"9 قاراشادان باستاپ سولتۇستىك قازاقستان وبلىسىنان قازاقستاننىڭ باسقا ايماقتارىنا اۋە نەمەسە تەمىرجول كولىگىمەن ساپار شەگەتىن جولاۋشىلاردا COVID-19-دى جوققا شىعاراتىن پتر-تەستتىڭ انىقتاماسى بولۋى كەرەك. ونىڭ جارامدى مەرزىمى - العان كۇننەن باستاپ 3 كۇننەن اسپايدى. بۇل تالاپ 5 جاسقا دەيىنگى بالالارعا قولدانىلمايدى", - دەدى بايعابىلوۆ.
سونىمەن قاتار, سولتۇستىك قازاقستان وبلىسىنىڭ اۋماعىن باسىپ وتكەندە جولاۋشىلار پويىزدارىنىڭ توقتاۋىنا تىيىم سالىنادى جانە ۆاگوندار اراسىندا جولاۋشىلار قوزعالىسىنا شەكتەۋ قويىلادى.
"سولتۇستىك قازاقستان وبلىسىنان قازاقستاننىڭ باسقا ايماقتارىنا ۇشىپ كەلگەن ۇشاق جولاۋشىلارىنىڭ پتر-انىقتاماسى اۋەجايدا تەكسەرىلەدى. سول سياقتى, تەكسەرۋ تەمىرجول كولىگىندە دە جۇزەگە اسىرىلادى. جولاۋشىلاردى باسقا ادامداردىڭ اۋەجاي مەن تەمىرجول ۆوكزالى عيماراتىنا شىعارىپ سالۋعا نەمەسە ەرىپ جۇرۋگە رۇقسات ەتىلمەيدى, عيماراتقا بيلەتتەرى بار جولاۋشىلار عانا كىرگىزىلەدى", - دەيدى ول.
ەگەر پتر-انىقتاماسى جوق جولاۋشىلار انىقتالسا, تاسىمالداۋشىلارعا اكىمشىلىك شارالار قولدانىلادى. ايىپپۇل كولەمى - 1600 اەك. كولىكتەگى باس مەملەكەتتىك سانيتارلىق دارىگەردىڭ ءتيىستى قاۋلىسى ۆەب-سايتتا جاريالانىپ, ءتيىستى ۇيىمدارعا ورىنداۋعا جىبەرىلەدى.
ايتا كەتۋ كەرەك, ءدال وسىنداي شەكتەۋلەر شىعىس قازاقستان وبلىسىنىڭ ازاماتتارىنا دا قاتىستى قابىلدانعان بولاتىن.
