ۋكراينا ەۋروپا وداعىمەن قاۋىمداستىق قۇرۋ جونىندەگى كەلىسىمشارتتى بەكىتۋ جۇمىستارىن توقتاتتى. بۇل تۋرالى Utro.ru حابارلادى.
كيەۆ مۇنداي ارەكەتىن رەسەي جانە تمد ەلدەرىمەن ەكونوميكالىق قارىم-قاتىناستى دامىتۋ كەرەكتىگىمەن ءتۇسىندىردى. جاقىن ارادا ۋكراينا رەسەي مەن ەۋروپا وداعىنا ساۋدا مەن ەكونوميكالىق قارىم-قاتىناس ماسەلەلەرىن قاراستىراتىن ۇشجاقتى كوميسسيا قۇرۋعا ۇسىنىس بىلدىرمەك. سونداي-اق ۋكراينانىڭ مينيسترلەر كابينەتى كەدەندىك وداق پەن تمد ەلدەرىمەن ەكونوميكالىق بايلانىس جۇرگىزۋ جونىندەگى ديالوگتى جاڭارتۋدى كوزدەپ وتىر.
بۇدان بۇرىن رەسەي بىرنەشە رەت ۋكرايناعا ەۋروپا وداعىمەن قاۋىمداستىق جانە ەركىن ساۋدا ايماعىن قۇرۋ جونىندە كەلىسىمگە قول قويعان جاعدايدا, ەكى ەل اراسىنداعى ارىپتەستىك ءتارتىپ توقتايتىنىن ەسكەرتكەن بولاتىن. «ءبىز دوستىق قارىم-قاتىناستا قالا بەرەمىز, ساۋدا-ساتتىعىمىز دا جالعاسا بەرەدى, الايدا, بۇل ساۋدا-ساتتىقتىڭ شەكتەۋلەرى بولادى», – دەپ مالىمدەگەن ەدى قىركۇيەك ايىنىڭ سوڭىندا رف پرەمەر-ءمينيسترى دميتري مەدۆەدەۆ.
Korrespondent.net سايتىنىڭ اقپارى بويىنشا, كيەۆ ەۋروپا وداعىمەن قاۋىمداستىق جونىندەگى كەلىسىمشارتقا قول قوياتىن سوڭعى مۇمكىندىكتەردىڭ ءبىرىن جىبەرىپ الدى.
ايدار ورىسباەۆ.
دەرەككوز: Utro.ru
