"ەپيدەميالىق جاعدايدىڭ تۇراقتالۋىنا بايلانىستى, كارانتيندىك شارالاردى جەڭىلدەتۋگە بايلانىستى قاۋلى شىعاردىق. 2020 جىلدىڭ 27 ناۋرىزى مەن 02 قاراشا ارالىعىندا 3405 COVID -19 جاعدايى تىركەلدى. ونىڭ ىشىندە 1160 شاعىمى بار, 2245 شاعىمسىز ناۋقاس انىقتالىپ, اۋرۋشاڭدىقتىڭ كورسەتكىشى 479,0 قۇرايدى. رەپرودۋكتيۆتى كورسەتكىش 1,0. توسەك قورىنىڭ كورسەتكىشى 33 پايىز. كورونوۆيرۋس ينفەكتسياسىنان قايتىس بولعاندار - 72 ناۋقاس, ەمدەلىپ شىققاندار – 3299", دەدى بەردىبەك سارالتاەۆ.
6-شى قازانان باستاپ, وزبەكستان ەلىمەن "تاجەن" اۆتوموبيل وتكىزۋ پۋنكتى ارقىلى وبلىسقا 4586 ترانزيتتىك اۆتوكولىك پەن 52 جاياۋ جولاۋشى كىردى. 32 ازاماتتا پتر انىقتاماسى بار, 20 جولاۋشىدا پتر تەستى جوق. تەست سىناماسى الىنىپ 20 ازاماتتىڭ ىشىنەن 2 وڭ ناتيجە انىقتالدى. ەكەۋى دە شاعىمسىز تۇرىمەن انىقتالۋىنا بايلانىستى ءۇي كارانتينىنە الىندى.
ايتا كەتەيىك, ماڭعىستاۋدا 17 تامىزدان باستاپ 24 مونيتورينگ توبى قۇرىلىپ, 665 رەيدتىك تەكسەرۋ جۇرگىزىلدى. رەيد كەزىندە 118 نىساندا زاڭ بۇزۋشىلىقتار انىقتالىپ, 57 اكىمشىلىك حاتتاما تولتىرىلدى.
