ەلوردا • 04 قاراشا، 2020

كاسىپكەرلىك سالاسىنداعى جۇمىسپەن قامتۋ كورسەتكىشى جاقساردى

8 رەت كورسەتىلدى

بيزنەس-الەۋەتى بار حالىق سانىنىڭ ءوسۋى جانە جۇمىس ىستەپ تۇرعان كاسىپورىنداردى كەڭەيتۋ ەلوردادا كاسىپكەرلىك سالاسىنداعى جۇمىسپەن قامتۋ كورسەتكىشتەرىنە وڭ اسەرىن تيگىزدى. بۇعان نۇر-سۇلتان قالالىق ينۆەستيتسيالار جانە كاسىپكەرلىكتى دامىتۋ باسقارماسى ۇسىنعان دەرەكتەر دالەل بولىپ وتىر، دەپ حابارلايدى Egemen.kz

"2020 جىلدىڭ 1 شىلدەسىنە شوب سالاسىندا جۇمىسپەن قامتىلعاندار سانى 358 524 ادامدى قۇرادى، 2019 جىلدىڭ ءتيىستى كەزەڭىمەن سالىستىرعاندا 1،3%-عا ارتتى. 2019 جىلعى 1 شىلدەدەگى جاعداي بويىنشا بۇل كورسەتكىش ۇستىمىزدەگى جىلى 4485 بىرلىككە ۇلعايدى. بۇل كورسەتكىشتىڭ وسۋىنە كاسىپكەرلىك الەۋەتى بار حالىق سانىنىڭ ءوسۋى جانە جۇمىس ىستەپ تۇرعان كاسىپورىنداردىڭ كەڭەيۋى اسەر ەتەدى"، دەپ حابارلادى باسقارما.

باسقارمانىڭ مالىمەتىنشە، 2020 جىلعى 1 قازانداعى جاعداي بويىنشا نۇر-سۇلتاندا جۇمىس ىستەپ تۇرعان شوب سۋبەكتىلەرىنىڭ سانى 140 342 بىرلىكتى قۇرايدى. وتكەن جىلدىڭ سايكەس كەزەڭىمەن سالىستىرعاندا كورسەتكىش 6،7%-عا ارتتى. زاڭدى تۇلعالارعا 50 331 شاعىن جانە ورتا بيزنەس، جەكە كاسىپكەرلەرگە – 89 677، شارۋا قوجالىقتارىنا 334.

سونداي-اق، ءوز ءىسىن كەڭەيتۋدى قالايتىندار ءۇشىن "بيزنەستىڭ جول كارتاسى" جۇمىس ىستەيدى. جەرگىلىكتى اتقارۋشى ورگاندار كاسىپكەرلەرگە گرانتتار ءبولىپ، ينفراقۇرىلىمدىق قولداۋ جاسايدى. جۇمىس ىستەپ جۇرگەن كاسىپكەرلەر دە، ءوز ءىسىن اشقىسى كەلەتىن قازاقستاندىقتار دا، ونىڭ ىشىندە ايەلدەر، مۇمكىندىكتەرى شەكتەۋلى ادامدار جانە 50 جاستان اسقان ادامدار كونكۋرسقا قاتىسا الادى. بيىل نۇر-سۇلتاندا 57 گرانت يەگەرى انىقتالدى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار