«جانۇيا» وتباسىن قولداۋ ورتالىعىنا 36 مىڭنان اسا ادام جۇگىندى
نۇر-سۇلتانداعى «جانۇيا» وتباسى ينستيتۋتىن قولداۋ ورتالىعى 2019 جىلدىڭ تامىزىندا اشىلدى. مۇندا وتباسىلارعا قۇقىقتىق, پسيحولوگيالىق جانە الەۋمەتتىك كومەك كورسەتىلەدى. مەكەمە مەملەكەتتىك قىزمەتتەردى بىرىكتىرەدى جانە ولاردى ء«بىر تەرەزە» قاعيداتى بويىنشا ۇسىنادى. ماماندار ءار وتباسىمەن جەكە جۇمىس جۇرگىزەدى. اشىق الاڭدا ەلوردا تۇرعىندارىنا دەنساۋلىق ساقتاۋ, جۇمىسپەن قامتۋ, ءبىلىم بەرۋ, تۇرعىن ۇيمەن قامتاماسىز ەتۋ جانە كاسىپكەرلىكتى باستاۋ بويىنشا جۇيەلى كەڭەستەر مەن كومەك كورسەتىلەدى.
اشىلعان كۇننەن باستاپ ورتالىققا 64 636 سۇراق بويىنشا 36 169 ادام حابارلاسقان. ونىڭ ىشىندە 53 595 ماسەلەگە جۇيەلى كەڭەستەر بەرىلدى, 11 041 ماسەلەنى شەشۋگە شارالار قابىلداندى. ءوتىنىش بىلدىرگەندەردىڭ 60%-ى (35 175) اتاۋلى الەۋمەتتىك كومەك تاعايىنداۋ, 8%-ى (5 051)تۇرعىن ءۇي, 5%-ى (2 652)كاسىپكەرلىك, 4%-ى (2 044) زاڭ كومەگى, قالعانى جۇمىسپەن قامتۋ جانە باسقا ماسەلەر بويىنشا جۇگىنگەن.
ماسەلەلەردىڭ باسىم كوپشىلىگىن شەشۋ بويىنشا شارالار قابىلداندى. سونىمەن قاتار اتاۋلى الەۋمەتتىك كومەك تاعايىنداۋعا قۇجاتتار قابىلداندى. بىرىڭعاي جيناقتاۋ قورىنىڭ قىزمەتتەرى كورسەتىلدى, تۇرعىن ءۇي ماسەلەلەرىنە, جۇمىسقا ورنالاسۋعا, قۇقىقتىق جانە پسيحولوگيالىق كومەك كورسەتىلدى.
ورتالىقتا ەلوردا تۇرعىندارىنا ااك-گە ءوتىنىم بەرۋ, باسپانا كەزەگىنە تۇرۋ جانە مەديتسينالىق كومەك الۋ بويىنشا كەڭەس بەرىلەدى. تۇرعىندار مۇندا زاڭگەرلىك جانە پسيحولوگيالىق كومەك الا الادى. «جانۇيا» ورتالىعى ومىرلىك قيىن جاعدايعا تاپ بولعان وتباسىلارعا الەۋمەتتىك قولداۋ كورسەتەدى. ورتالىق الاڭىندا «كاسىپكەر انا» اتتى قولداۋ كورسەتۋ ورتالىعى انالارعا ءوز بيزنەسىن دامىتۋعا سەپتىگىن تيگىزەدى. وندا ماماندار ءوز ءىسىن اشۋعا كومەك كورسەتىپ, كاسىپكەرلەر موتيۆاتسيالىق بيزنەس-ترەنينگتەر وتكىزەدى.
سونىمەن قاتار ورتالىق بازاسىندا نۇر-سۇلتان اكىمىنىڭ اشىق قوعامدىق قابىلداۋى جۇمىس ىستەيدى. ال اۋدان اكىمدەرىنىڭ, باسقارما جانە باسقا ۇيىمدار باسشىلارىنىڭ ازاماتتاردى قابىلداۋى كەستەگە سايكەس جۇزەگە اسىرىلادى.
مەكەمەدە كەدەرگىسىز ورتا جاسالعان. ەرەكشە قاجەتتىلىكتەرى بار ادامدارعا ارنالعان ليفتىلەر بار. ارنايى ويىن الاڭى اشىلعان, وندا ورتالىق قىزمەتكەرلەرى بالالارعا قارايدى.
