رۋحانيات • 04 قاراشا، 2020

ۇلت رۋحانياتىنىڭ ۇستىنى

183 رەت كورسەتىلدى

قازاقستان رەسپۋبلي­كاسىنىڭ تۇڭعىش پرەزي­دەنتى – ەلباسى نۇرسۇلتان نازارباەۆتىڭ « ۇلى دالا­نىڭ جەتى قىرى» اتتى ماقا­لاسى وسىدان ەكى جىل بۇرىن جاريالانعان بولاتىن. بۇل ەڭبەك الەۋمەتتانۋشى عالىمدار مەن حالىقارالىق ساراپشىلار تاراپىنان قوعامدى رۋحاني جاڭعىرۋعا باعىتتاعان باعدارلامالىق ۇستىن رەتىندە جوعارى باعالاندى.

سونىمەن قاتار، اتالمىش جازبادان ءبىر جىل بۇرىن جارىق كورگەن «بولاشاققا باعدار: رۋحاني جاڭعىرۋ: بولاشاققا باعدار» اتتى ماقالانىڭ جال­عاسى رەتىندە مويىندالۋمەن قاتار، ۇلى دالا تاريحىن ەۋروتسەن­تريستىك كوزقاراستان ارىلتۋ جو­لىندا «ۇلت تاريحىنداعى كەڭىس­تىك پەن ۋاقىت» ۇعىمى اياسىندا: «اتقا ءمىنۋ مادەنيەتى»، « ۇلى دا­لاداعى ەجەلگى مەتاللۋرگيا»، «اڭ ءستيلى»، «التىن ادام»، «تۇر­كى الەمىنىڭ بەسىگى»، « ۇلى جىبەك جولى»، «قازاقستان – الما مەن قىزعالداقتار وتانى» تاقى­رىپ­تارىن قامتىپ، ۇلت تاريحى جا­يىندا فيلوسوفيالىق ءھام پراك­تي­كالىق ءمانى بار ويلار ايتىلۋى­مەن قۇندى بولدى.

سونداي-اق، ماقالانىڭ ەكىنشى ءبولىمى «تاريحي سانانى جاڭعىرتۋ» باعىتىندا: «ارحيۆ – 2025»، « ۇلى دالانىڭ ۇلى ەسىمدەرى»، «تۇر­كى الەمىنىڭ گەنەزيسى»، « ۇلى دالا­نىڭ ەجەلگى ونەر جانە تەحنولو­گيالار مۋزەيى»، «دالا فولك­لورى مەن مۋزىكاسىنىڭ مىڭ جى­لى»، «تاريحتىڭ كينو ونەرى مەن تەلەۆيزياداعى كورىنىسى» تا­قى­رىپتارى اياسىندا، تولعامدى وي، تولىمدى ۇسىنىس، تىڭ يدەيانىڭ باعىت-باعدارىن ايقىنداپ بەرگەن ەدى.

789

اتاپ ايتقاندا، حالىق ءارتىسى، قازاق­ستاننىڭ ەڭبەك ەرى ءاسانالى ءاشى­موۆ ەلباسى ماقالاسى مەملەكە­تىمىزدىڭ، حال­قى­مىزدىڭ الدىندا تۇرعان مىندەتتەر مەن پارىزىمىزدى ءدوپ باسىپ كورسەتىپ بەردى دەسە، تاريح عىلىمدارىنىڭ دوك­تورى تالاس وماربەكوۆ: ء«بىزدىڭ قا­زاق حالقىنىڭ تاريحى ءالى دە جۇيەگە تۇس­پەگەن، ءارتۇرلى بوتەن كونتسەپتسيالار­مەن شۇبارلانعان، ناقتىراق ايتار بولساق، ەۋروتسەنتريستىك باعىتتا كەتىپ، وزىندىك باعدارىنان اداسقان، سوندىقتان دا ەداۋىر شاتاسقان تاريح. ولاي دەيتىن سە­بەبىمىز، كۇنى بۇگىنگە دەيىن قايتالانباس ولكە – ۇلى دالانىڭ ەجەلگى جانە ور­تاعاسىرلىق تاريحىن بايانداۋدىڭ ەش­كىمگە ۇقسامايتىن وزىندىك ىرگەتاسى ءالى قالانا قويعان جوق. وسىنى تاپ باس­قان ەلباسىنىڭ ماقالاسى بىزگە مەم­لە­كەت قۇرۋداعى تاڭعاجايىپ تاريحي ەرەك­شەلىگىمىزدى انىقتاۋعا مۇمكىندىك بەرىپ وتىر»، دەپتى. سول سياقتى فيلوسوف عاريفوللا ەسىم نۇرسۇلتان ءابىش­ ۇلىنىڭ ماقالاسىنا «ۇلتتىق تاريح­تانۋدىڭ تۇعىرنامالىق باعدارى» دەگەن باعا بەرىپتى.

