, 8 شاعىن جانۇيالىق ءسۇت اۋلالارى قۇرىلىپ, اعىمداعى جىلدىڭ 10 ايىندا تاپسىرمالار تولىعىمەن ورىندالدى.
