ۇلىبريتانيادا ورىس ءتىلى ەڭ قاجەتتى شەت تىلدەردىڭ وندىعىنا كىردى. بۇل تۋرالى يتار-تاسس حابارلادى.
مادەنيەت سالاسىنداعى حالىقارالىق بايلانىستار جونىندەگى ۇلىبريتانيا كەڭەسىنىڭ مالىمەتى بويىنشا, قازىرگى ۋاقىتتا ماماندار ەڭ قاجەت دەپ تاپقان شەت تىلدەرىن بىلەتىن ادامداردىڭ ازدىعى سەزىلۋدە. كەڭەستىڭ وكىلى دجون ۋورن وسىعان بايلانىستى ۇلىبريتانيانىڭ ەكونوميكا مەن مادەنيەت سالاسىنداعى پوزيتسياسى تومەندەپ بارا جاتقانىنا سەنىمدى.
زەرتتەۋ جۇرگىزگەن ماماندار ەڭ قاجەتتى بەس ءتىلدىڭ قاتارىنا يسپان, اراب, فرانتسۋز, قىتاي جانە نەمىس تىلدەرىن ەنگىزدى. ال ولاردان كەيىن, پورتۋگال, يتاليان, ورىس, تۇرىك پەن جاپون تىلدەرى ەڭ قاجەتتى دەپ تانىلدى.
«يۋگوۆ» زەرتتەۋ توبى انىقتاعانداي, بريتانيا حالقىنىڭ 75 پايىزى جوعارىدا كورسەتىلگەن تىلدەردىڭ بىرىندە دە سويلەسە المايدى ەكەن. ال 15 پايىزى فرانتسۋز, نەمىس, يتاليان مەن يسپان تىلدەرىندە ءوز ويلارىن جەتكىزە بىلەتىن كورىنەدى.
ايدار ورىسباەۆ.
دەرەككوز: Itar-tass.com