ەندەشە، قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ 2018 جىلدىڭ 21 قارا­شاسىندا ءباسپاسوز بەتىنە شىققان « ۇلى دالانىڭ جەتى قىرى» اتتى باعدارلامالىق ماقالاسىندا رۋحاني ستراتەگيالىق ماق­­ساتتاردى ىسكە اسىرۋمەن قاتار، بار­­­لىق قۇرىلىمداردى تالدامالىق جانە ادىستەمەلىك سۇيەمەلدەۋدى; ونىڭ ىشىن­دە قوعامدىق-ساياسي احۋالدى مونيتو­رينگتەۋ مەن تالداۋدى; ازاماتتىق قو­عامداعى پروتسەستەردى بولجاۋدى; عى­­لى­مي زەرتتەۋلەر جۇرگىزۋدى جانە مەم­­­لە­كەتتىك جاستار مەن وتباسى سايا­سا­تىن ىسكە اسىرۋدى ادىستەمەلىك قام­تۋ ءۇشىن ۇكىمەت قاۋلىسىمەن 2019 جىلى 23 ساۋىردە قۇرىلعان «رۋحاني جاڭ­عى­رۋ» قازاقستاندىق قوعامدىق دامۋ ينس­تيتۋتىنىڭ بىزگە بەرگەن ەسەبىنە جۇگىن­سەك، وتكەن جىلى «ارحيۆ – 2025»، « ۇلى دالانىڭ ۇلى ەسىمدەرى»، «تۇركى الەمىنىڭ گەنەزيسى»، « ۇلى دالانىڭ ەجەلگى ونەر جانە تەحنولوگيالار مۋزەيى»، «دالا فول­كلورى مەن مۋزىكاسىنىڭ مىڭ جى­لى»، «تاريحتىڭ كينو ونەرى مەن تەلە­ۆيزيا­داعى كورىنىسى» جوبالارى بويىنشا ەلەۋ­لى ىستەر اتقارىلعان كورىنەدى.

ءبىرىنشى باعىت – «ارحيۆ – 2025» جوباسىنا توقتالار بولساق، 2019 جىلدىڭ جەلتوقسان ايىندا تاريحىمىزدى تىڭ فراگمەنتتەرمەن تولىقتىرۋ ماقساتىندا، 2020-2025 جىلدارعا ارنالعان 68 باپتان تۇراتىن كەشەندى جوسپار قابىلدانىپتى. مۇنداعى ماقسات – وتاندىق جانە شەتەل­دىك ارحيۆتەر مەن عىلىمي-زەرتتەۋ ورتا­لىق­تارىنان جاڭا قۇجاتتار ىزدەپ، ونى تاپقان جاعدايدا عىلىمي اينالىمعا ەن­گىزۋ ەكەن.

جوعارىداعى جوسپارلى جوبانى ءساتتى ورىنداۋ ءۇشىن رەسپۋبليكالىق بيۋدجەتتەن 3،9 ملرد، جەرگىلىكتى بيۋدجەتتەردەن 10،1 ملرد تەڭگە قاراستىرىلىپ، وتاندىق ارحيۆ­تەردى حالىقارالىق كەڭىستىككە كەدەر­گىسىز ينتەگراتسيالاۋ ماقساتىندا، رەسەي، قىتاي، گەرمانيا، فرانتسيا، يتاليا، بەلگيا، پولشا، چەحيا، ما­جار­ستان، تۇركيا، موڭعوليا، مىسىر قا­تار­لى 17 مەملەكەتپەن ىنتىماقتاستىق كە­لى­سىم­شارت جاسالىپتى.