ەڭبەك داۋلارى تاتۋلاستىرۋ ورتالىعى ارقىلى شەشىلۋدە
قىزمەتكەرلەر مەن جۇمىس بەرۋشىلەر اراسىنداعى قارىم-قاتىناستى قۇرۋ تاسىلدەرى تەك قىزمەتكەرلەر جۇمىسىنىڭ تيىمدىلىگىنە عانا ەمەس, سونىمەن بىرگە كومپانيانىڭ ەڭبەك ونىمدىلىگىنە دە تىكەلەي اسەر ەتەدى. بۇل, سايىپ كەلگەندە, بۇكىل ەل ەكونوميكاسىنا اسەر ەتەدى. نۇر-سۇلتاندا ەڭبەك قاتىناستارىن قالالىق كاسىپوداقتار ورتالىعى قاداعالايدى. بۇگىندە بۇل 454 باستاۋىش كاسىپوداق ۇيىمىن جانە 102 919 كاسىپوداق مۇشەلەرىن, ياعني ءارتۇرلى سالانىڭ جۇمىسشىلارىن بىرىكتىرەدى.
«كوبىنەسە بىزگە جالاقىنى كەشىكتىرىپ تولەۋ, ەڭبەك كەلىسىمشارتىن بۇزۋ جانە ەڭبەك قاۋىپسىزدىگى ماسەلەلەرى بويىنشا حابارلاسادى. وتكەن جىلى كاسىپوداقتار فەدەراتسياسى جوعارعى سوتپەن مەموراندۋمعا قول قويدى جانە ونىڭ اياسىندا ءبىزدىڭ كاسىپوداقتار ۇيىندە تاتۋلاستىرۋ ورتالىعى اشىلدى. بۇل ورتالىق تەك ەڭبەك سيپاتىنداعى عانا ەمەس, سونىمەن قاتار تۇرمىستىق, وتباسىلىق جانە اكىمشىلىك كەڭەس بەرەدى. وندا مەدياتورلار, زاڭگەرلەر, پسيحولوگتار جۇمىس ىستەيدى», دەيدى نۇر-سۇلتان قالالىق كاسىپوداق ورتالىعىنىڭ توراعاسى مىندەتىن اتقارۋشى تولەگەن كۇنادىلوۆ.
ونىڭ ايتۋىنشا, ەكى جىل ىشىندە تاتۋلاستىرۋ ورتالىعىنا 5 مىڭعا جۋىق ءوتىنىش تۇسكەن. ولاردىڭ تەك 5%-ى شەشىم تابا المادى, قالعان جاعدايلاردا داۋلار سوتقا دەيىنگى كەلىسسوزدەر بارىسىندا شەشىلدى.
«كاسىپوداقتار كاسىپوداق كوميتەتتەرىنىڭ توراعالارى مەن جۇمىس بەرۋشىلەر كادر قىزمەتى, زاڭگەرلەر, ەكونوميستەرگە ارنالعان سەمينار-ترەنينگتەر وتكىزەدى. سەبەبى داۋلى ماسەلەلەر جۇمىس بەرۋشىنىڭ بىلمەستىگىنەن تۋىندايدى», دەپ ءتۇسىندىردى ت.كۇنادىلوۆ.
وتكەن جىلى قالالىق كاسىپوداقتار ورتالىعى 80 مىڭنان اسا سەمينار مەن ترەنينگ وتكىزىپ, 1,5 مىڭنان اسا ادامدى قامتىدى. بيىل پاندەمياعا بايلانىستى ورتالىق جەدەل حابارلامالار, ينتەرنەت-پلاتفورمالار مەن الەۋمەتتىك جەلىلەر ارقىلى تاۋلىك بويى كەڭەس بەردى.
