وتىرىستا جانۋارلارعا قامقورلىق جاساۋ سەكىلدى وزەكتى ماسەلەلەر كوتەرىلەدى. بۇل تۋرالى جانۋارلاردى قورعاۋ ۇيىمدارىنىڭ وكىلدەرىمەن كەزدەسۋدە اكىمنىڭ ورىنباسارى نۇرلان سولتامبەكوۆ مالىمدەدى. ول ەرىكتىلەردى كەڭەس قىزمەتىنە بەلسەندىلىك تانىتىپ, ءبىرىنشى وتىرىسقا ءوز ۇسىنىستارىن بىلدىرۋگە شاقىردى.
"الدا قىس, اياز بولادى. سوندىقتان جانۋارلارعا ۋاقتىلى كومەك قاجەت. قازىرگى ۋاقىتتا باسپانادا جوندەۋ جۇمىستارى جۇرگىزىلۋدە, قىسقى قورشاۋلار سالىنۋدا, سونداي-اق اۋماقتاردى تازارتۋ ماسەلەسى شەشىلۋدە. وسى جانە باسقا دا وزەكتى ماسەلەلەردى قوعامدىق كەڭەستە كوتەرۋ قاجەت. بۇل مەملەكەتتىك ورگانداردىڭ دا, جۇرتشىلىقتىڭ دا جانۋارلار قۇقىقتارىن قورعاۋ جونىندەگى جۇمىسىنىڭ ودان ءارى ستراتەگياسىن ازىرلەۋگە كومەكتەسەدى", - دەپ اتاپ ءوتتى ن.سولتامبەكوۆ.
ايتا كەتەيىك, كەڭەس قۇرامىنا جانۋارلاردى قورعاۋ ۇيىمدارىنىڭ وكىلدەرى, قوعام قايراتكەرلەرى, عالىمدار مەن ۆەتەرينارلار كىردى.
قر ەكولوگيا, گەولوگيا جانە تابيعي رەسۋرستار مينيسترلىگى ازىرلەگەن "جانۋارلارعا جاۋاپتى قاتىناس تۋرالى" زاڭدى قابىلداۋ قورىتىندىسى بويىنشا, زاڭدى ىسكە اسىرۋ ءۇشىن جانۋارلاردى قورعاۋ ۇيىمدارى وكىلدەرىنىڭ پىكىرىن ەسكەرە وتىرىپ, قۇقىقتىق اكتىلەر قابىلداناتىن بولادى.