سونىمەن قاتار وتكەن جىلى مەم­لەكەت­تىك ارحيۆ قىزمەتكەرلەرى رەسەي فە­دە­راتسياسىنا ات باسىن بۇرىپ، ماسكەۋ، پەتەربور، قازان، ومبى، استراحان قا­لا­لارىندا بولىپ، ونداعى مۇراعات قورىمەن تانىسقان. ناتيجەسىندە، بۇعان دەيىن وتاندىق عىلىمعا بەلگىسىز 4،5 مىڭ­نان اس­تام پاراق قۇجات، 10 مىڭعا جۋىق فوتودەرەك تاپقان.

بۇلاردىڭ اراسىندا ابىلاي حان­نىڭ ءومىر تاريحىنا قاتىستى قۇندى ما­لىمەتتەر، كىشى ءجۇز قازاقتارىنىڭ پات­شاعا قارسى قوزعالىسى، بوكەي ورداسىنىڭ ەكونوميكالىق جاعدايى، سونىمەن قاتار الاش ارىسى مۇستافا شوقايعا بايلانىستى ماتەريالدار، قازاق سوتسياليستىك كەڭەس رەس­پۋب­لي­كا­سىنىڭ تاعدىر-تالايىنا قا­تىستى وت­كى­زىلگەن كومپارتيانىڭ ساياسي بيۋرو وتىرىس­تا­رىنىڭ حاتتامالارى ت.ب. دۇ­نيە­لەر بار كو­رىنەدى.

«جوبانى ىسكە اسىرۋدىڭ كۇرەتا­مى­رى كادر ماسەلەسىن ورنىقتىرۋ ءۇشىن اتالمىش سالا ماماندارىن دايار­لايتىن جالعىز جوعارى وقۋ ورنى ءال-فارابي اتىنداعى قازاق ۇلتتىق ۋني­ۆەر­سيتەتى بازاسىندا مۇراعاتشى كادر جا­ساقتاۋ قاجەت»، دەيدى «رۋحاني جاڭ­عىرۋ» قازاقستاندىق قوعامدىق دامۋ ينستيتۋتىنىڭ وكىلدەرى. قولداعى دەرەككە ۇڭىلسەك، مۇراعاتشى ماماندىعى بويىن­شا جىل سايىن 60 ستۋدەنت ماگيستراتۋرا مەن دوكتورانتۋرا بىتەرەدى ەكەن. بۇل جەتكىلىكسىز. قازىردىڭ وزىنە اتال­مىش سالاعا 349 مۇراعاتشى مامان قاجەت.

ەكىنشى جوبا – « ۇلى دالانىڭ ۇلى ەسىمدەرى» ءبولىمى بويىنشا جاۋاپتى مەملەكەتتىك ورگان ءبىلىم جانە عىلىم مي­نيسترلىگى. اتالمىش جوبا اياسىندا، « ۇلى دالانىڭ ۇلى ەسىمدەرى» اتتى پارك قۇرۋدىڭ تۇجىرىمداماسى جاسالىپ، داتالى مەرەكەلەر ءال-ءفارابيدىڭ 1150، ابايدىڭ 175 جىل­دىق مەرەيتويلارىن اتاپ وتۋگە باعىت­تالعان كەشەندى جوسپار ىسكە اسىرىلىپتى.

سونىمەن قاتار ەجەلگى ادەبيەت سە­ريا­سىنىڭ ءبىرىنشى تومى « ۇلى دالا جاۋھارلارى» جارىق كورىپتى. مۇندا ەجەلگى تۇركى قاعاناتى تۇسىنداعى كونە جادى­گەرلەر، سونىمەن بىرگە ءىح-ح عاسىرلارعا ءتان شىعارمالار توپتاستىرىلعان. اتاپ ايتقاندا، «اۆەستا»، «التىن جا­رىق»، «ابىزداردىڭ قۇلشىلىعى» جانە  كۇل­تەگىن، بىلگە قاعان تۋرالى جىر­لار مەن وسى داۋىردە جازىلعان «بۇ­عىتى»، «ونعىن»، «تۇي-ۇقۇق»، «ۇكك ۇلى (ك ۇلى) شور» جازبا ەسكەرتكىش ماتىن­دەرى، تونىكوك جىرلارى، ءVىىى عاسىر ۇلەسى «مويىن شور»، «تەركىن تاريات»، ء«سۋدجى» ادەبي جادىگەرلەرى، «ىرىق بىتىك» ءتۇس كورۋ ءھام ءتۇس جورۋ كونە جازبا ەسكەرتكىشتەرىنە جاڭاشا تىلدىك، تاريحي، ەتنوگرافيالىق تالداۋ جاسالىپ، جارىق كورۋى بىلىكتى ماماندار تاراپىنان جوعارى باعالانۋدا.