«كاسىپوداقتاردىڭ قازىرگى جۇمىسى تەك جۇمىسشىنى قورعاۋ عانا ەمەس, سونىمەن بىرگە جۇمىس بەرۋشىمەن جۇمىس جاساۋ. ويتكەنى جۇمىس بەرۋشىگە جاعداي جاساماي, قىزمەتكەرگە جاعداي جاساۋ مۇمكىن ەمەس. ياعني, كاسىپوداق بۇل تۇرعىدا الەۋمەتتىك سەرىكتەس رەتىندە ارەكەت ەتەدى. پاندەميا كەزىندە ەلوردالىق كاسىپوداقتار وزدەرىن ناعىز سەرىكتەستەر رەتىندە كورسەتتى. مىسالى, كوپتەگەن مەديتسينالىق ۇيىمدا جانە مەملەكەتتىك مەكەمەدە بيۋروكراتيالىق ساتىپ الۋ پروتسەدۋرالارىنا بايلانىستى سانيتايزەرلەرمەن جانە جەكە قورعانىس قۇرالدارىمەن ۋاقىتىلى قامتاماسىز ەتۋ ماسەلەسى تۋىندادى. كاسىپوداقتار سول ساتتە كومەكشىلەر رەتىندە ارەكەت ەتتى», دەدى ەلوردالىق كاسىپوداقتار ورتالىعى باسشىسى.
سونىمەن قاتار ۇيىم الەۋمەتتىك سەرىكتەستىك جونىندەگى قالالىق كوميسسيادا قىزمەتكەرلەر مۇددەسىن قورعايدى. جاقىن كۇندەرى ەلوردادا ددۇ جۇمىسشىلاردىڭ دەنساۋلىعىن ساقتاۋعا جانە جاقسارتۋعا باعىتتالعان «سالاۋاتتى جۇمىس ورىندارى» باعدارلاماسىن جۇزەگە اسىرۋ جوسپارلانىپ وتىر. نۇر-سۇلتانداعى قاناتقاقتى جوبا وندىرىستەگى گيمناستيكانى, دەنە شىنىقتىرۋ مينۋتتارىن جانە جۇمىسشىلاردىڭ بارلىق ساناتتارى ءۇشىن جۇمىس كۇنىندەگى دەنە شىنىقتىرۋ ۇزىلىستەرىن ەنگىزۋدى كوزدەيدى.
كوپ بالالى وتباسىلاردىڭ بالالارىن تەگىن وقىتادى
ەلوردالىق كوپ بالالى انالار تاراپىنان كوپتەگەن الەۋمەتتىك جوبا جۇزەگە اسىرىلۋدا. سولاردىڭ ءبىرى – وقۋشىلارعا ارنالعان تەگىن وقىتۋ كۋرستارى. كوپ بالالى وتباسىلار ءۇشىن كۇردەلى ماسەلەنىڭ ءبىرى – بالالارعا قوسىمشا ءبىلىم بەرۋ اقىسىن تولەۋگە اقشانىڭ جەتىسپەۋى. مەكتەپ پاندەرى بويىنشا رەپەتيتورلىق, شەت ءتىلى كۋرستارىنا قاتىسۋ – كوبىنەسە كوپ بالالى وتباسىلار ءۇشىن قولجەتىمسىز. بۇل ماسەلەنى شەشۋ ءۇشىن Strong mothers قوعامدىق قورى تەگىن ءبىلىم بەرۋ كۋرستارىن اشقان.
قور كوپ بالالى انالار – رايگۇل سەرىكباەۆا, جانار يسانوۆا جانە ۇلجان مىرزاگەلديەۆا باستاماسىمەن قۇرىلعان.
«جۇمىستى 1 ماۋسىمدا باستادىق. ءوزىم اعىلشىن ءتىلىنىڭ مۇعالىمىمىن, شەت تىلىندە ساباق جۇرگىزەمىن. ماعان ەكى ەرىكتى ستۋدەنت كومەكتەسۋدە. سونداي-اق بىزدە كوپ بالالى انا جۇرگىزەتىن اراب ءتىلى كۋرستارى بار. ول ەلشىلىكتەردىڭ ءبىرىنىڭ اۋدارماشىسى جانە دەمالىس كۇندەرى ساباق بەرەدى. ول مىسىرداعى باكالاۆريات جانە ماروككوداعى ماگيستراتۋرانى ءبىتىردى. كوپ بالالى وتباسىلاردىڭ بالالارى اعىلشىن جانە اراب ءتىلى ساباقتارىنا تەگىن قاتىسادى. بۇگىنگى تاڭدا كوپ بالالى وتباسىلاردان ءار وتباسىندا ون ادامنان تۇراتىن ءتورت وقۋشىلار توبى قۇرىلدى», دەپ اتاپ ءوتتى ر.سەرىكباەۆا.
ورتالىقتا 100-دەن اسا بالا وقىتىلىپ, 10-نان اسا ادام جۇمىس ىستەيدى. Strong mothers قوعامدىق قورىنىڭ ەكىنشى باعىتى – ەرىكتىلىك.
