التى جىلدان بەرى پاتەر جاعالاپ جۇرگەن جالعىزباستى انا گۇلداريا تولەگەنقىزى مەن التى بالاسىن ەرەكشە قۋانتقان «ورالزەمترۋبسەرۆيس» جشس ديرەكتورى الەك كوبەەۆ ەكەن. كرۋگلووزەرنىي كەنتىندە 1,5 جىلدان بەرى جاڭا ءۇي قۇرىلىسىن جۇرگىزگەن مەردىگەر الەك تىنىمگەرەي ۇلىنىڭ «قايىرىمدىلىق ايى» اياسىندا ءبىر وتباسىعا باسپانا سىيلاسام دەگەن تىلەگىن كەنت اكىمدىگى قولداعان. اقىلداسا كەلە, تاڭداۋ گۇلداريا تولەگەنقىزىنىڭ وتباسىنا ءتۇسىپتى. توسىنسىيعا قاتتى ريزا بولعان كوپبالالى انا ەرەكشە قۋانىپ, قايىرىمدى كاسىپكەرگە العىس ايتتى.
كرۋگلووزەرنىي – جەدەل ءوسىپ, كوركەيىپ كەلە جاتقان ەلدى مەكەن. ورال قالاسى اۋماعىنان باسپانا ءۇشىن جەر كەزەگىندە تۇرعان 1100-دەن اسا ادامعا ءدال وسى كەنتتىڭ جانىنان جەر تەلىمىن بەرۋ جوسپارلانىپ جاتىر. قازىر بەكىتىلگەن اۋماقتىڭ ينفراقۇرىلىمىن جاساقتاۋ, ياعني سۋ, گاز, ەلەكتر جارىعىمەن قامتۋ جۇمىستارى قارقىندى جۇرۋدە.
باتىس قازاقستان وبلىسى