سونداي-اق ەنيسەي ولكەسىنەن تابىل­عان ءVىى-ءVىىى عاسىرعا ءتان تۇركى جازبا ەس­كەرت­كىشتەرى – «حەمچيك-چىرگاكى»، «باي-بۋلۋن»، «ۋيۋك-تۋران»، «چاا-حول» جازبا جادىگەرلەرى، تالاس رۋنا جازبا ەسكەرتكىشتەرى جانە قازاق­ستان جەرىنەن تابىلعان «ەسىك جازۋى»، «كۇلتوبە جازۋى»، «ەرتىس»، «جەتىسۋ»، «اۋليەاتا» جازبا ەسكەرتكىش ماتىندەرى لايىقتى تۇردە ورىن العان.

ءۇشىنشى جوبا – «تۇركى الەمىنىڭ گەنەزيسى». بۇعان جاۋاپتى مەملەكەتتىك مەكەمەلەر – مادەنيەت جانە سپورت، ءبىلىم جانە عىلىم مينيسترلىكتەرى ەكەن. اتالمىش جوباعا قاتىستى اتقارى­لىپ جات­قان جۇمىستار قاتارىنا: تۇركىس­تاننىڭ ەجەلگى قونىسىنىڭ تاريحي كەلبە­تىن قالپىنا كەلتىرۋ; دۇنيەجۇزىلىك تۇركى حالىقتارىنىڭ فەستيۆالىن جانە تۇركى ەنوستارىنىڭ مادەني كۇندەرىن وتكىزۋ; سونداي-اق، ورتاق ونلايىن كىتاپحانا قۇرۋ ما­سەلەسى كۇن تارتىبىندە تۇر.

وسى جوبا نەگىزىندە وتكەن جىلى حال­­­قىمىزدىڭ ەجەلدەن كەلە جاتقان ءتول ونەرى ايتىستى ناسيحاتتاپ، وسى ار­قى­­لى ءتىل شەبەرلىگىن كوركەمدەستىرىپ، تۇر­عىنداردىڭ پوەتيكالىق ساناسىن قالىپ­تاستىرۋ ماقساتىندا، « ۇلى دالا ءان مەن جىرى، اقىندىقتىڭ جەتى قىرى» اتتى كەشەندى شارا ۇيىمداستىرىپتى. تۇڭعىش رەت وتكىزىلىپ وتىرعان مادەني وقيعا كەزىندە ايتىستىڭ حاس شەبەرلەرى بالعىنبەك يماشەۆ، اينۇر تۇرسىنباەۆا، جانداربەك بۇلعاقوۆ، سارا توقتامىسوۆا ءدۇيىم جۇرتقا جاڭا قىرىنان تانىلدى. ادەتتە ساحنادا قارا دومبىرانى قولعا الىپ، ءبىر-ءبىرىن ءازىل-قالجىڭمەن ءتۇرتىپ، حالىقتىڭ مۇڭ-مۇقتاجىن ايتاتىن وت اۋىز­دى، وراق ءتىلدى اقىندار، بۇل جولى ءاندى دە ايتىپ، ءالى سياسى كەپپەگەن ولەڭدەرىن دە وقىپ، كوپشىلىكتىڭ كوڭىلىن تابا بىلگەن سىڭايلى.  باعدارلامادا ايتىستان تىس ۇلتىمىزدىڭ ءداستۇرى «قىز ۇزاتۋ»، «بەتاشار»­ سياقتى راسىمدەر تياناقتى ورىن­­دالىپ، اتالمىش تاقىرىپتا فيلم­دەر كورسەتىلگەن. مادەني شارا الماتى وب­لىسىنىڭ ورتالىعى تالدىقورعان قالاسىنان باستاۋ الىپ، ءارى قاراي سە­مەي، پاۆلودار، اقتاۋ، قاراعاندى، جاڭاوزەن، پەتروپاۆل، ورال، تاراز تۇر­عىندارىن ءان-جىرمەن سۋسىنداتىپ، بارلىعى 13 قالادا ونەر كورسەتىپتى. شوۋ فور­ماتىندا ۇيىمداستىرىلعان ايتىس-كونتسەرتكە 4000-نان استام ادام كۋا بولعان.