الداعى ۋاقىتتا قوعامدىق قور كوپ بالالى انالاردى تسيفرلىق ساۋاتتىلىققا وقىتۋمەن اينالىسۋدى جوسپارلاپ وتىر. بۇل ولاردىڭ ەلەكتروندى مەملەكەتتىك قىزمەتتەردى الۋى, قاجەتتى جاردەماقىلاردى رەسىمدەۋى ءۇشىن قاجەت. سونداي-اق قوعامدىق قور كوپ بالالى ايەلدەرگە ارنالعان بوس جۇمىس ورىندارىنىڭ مالىمەتتەر بازاسىن جۇرگىزۋگە نيەتتى. سونىمەن قاتار قور كوپ بالالى انالارعا زاڭ قىزمەتتەرىن الۋعا جاردەمدەسەدى.
«جالعىزباستى انالار كوپ. ولار بالالارىن كۇتىپ-باعۋ ءۇشىن اليمەنت تاعايىنداي المايدى. مۇنداي انالارعا بىلىكتى زاڭ كومەگى قاجەت», دەپ اتاپ ءوتتى قور وكىلى. كوپ بالالى انالارمەن قۇرىلعان تاعى ءبىر الەۋمەتتىك كاسىپورىن – «التىن شاڭىراق» تىگىن شەبەرحاناسى. وسى جىلدىڭ ناۋرىز ايىندا ىسكە قوسىلعان جوبانىڭ نەگىزىن قالاۋشى جانە جەتەكشىسى – ءاسيا وسپانقۇلوۆا.
سەگىز بالانىڭ اناسى وتكەن جىلى قالا اكىمى التاي كولگىنوۆتىڭ قابىلداۋىندا بولىپ, ەلوردالىق انالاردىڭ باسىن قوسىپ, ءوز ءىسىن باستاۋ يدەياسىن ايتقان. ناتيجەسىندە قالا اكىمدىگى قولايلى ورىن ءبولىپ, دەمەۋشىلەر تىگىن جابدىقتارىن ساتىپ الۋعا كومەكتەستى, تىگىن شەبەرحاناسى ءوز جۇمىسىن باستادى. العاشىندا تىگىن شەبەرحاناسىندا 8 انا جۇمىس باستاعان. قازاقتىڭ ۇلتتىق كيىمدەرى, كورپە-توسەگى, كيىز باسۋ, باسقا دا ۇلتتىق ونىمدەرىن زاماناۋي ۇلگىدە دايىندايتىن تىگىن شەبەرحاناسى جۇمىس اۋقىمىن كەڭەيتىپ, الداعى ۋاقىتتا جۇمىسپەن قامتۋ ورتالىعى ارقىلى تاعى دا 5-6 انانى جۇمىسقا الۋدى جوسپارلاپ وتىر.
«باسقا انالارىمىزعا ۇلگى كورسەتكىمىز كەلەدى. سونىمەن قاتار ءوزىمىز جۇمىس ىستەپ قانا قويماي, جۇمىس ورىندارىن قۇرۋعا دا نيەتتىمىز. باستاپقى كەزەڭدە جوباعا كورسەتكەن قولداۋى ءۇشىن قالا اكىمدىگىنە, التاي كولگىنوۆكە العىسىمىزدى بىلدىرەمىز. الدا ۇلكەن جوسپارلار بار. بىزگە بيلىك كومەك قولىن سوزدى, ەندى ءوزىمىز دە باسقا كوپ بالالى انالارعا كومەكتەسە الامىز. الداعى ۋاقىتتا جاس انالارىمىزعا ارناپ وقۋ ورتالىعىن اشساق دەگەن ويىمىز بار. 20-عا جۋىق اناعا ارنالعان وقۋ ورتالىعىندا قولونەردىڭ قىر-سىرى ۇيرەتىلەدى», دەيدى ءا.وسپانقۇلوۆا.
تىگىن شەبەرحاناسى باسشىسى كاسىپورىن ءوزىنىڭ الەۋمەتتىك مارتەبەسىن كوپ بالالى انالاردى جۇمىسقا ورنالاستىرۋمەن عانا ەمەس, سونىمەن قاتار حالىق ءۇشىن قولجەتىمدى قىزمەت ۇسىنۋمەن دە دالەلدەپ وتىرعانىن ايتادى.
