28 قازاندا "قوستاناي جاڭالىقتارى" باسىلىم قىزى ينابات ءمۇحيتتىڭ دەنەسىن سەۋلدەن الىپ شىعۋ ءۇشىن كومەككە مۇقتاج مادينا ايدان ەسىمدى ازاماتشا تۋرالى جازدى.
ايەل قىزىنىڭ 27 قازانعا قاراعان ءتۇنى قايتىس بولعانى, وسىدان كەيىن ول كلينيكاعا قارىز بولىپ قالعانىن ايتقان. مادينا ايدان ەندى قىزىنىڭ دەنەسىن وزىمەن بىرگە الىپ كەتۋ ءۇشىن قاراجات تابا الماي وتىرعانىن ايتىپ, ەلدەن كومەك سۇراعان.
سونداي-اق ايەل وزىنە تەك 685 دوللار جەتپەي تۇرعانىن, قالعان سومانى اعايىن-تۋىس پەن دوس-جاران جيناپ بەرگەنىن ايتىپتى. مادينا بۇل جاعدايدا كورەياداعى قازاقستان ەلشىلىگىنەن كومەك سۇراعانىن, بىراق ناتيجە بولماعانىن دا مالىمدەيدى.
ءتيىستى قاراجاتتى جيناۋعا جەرگىلىكتى ەرىكتىلەر قوزعالىسى دا اتسالىسادى. دەسە دە ءىستىڭ سوڭىندا ايەلدىڭ الاياقتىقپەن اينالىسپاق نيەتى بەلگىلى بولىپ قالعان. مادينا ايداننىڭ ينابات ەسىمدى قىزى, ودان بولەك 3 بالاسى بار ەكەنى راس. بىراق ينابات ءتىرى, ەشقانداي قاتەرلى دەرتكە شالدىقپاعان بولىپى شىعادى. ال الاياق ايەل ەلدى ءسوندىرۋ ءۇشىن الماتى وبلىسىندا تۇراتىن كاميللا رەبروۆا ەسىمدى قىزدىڭ فوتو-سۋرەتىن قولدانعان ەكەن.
ءوز قىزدارىنىڭ فوتوسۋرەتىن الەۋمەتتىك جەلىدەن كورگەن رەبروۆتار وتباسىنىڭ ارەكەتى بۇل ءىستىڭ شىندىعىنا كوز جەتكىزۋگە مۇمكعىندىك بەرگەن.
LIDER.KZ قوزعالىسىنىڭ ەرىكتىلەرى رەبروۆتاردىڭ تۋىستارى حابارلاسقان الداۋدىڭ بەتىن اشۋعا كومەكتەستى. ناتيجەسىندە مادينا ايدان جينالعان اقشانى - 970 000 تەڭگەنى قايتارۋعا ءماجبۇر بولدى. مادينا ايداننىڭ وتباسى سەنگەن جانە ايەلدىڭ "جانايقايىنا" جاۋاپ بەرگەندەردىڭ بارىنەن كەشىرىم سۇرادى.
