ءىس-شاراعا ونلاين-پلاتفورما ارقىلى ينتەراكتيۆتى رەجيمدە ەلدىڭ بارلىق وڭىرىنەن 300-دەن اسا جاستار, سونىڭ ىشىندە 100-دەن استام تجكب مەن جوو جانىنداعى جاستار ءىسى جونىندەگى كوميتەت توراعالارى, جاستار جانە ستۋدەنتتىك ۇيىمداردىڭ كوشباسشىلارى, جاستارمەن جۇمىس دەپارتامەنتتەرىنىڭ ديرەكتورلارى, جوو پرورەكتورلارى قوسىلدى.
رەسپۋبليكالىق سلەتتىڭ اياسىندا قر اقپارات جانە قوعامدىق دامۋ مينيسترلىگى جاستار جانە وتباسى ساياساتى كوميتەتىنىڭ توراعاسى
ش.ا. بايمانوۆ ءسوز سويلەدى. ش.ا. بايمانوۆ ءوز سوزىندە ستۋدەتتىك قوزعالىستى 15-جىلدىعىمەن قۇتتىقتاپ, ستۋدەنت جاستاردىڭ ەلدىڭ دامۋىنداعى ماڭىزدى ءرولىن اتاپ ءوتىپ, ولاردىڭ ءوزىن-ءوزى باسقارۋىن دامىتۋ, جاستاردىڭ باستامالارىن قولداۋ بويىنشا جانە ت.ب. جۇزەگە اسىرىلىپ جاتقان شارالار تۋرالى ايتتى.
سونىمەن قاتار, قر پارلامەنتى ءماجىلىسىنىڭ دەپۋتاتى گ.گ.شيپوۆسكيح, «اتامەكەن» ۇكپ باسقارما توراعاسىنىڭ ورىنباسارى و.ت.ورداباەۆ, ۋنيۆەرسيتەتتەر باسشىلىعى جانە ەلىمىزدىڭ ستۋدەنت جاستارى كەزدەسىپ قازاقستاندىق ءبىلىمدى دامىتۋ جانە زاماناۋي سىن-قاتەرلەردىڭ ءبىلىم ساپاسىنا اسەرىن, كادرلاردىڭ بىلىكتىلىگىن كوتەرۋ, جاس مامانداردى جۇمىسپەن قامتۋ ماسەلەلەرىن جاڭا فورماتتا اشىق تالقىلادى.
تالقىلاۋدىڭ قورىتىندىسى بويىنشا ۇسىنىم ازىرلەنىپ, «حالىق ۇنىنە قۇلاق اساتىن مەملەكەت» تۇجىرىمداماسى اياسىندا مەملەكەتتىك ورگاندارعا جولداناتىن بولادى.
ودان باسقا, سليوت اياسىندا «ەڭ ۇزدىك جاستاردىڭ ءوزىن-ءوزى باسقارۋى», «دەباتتىق تۋرنير» كونكۋرسىنىڭ جەڭىمپازدارى, «قازاقستان التىن جاستارى» سىيلىعىنىڭ لاۋرەاتتارى جانە ت.ب. ارنايى سىيلىقتارمەن, العىس حاتتارمەن ماراپاتتالدى.