ەلوردادا مۇمكىندىگى شەكتەۋلى بالالاردى تاربيەلەپ وتىرعان انالار ءۇشىن «باقىتتى شاڭىراق» الەۋمەتتىك جوباسى ىسكە قوسىلدى.
ء«بىز مۇگەدەك بالاسى بار بۇكىل وتباسىن, ياعني اتا-انالاردى, دەنى ساۋ بالالاردى جانە ەرەكشە بالالاردى قولداۋمەن اينالىسامىز. ءبىز ولارعا ءۇي-جايلار مەن جۇمىس ورىندار ۇسىنامىز, ولاردىڭ جۇمىس ىستەۋىنە ارنالعان جابدىقتار تاۋىپ بەرەمىز. بۇل انالار وزدەرى ءۇشىن جۇمىس ىستەيدى جانە بيزنەستىڭ قىر-سىرىن ۇيرەنەدى, بولاشاقتا ولار وزدەرى كاسىپ اشا الاتىن بولادى. ەرەكشە بالا تاربيەلەنەتىن اتا-انالارعا ىڭعايلى جۇمىس كەستەسى قاجەت. ويتكەنى ولار ۋاقىتىلى بالاسىن وڭالتۋعا بەيىمدەيدى. ءبىزدىڭ قوردىڭ ماقساتى – وسىنداي وتباسىلاردىڭ ءومىر ءسۇرۋ ساپاسىن جاقسارتۋ», دەدى ورتالىق باسشىسى بوتاگوز سۇلتانوۆا.
ورتالىق ماۋسىم ايىندا اشىلدى. بۇگىنگى تاڭدا وندا 13 انا جۇمىسپەن قامتىلعان. جاقىندا ۇيىمدا جاڭا جۇمىس ءتۇرى – ەرەكشە قاجەتتىلىكتەرى بار بالالاردىڭ وتباسىلارىنا بارىپ, ولارعا كومەك نەمەسە قولداۋ كورسەتەتىن ءۇي كومەكشىسى قىزمەتى اشىلدى.
«كاسىپكەر انا» كاسىپ باستاۋعا باۋليدى
تابىستى كومپانيانىڭ دوڭگەلەنۋى كوبىنە بيزنەس يەلەرى كاسىبىنە قاجەتتى ماماندىقتى يگەرگەن سوڭ باستالادى. كاسىپكەر رەتىندە قالىپتاسۋ ءۇشىن جۇمىستى جۇرگىزۋ تاجىريبەسىنە قاجەتتى ەرەكشە ويلاۋ قابىلەتى كەرەك. نۇر-سۇلتانداعى «كاسىپكەر انا» الەۋمەتتىك جوباسى حالىقتىڭ الەۋمەتتىك وسال توپتارى قاتارىنداعى ايەلدەرگە ۇيدە جۇمىس ىستەۋدى باستاۋ جانە ءوز ءىسىن دامىتۋ ءۇشىن ءتۇرلى ماماندىقتار بويىنشا شەبەرلىك پەن داعدىلاردى مەڭگەرۋگە كومەكتەسەدى.
ء«بىز ايەلدەرگە كاسىپكەرلىك ويلاۋدى دامىتۋدى ۇيرەتەمىز. سول ارقىلى ولار بولاشاقتا كاسىپكەر بولا الادى. بىراق جەكە كاسىپكەر بولۋ ءۇشىن الدىمەن ادام ءوزىن-ءوزى جۇمىسپەن قامتىپ, ءوز ەڭبەگىنىڭ ارقاسىندا العاشقى اقشاسىن تابۋدى ۇيرەنۋ كەرەك», دەدى «كاسىپكەر انا» جوباسىنىڭ نەگىزىن قالاۋشى اينۇر ءامىرحان.
بۇگىندە ەلوردا تۇرعىندارى IT-باعدارلاۋ, الەۋمەتتىك جەلىلەردى ىلگەرىلەتۋ, فوتو جانە بەينوگرافيا, اسپازدىق, قولونەر, گرافيكالىق ديزاينەر, كوپيرايتەر, SMM مامانى, كوۋچ-پسيحولوگ, تىگىنشى, ماسساجيست, مونتەسسوري ادىستەمەسى بويىنشا كۇتۋشى جانە باسقا دا باعىتتار بويىنشا كاسىپكەرلىكتىڭ قىر-سىرىن مەڭگەرۋدە. بارلىعى 20-عا جۋىق باعىت بار. سونىمەن قاتار ۇيىمداستىرۋشىلار ەڭبەك نارىعىنداعى وزەكتى كاسىپتەردى قاداعالاپ, ولاردى باعدارلامالار تىزىمىنە قوسادى.
