"كوپتەگەن ساراپشىنىڭ باعالاۋىنشا, سۋ زاڭناماسى ودان ءارى جەتىلدىرۋدى تالاپ ەتەدى. قولدانىستاعى كودەكسكە ون جەتى جىل ىشىندە 62 رەت وزگەرىستەر مەن تولىقتىرۋلار ەنگىزىلدى. ناتيجەسىندە قۇقىق قولدانۋ رەتتىلىگىنىڭ جوعالۋى بايقالادى. بۇل تۇتاستاي العاندا سۋ شارۋاشىلىعىنىڭ بارلىق دەڭگەيلەرىندە جاعدايدىڭ ناشارلاۋىنا اكەلەدى", دەدى ول سەنات توراعاسىنىڭ ورىنباسارى اسقار شاكىروۆتىڭ توراعالىعىمەن ءوتىپ جاتقان ۇكىمەت ساعاتىندا.
سونىمەن قاتار مينيستر كودەكس سۋ شارۋاشىلىعى قۇرىلىستارىن جوبالاۋ, سالۋ جانە پايدالانۋدىڭ تەحنيكالىق ماسەلەلەرىن رەتتەمەيتىندىگىن اتاپ ءوتتى.
"بۇل ماسەلەلەر ءارتۇرلى قۇرىلىس نورمالارى جانە ەرەجەلەرىمەن, مينيسترلىكتەر مەن ۆەدومستۆولاردىڭ بۇيرىقتارىمەن رەتتەلەدى. وسى رەتتە گيدروتەحنيكالىق قۇرىلىستارعا قاتىستى قاۋىپسىزدىك ماسەلەلەرى ارنايى زاڭمەن رەتتەلۋى ءتيىس. وسىنى ەسكەرە وتىرىپ, 2021 جىلعا جاڭا سۋ كودەكسىنىڭ جانە "گيدروتەحنيكالىق قۇرىلىستاردىڭ قاۋىپسىزدىگى تۋرالى" زاڭىنىڭ تۇجىرىمدامالارىن ازىرلەۋ جوسپارلانعان. بۇدان باسقا, سۋ رەسۋرستارىن ۇلعايتۋدىڭ بالاما جولدارىن پايدالانۋ, ونەركاسىپتە, اۋىل جانە كوممۋنالدىق شارۋاشىلىقتا سۋدى پايدالانۋ تيىمدىلىگىن ارتتىرۋ, سونداي-اق سۋ رەسۋرستارىن ەلدىڭ سۋ تاپشىلىعى بار وڭىرلەرىنە جىبەرۋ مۇمكىندىگىن زەرتتەۋگە باعىتتالعان عىلىمي بلوك قالىپتاستىرىلدى", دەدى ماعزۇم مىرزاعاليەۆ.
