30 قازاندا قازاقستان رەسپۋبليكاسىنىڭ مەملەكەتتىك حاتشىسى ق.ە. كوشەرباەۆتىڭ توراعالىعىمەن شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ كەزەكتى وتىرىسى ءوتتى. كوميسسيا كونكۋرستىق ىرىكتەۋدەن وتكەن ۇمىتكەرلەرگە "بولاشاق" حالىقارالىق ستيپەندياسىن تاعايىنداۋ جانە ونىڭ جەكەلەگەن يەگەرلەرىن "بولاشاق" حالىقارالىق ستيپەندياسىنان ايىرۋ ماسەلەلەرىن قارادى.
2020 جىلعى 26 قىركۇيەك پەن 7 قازان ارالىعىندا وتكىزىلگەن كونكۋرستىق ىرىكتەۋدىڭ ءبىرىنشى جانە ەكىنشى كەزەڭدەرىنىڭ ناتيجەلەرى بويىنشا كوميسسيانىڭ قاراۋىنا 59 ۇمىتكەردىڭ ماتەريالدارى ەنگىزىلدى. ونىڭ ىشىندە 50 ۇمىتكەر ماگيستر دارەجەسىن الۋعا, 7 ۇمىتكەر دوكتور دارەجەسىن الۋعا, 2 ۇمىتكەر تاعىلىمدامادان وتۋگە كونكۋرستىق ىرىكتەۋگە قاتىستى.
كوميسسيا وتىرىسىنىڭ قورىتىندىسى بويىنشا 57 ۇمىتكەرگە "بولاشاق" حالىقارالىق ستيپەندياسىن تاعايىنداۋ تۋرالى شەشىم قابىلداندى.
ستيپەنديا يەگەرلەرى University College London, New York University, King’s College London, ETH Zurich – Swiss Federal Institute of Technology, Technical University of Denmark, م.ۆ. لومونوسوۆ اتىنداعى ماسكەۋ مەملەكەتتىك ۋنيۆەرسيتەتى ىسپەتتەس الەمنىڭ ۇزدىك جوعارى وقۋ ءورىندارىنا وز بەتىمەن تۇسكەندەر.
بيىل العاش رەت كونكۋرستىق ىرىكتەۋ – كەشەندى تەستىلەۋ جانە تاۋەلسىز ساراپتاما كوميسسياسى مۇشەلەرىمەن سۇحباتتاسۋ پرەزيدەنتتىك جاستار كادرلىق رەزەرۆىنە ىرىكتەۋ ۇلگىسى بويىنشا تولىعىمەن اۆتوماتتاندىرىلدى جانە پاندەميا جاعدايىندا ونلاين وتۋدە.
2020 جىلعا بارلىعى 555 ستيپەنديا بولىنگەن, ونىڭ 395-ءى ماگيستراتۋرا باعدارلاماسى, 50-ءى دوكتورانتۋرا باعدارلاماسى جانە 110-ى تاعىلىمدامادان وتۋگە ارنالعان.
وسىلايشا, 16 قىركۇيەك جانە 30 قازان كۇندەرى وتكەن كوميسسيانىڭ ەكى وتىرىسىنىڭ قورىتىندىسى بويىنشا 163 ستيپەنديا تاعايىندالدى. ولار: "ماگيستراتۋرا" – 143, "دوكتورانتۋرا" – 13 جانە "تاعىلىمداما" باعدارلاماسى بويىنشا 7.
قالعان ستيپەنديالار سانى كەلەسىدەي:
"ماگيستراتۋرا" مەن "رەزيدەنتۋرا" باعدارلامالارى بويىنشا 252 ستيپەنديا كەلەسى باعىتتار بويىنشا: ساۋلەت جانە قۇرىلىس – 8, گۋمانيتارلىق ماماندىقتار – 19, جاراتىلىستانۋ عىلىمدارى – 18, دەنساۋلىق ساقتاۋ جانە الەۋمەتتىك قامتاماسىز ەتۋ – 31, ينجەنەرلىك-تەحنيكالىق ماماندىقتار – 80, اقپاراتتىق-كوممۋنيكاتسيالىق تەحنولوگيالار – 30, ونەر – 3, ءبىلىم بەرۋ – 37, اۋىل شارۋاشىلىعى جانە ۆەتەريناريا – 25, الەۋمەتتىك عىلىمدار, بيزنەس جانە قۇقىق – 1;
"دوكتورانتۋرا" باعدارلاماسى بويىنشا 37 ستيپەنديا كەلەسى باعىتتار بويىنشا: ساۋلەت جانە قۇرىلىس – 2, گۋمانيتارلىق ماماندىقتار – 7, جاراتىلىستانۋ عىلىمدارى – 5, دەنساۋلىق ساقتاۋ جانە الەۋمەتتىك قامتاماسىز ەتۋ – 5, ينجەنەرلىك-تەحنيكالىق ماماندىقتار – 6, اقپاراتتىق-كوممۋنيكاتسيالىق تەحنولوگيالار – 3, ونەر – 2, ءبىلىم بەرۋ – 3, اۋىل شارۋاشىلىعى جانە ۆەتەريناريا – 3, الەۋمەتتىك عىلىمدار, بيزنەس جانە قۇقىق – 1;
"تاعىلىمداما" باعدارلاماسى بويىنشا 103 ستيپەنديا كەلەسى باعىتتار بويىنشا: ساۋلەت جانە قۇرىلىس – 5, گۋمانيتارلىق ماماندىقتار – 10, جاراتىلىستانۋ عىلىمدارى – 10, دەنساۋلىق ساقتاۋ جانە الەۋمەتتىك قامتاماسىز ەتۋ – 9, ينجەنەرلىك-تەحنيكالىق ماماندىقتار – 10, اقپاراتتىق-كوممۋنيكاتسيالىق تەحنولوگيالار – 10, ونەر – 5, ءبىلىم – 19, اۋىل شارۋاشىلىعى جانە ۆەتەريناريا – 15, الەۋمەتتىك عىلىمدار, بيزنەس جانە قۇقىق – 10 بولىپ بولىنگەن.
بيىل 6 مامىرداعى قر ۇكىمەتىنىڭ № 271 قاۋلىسىمەن بەكىتىلگەن «بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىمەن قاراستىرىلعان ماماندىقتاردى باعىتتارى بويىنشا ساندىق ۇيلەستىرۋ قازاقستان ءۇشىن سۇرانىسقا يە ماماندىقتارعا تۇسكەن ۇمىتكەرلەرگە كونكۋرستىق ىرىكتەۋ بارىسىندا تەڭ مۇمكىندىكتەردى قامتاماسىز ەتۋدى كوزدەيدى.