«مەن 2019 جىلى تاتۋيروۆكا جاساۋدى ۇيرەندىم. قازىر جۇمىس ىستەيمىن, اقشا تابامىن جانە ادامداردى وقىتامىن. سونداي-اق 555 مىڭ تەڭگە كولەمىندە گرانت الدىم», دەيدى جوباعا قاتىسۋشىلاردىڭ ءبىرى گۇلنار ەسەنوۆا.
ەڭبەكتەنەم دەگەن ادامعا ءتۇرلى تەتىكتەر تابىلاتىنى ايدان انىق. تەك جۇمىس پەن تابىسقا, ماقسات پەن مۇراتقا جەتەم دەگەن ىنتا كەرەك ەكەنىن ايتادى جوباعا قاتىسۋشىلار.
«مەن ءبىر جىل بۇرىن جالعىز باستى انا ساناتىندا وقىدىم, مۇندا جاقسى ساباق الدىم. كەيىننەن ءوز بىلىكتىلىگىمدى ارتتىردىم جانە قازىر وسى ورتالىقتا ساباق بەرەمىن. بۇل – پايدا تاباتىن ماماندىقتى الۋعا جانە بولاشاقتا ەشكىمگە تاۋەلدى بولماي, جۇمىس ىستەۋگە جاقسى مۇمكىندىك», دەيدى مانيكيۋر شەبەرى البينا دوسىموۆا.
جوبادا جاڭا ماماندىق ۇيرەتۋدەن باسقا, قاتىسۋشىلاردى وزدەرىن مامان رەتىندە باعالاۋعا ۇيرەتەدى. ولارمەن پسيحولوگتار دا جۇمىس ىستەيدى.
ء«بىز جۇمىس ىستەيتىن ساناتتارداعى ايەلدەرگە پسيحولوگيالىق قولداۋ قاجەت ەكەنىن تۇسىنەمىز. سوندىقتان بىزدە تۇراقتى نەگىزدە كوۋچ-سەسسيالار, ترەنينگتەر وتكىزەتىن پسيحولوگتار بار. ياعني, بۇل ماماندار, بىرىنشىدەن, ولاردى ءارى قاراي كاسىپكەرلىك قىزمەتكە پسيحولوگيالىق تۇرعىدان دايىنداۋعا كومەكتەسەدى. ەكىنشىدەن, ايەلدەردى ءوز ىسىمەن اينالىسۋ ءۇشىن قىزىقتىرۋ. سەبەبى كليەنتتەر ءبىرىنشى كەزەكتە ادامدارعا بارادى», دەدى ا.ءامىرحان.
كۋرستاردان وتكەننەن كەيىن قاتىسۋشىلار سەرتيفيكاتتار الادى جانە ءوز ءىسىن باستاي الادى. ۇيىمداستىرۋشىلار, سونىمەن قاتار «كاسىپكەر انا» ايەلدەر قاۋىمداستىعىن قۇرۋدى جوسپارلاپ وتىر, ونىڭ اياسىندا قاتىسۋشىلار تاجىريبە الماسىپ, ءبىر-ءبىرىن جاڭا ناتيجەلەرگە ىنتالاندىرادى.
جوبادا وقۋعا @kasipkerana_bot Telegram-بوتى ارقىلى وتىنىمدەردى بەرۋگە بولادى. باعدارلامانىڭ بارلىق جاڭالىقتارىن @kasipker_ana Instagram پاراقشاسىنان قاراپ وتىرۋعا بولادى.
ەستەرىڭىزگە سالا كەتەيىك, «كاسىپكەر انا» الەۋمەتتىك جوباسىنىڭ تانىستىرىلىمى بىلتىر قىركۇيەك ايىندا وتكەن بولاتىن. ونىڭ مىندەتى – كوپ بالالى ايەلدەرگە, جالعىز باستى انالارعا, از قامتىلعان وتباسىلارعا, سونداي-اق مۇمكىندىگى شەكتەۋلى بالالاردى تاربيەلەپ وتىرعان انالارعا ءوز ءىسىن باستاۋعا كومەكتەسۋ.
