دجو بايدەن "امەريكادا داۋىس بەرۋ كەزى قاسيەتتى" ەكەنىن ايتىپ, امەريكالىقتاردى سابىرعا شاقىردى.
"سوندىقتان مەن ءبارىن سابىرعا شاقىرامىن. بارلىق ادامدى. پروتسەسس ءجۇرىپ جاتىر. ساناۋ اياقتالۋعا جاقىن", دەدى بايدەن.
دجو بايدەن سايلاۋدا بەرىلگەن ءاربىر داۋىستى ساناۋ كەرەگىن جانە ونى قامتاماسىز ەتۋگە تىرىساتىنىن اتاپ ءوتتى.
ء"ار داۋىستى ەسكەرۋ كەرەك. ءبىز مۇنى قامتاماسىز ەتەمىز. وسىلاي بولۋى دا كەرەك. ساناۋ اياقتالعان كەزدە سەناتور (ۆيتسە-پرەزيدەنتتىككە كانديدات, كامالا) حارريس ەكەۋمىز جەڭىمپاز رەتىندە جاريالاناتىنىمىزعا كۇمانىمىز جوق", دەدى بۇرىنعى ۆيتسە-پرەزيدەنت تەلەديداردا ايتقان ۇندەۋىندە.
ەسكە سالايىق, سەيسەنبىدە اقش-تا پرەزيدەنت سايلاۋى ءوتتى, رەسپۋبليكاشىل دونالد ترامپ پەن دەموكرات دجو بايدەن اق ءۇيدىڭ باسشىسى بولۋعا ۇمىتكەر. بىرقاتار شتاتتا داۋىس بەرۋ ناتيجەلەرى ءالى بەلگىسىز. ال ترامپ سارسەنبىگە قاراعان ءتۇنى ءوزىنىڭ جەڭەتىنىن مالىمدەدى جانە دەموكراتتاردى "سايلاۋدى ۇرلاۋعا" تىرىستى دەپ ايىپتادى. امەريكالىق جەتەكشى تەلەارنالاردىڭ ەسەپتەۋلەرىنە سايكەس, ازىرشە دجو بايدەن كوش باستاپ تۇر.