ءتورتىنشى جوبا – « ۇلى دالانىڭ ەجەل­گى ونەر جانە تەحنولوگيالار مۋزەيى» دەپ اتالسا، بۇل بولىمگە جاۋاپتىلار: ما­دەنيەت جانە سپورت مينيسترلىگى مەن نۇر-سۇلتان قالاسىنىڭ اكىمدىگى. قول­داعى اقپاراتقا جۇگىنسەك، مۋزەي الداعى كۇندەرى باس قالا جوسپارىندا نەگىزدەلگەن پرەزيدەنت ساياباعىندا ورنالاسۋى ءتيىس بولاتىن. قازىر بۇل جوس­پار وزگەرىپ جاڭا قۇرىلىم ەلورداداعى ۇلت­تىق مۋزەي تۇ­عىرىندا بوي كوتەرمەك كورىنەدى.

ەلباسى تاپسىرماسىمەن مۇنداي مۋزەي قۇرۋداعى ماقسات – قازاق حالقىنىڭ مادەني مۇراسىن ساقتاۋ جانە دامىتۋ ءىسىن تولىققاندى جۇزەگە اسىرۋ; كوشپەلى­لەردىڭ ونەرى مەن تەحنولوگيا ۇلگىلەرىن وركەندەتۋ بويىنشا ەكسپەديتسيالار ۇيىم­داستىرۋ; كوشپەلىلەر تۇرمىسى مەن مادەني زاتتارىن قايتا جاڭعىرتا وتىرىپ، قولونەر شەبەرلەرىنىڭ كورمەلەرىن وتكىزۋ; قازاقستان وڭىرلەرىندە تاريحي رەكونسترۋكتسيالاۋ فەستيۆالدەرىن وتكىزۋ; قوسىمشا شىنايىلىق ەلەمەنتتەرى بار ۆيرتۋالدى مۋزەيلەر اشۋ; ەلدىڭ ءارتۇرلى وڭىرلەرىندە جىلجىمالى تاقىرىپتىق كورمەلەر ۇيىمداستىرۋ ت.ب. دەيدى ماماندار.

بەسىنشى جوبا – «دالا فولكلورى مەن مۋزىكاسىنىڭ مىڭ جىلى» دەپ اتالىپ، بۇعان ءبىلىم جانە عىلىم مينيسترلىگى جاۋاپتى ۆەدومستۆو رەتىندە تاڭدالىپتى. بىراق مينيسترلىك تاراپىنان جۇكتەلگەن جوبالىق تاپسىرمالاردى جۇزەگە اسىرۋ م.اۋەزوۆ اتىنداعى ادەبيەت جانە ونەر ينستيتۋتىنا تىكەلەي باعىشتالعانى باي­قالدى. ويتكەنى ەلباسى اتالماش جوبا اياسىندا «دالا فولكلورىنىڭ انتولوگياسىن» جاساۋدى ايتقان بولاتىن. وتكەن جىلى انتولوگيانىڭ 1-5 تومدىعىن جارىققا شىعارىپ، ولاردىڭ اۋديو ءھام تسيفرلىق نۇسقالارىن ازىرلەۋ جۇمىستارى جاقسى دەڭگەيدە ورىندالىپتى.

