"قاڭتاردا ءبىز كەيبىر جاتاقحانالاردا مونيتورينگ جۇرگىزدىك. سول كەزدە ايتىلعان ەسكەرتۋلەر جويىلعان. كەيبىر بولمەلەردە جوندەۋ جۇمىستارى ءجۇرىپ جاتىر. جالپى جاتاقحانالاردىڭ جاعدايى جامان ەمەس. الايدا بىرقاتار مەكەمەدە ستۋدەنتتەر ءۇشىن تولىققاندى دەمالىس بولمەلەرى جوق, كوۆوركينگ ايماقتارى قاجەت. كەي جەرلەردە اس ءۇي مەن كىر جۋاتىن ورىن بولەك ەمەس, بۇل ايماقتار ءار ءتۇرلى بولمەلەردە بولعانى دۇرىس", - دەپ اتاپ ءوتتى "Nur Otan" پارتياسى "Jas Otan" جق ەلوردالىق فيليالىنىڭ جەتەكشىسى باقداۋلەت جاندىلداەۆ.
ايتا كەتۋ كەرەك, بەلسەندىلەر قازاق ۇلتتىق ونەر ۋنيۆەرسيتەتى, استانا مەديتسينا ۋنيۆەرسيتەتى, س.سەيفۋللين اتىنداعى قازاق اگروتەحنيكالىق ۋنيۆەرسيتەتى, قاز-سۋ, كازۋەفمت, ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى, كازگزۋ كوللەدجى, مەديتسينالىق-تەحنيكالىق كوللەدجى, ەكونوميكا, تاماق ونىمدەرىن ءوندىرۋ تەحنولوگياسى جانە ستاندارتتاۋ كوللەدجى, قازتۇتىنۋوداعىنىڭ ساۋدا-ەكونوميكالىق كوللەدجى, گۋمانيتارلىق كوللەدجى, قارجى اكادەمياسى, تۇران-استانا ۋنيۆەرسيتەتى, قازاق ۇلتتىق حورەوگرافيا اكادەمياسى, ەۋرازيا گۋمانيتارلىق ينستيتۋتى, قازاق تەحنولوگيا جانە بيزنەس ۋنيۆەرسيتەتى, نازارباەۆ ۋنيۆەرسيتەتى جانە Astana IT University جاتاقحانالارىنا باردى.
جالپى, جاستار ساياساتى ماسەلەلەرى باسقارماسىنىڭ مالىمەتى بويىنشا قالادا 30-دان استام كوللەدج, 16 ۋنيۆەرسيتەت جانە 40 جاتاقحانا بار.
