ول وڭىرلىك ءباسپاسوز كونفەرەنتسياسىندا جەدەل جانە شۇعىل مەديتسينالىق جاردەم ستانتسياسى قىزمەتكەرلەرىنىڭ ۇستەماقى تولەۋ ماسەلەسىنە توقتالدى.
"ماسەلەن, قازان ايىنا دەيىن ۇستەماقى تولەۋدە قىزمەتكەردىڭ ناقتى جۇمىس ىستەگەن ۋاقىتى كۇندەرمەن ەسەپتەلسە, 15 قازاننان باستاپ ءتارتىپ وزگەرەدى. ەندى جۇمىس ىستەگەن ۋاقىتتارى ساعاتپەن ەسەپتەلەتىن بولدى. بۇل جاعدايدا بۇرىنعى نۇسقامامەن سوڭعى تولەنەتىن ۇستەماقىنىڭ مولشەرى ەداۋىر ازاياتىنى انىقتالدى. جەدەل-جاردەم قىزمەتىنىڭ كىشى بۋىن قىزمەتكەرلەرىنە ۇستەماقى تولەۋ كوزدەلمەگەن. دەسە دە پاندەميا كەزىندە جۇمىس كولەمىنىڭ ۇلعايۋىنا بايلانىستى, كىشى بۋىن قىزمەتكەرلەرىنىڭ جالاقى كولەمىن ۇلعايتۋ ماسەلەسى قاراستىرىلادى", - دەدى جامال جامانباەۆا.
وڭىردەگى ءى جانە II دەڭگەيدى ينفەكتسيالىق ستاتسيوناردا 57 ادام ەم الىپ جاتىر. 57 ناۋقاستىڭ 8-ءى تەست تاپسىرعان, سىناما وڭ ناتيجە كورسەتتى.
"قازىرگى ۋاقىتتا جانساقتاۋ بولىمىندە 5 ناۋقاس جاتىر. 4 ناۋقاستىڭ جاعدايى اۋىر, تاعى 1 ناۋقاس وتە اۋىر حالدە دەپ باعالانۋدا. بىرەۋى تىنىس الۋ اپپاراتىنا قوسىلعان. بۇل بولىمگە تۇسكەندەردىڭ ناشارلاۋىنا جەدەل تىنىس جەتىسپەۋشىلىگى جانە ىلەسپە اۋرۋلاردىڭ بولۋى سەبەپ. بۇگىندە ايماقتىڭ وقشاۋلاۋ ورىندارىنداعى توسەك-ورىن جۇكتەمەسى 27 پايىزدى قۇرايدى. سونداي-اق ماڭعىستاۋدا جەدەل-جاردەم اۆتوكولىگىنىڭ سانىن كوبەيتۋ ماقساتىندا 62 رەانيموبيل الىنادى. قازىرگى ۋاقىتتا 20 جەدەل-جاردەم كولىگى پايدالانۋعا بەرىلدى. جىل سوڭىنا دەيىن اۋىلدىق ەلدى-مەكەندەرگە 34 مەديتسينالىق ۋاز اۆتوكولىگى الىناتىن بولادى. كۇنى كەشە 2 جىلجىمالى مەديتسينالىق كەشەن الىنىپ, قاراقيا جانە تۇپقاراعان اۋدانىنا بەرىلدى", - دەدى جامال جامانباەۆا.
وبلىس كولەمىندە 215 ينفەكتسيالىق ءى-ءىى ساتىلى توسەك ورىن, رەانيماتسيالىق توسەك سانى 43. انىقتاماسىز شەتەلدەن كەلگەن قازاقستان رەسپۋبليكاسىنىڭ ازاماتتارى مەن شەتەل ازاماتتارىنا ارنالعان كارانتيندىك ستاتسيونارلاردا بارلىعى 270 توسەك ورىن بار.