انتولوگيادا باتىرلار جىرى، داس­تاندار، عاشىقتىق جانە تاريحي داستاندار قامتىلىپ، «مادەني مۇرا» باعدار­لاماسىمەن جارىق كورگەن «بابالار ءسوزى» 100 تومدىعىنداعى ەڭ تاڭداۋلى جازبالار ىرىكتەلىپ الىنىپتى. ياعني تۋىندىنىڭ ءبىرىنشى تومىنا كونە ەپوستىق باتىرلار جىرى ەنسە، ەكىنشى تومىنا «قىرىمنىڭ قىرىق باتىرى» جىرلار توپتاماسى، ءۇشىنشى تومىنا تاريحي جىرلار، ءتورتىنشى تومىنا عاشىقتىق جىرلار، بەسىنشى تومىنا داستاندار ەنگىزىلگەن ەكەن.

جوعارىداعى جۇمىستى جۇيەلەۋ بارى­سىندا، عىلىمي ەكسپەديتسيا جاساق­تالىپ، ەل ىشىنەن فولكلورلىق ماتەريال جيناۋ ارەكەتى دە جۇيەلەنىپ، ينس­تيتۋتتىڭ قولجازبا قورىنداعى مۇرالار تسيفر­لىق نۇسقاعا كوشىرىلىپ، ەلەكتروندى كاتالوگى جاسالعانى شىن مانىندە قۋانارلىق وقيعا.

جوعارىداعى «دالا فولكلورى انتو­لوگياسىنىڭ» ءاربىر تومى 10 مىڭ تيراجبەن جارىق كورىپ، ونىڭ 95 پايىزى جوعارى وقۋ ورىندارى مەن رەسپۋبليكا كىتاپحانالارىنا تاراتىلسا، قالعان 2 350 داناسى جەكە وقىمىستى-عالىم تۇلعالارعا ۇلەستىرىلىپتى.

سونىمەن قاتار قورداعى قولجازبا ماتىندەر مەن ارحيۆتە ساقتالعان قۇندى ماتەريالداردى جۇيەلەۋ نەگىزىندە، اۋدي­تورياعا قولجەتىمدى تسيفرلى تاسىل­مەن «ەجەلگى ءداۋىر ادەبيەتى» جارىق كورىپتى. تسيفرلى فورماتتا جارىق كورگەن تاعى ءبىر تۋىندى « ۇلى دالانىڭ كونە سارىندارى» اتتى اۋديو كىتاپقا قور ماتەريالدارى نەگىزىندە جيناقتالعان 1935 جىلدان بەرگى اۋديوجازبالار ارقاۋ بولعان ەكەن. ەكى تاراۋدان تۇراتىن باسىلىمنىڭ «مۋزىكالىق فولكلور» بولىمىنە ەجەلگى نانىم-سەنىمدەرگە قاتىستى «باقسى سارىندارى»، عۇرىپتىق اندەرگە جاتاتىن «جار-جار»، «سىڭسۋ»، «بەتاشار» سياقتى بايىرعى سارىندار، ازالاۋ عۇرپىنا باي­لانىستى «جوقتاۋ»، «جۇباتۋ»، «داۋىس سالۋ»، «كوڭىل ايتۋ»، «كورىسۋ» ۇل­گى­­لەرى مۇراعات ماتەريال­دارىنان ىرىك­تەلىپ الى­نىپتى.

ياعني ۇلت رۋحانياتى ءۇشىن اسا قۇن­دى دۇنيەلەردىڭ ءار تومى قىسقاشا اڭدات­پامەن باستالىپ، تۇسىنىكتەمەلەرى ورىس، اعىلشىن تىلدەرىندەگى ءتۇيىن سوزدەر­مەن تولىقتىرىلىپ، ءتۇرلى-ءتۇستى سۋرەتتەرمەن بەزەندىرىلگەن. ون مىڭ دانامەن جارىق كورگەن باسىلىمدار ەلەكتروندى فورماتقا كوشىرۋگە قولايلى ءارى QR كودى كورسەتىلىپ، CD ديسك تۇرىندە دە بەرىلگەن.

سوڭعى، ياعني التىنشى جوبا – «تاريح­تىڭ كينو ونەرى مەن تەلەۆيزياداعى كورى­نىسى». جاۋاپتى ورگان – مادەنيەت جانە سپورت مينيسترلىگى. بۇل جوبا اياسىندا، وتكەن جىلى كوپتەگەن انيماتسيالىق، دەرەكتى جانە كوركەم فيلمدەر ءتۇسىرى­لىپتى. اتاپ ايتقاندا، «كرىلاتايا دۋشا دجيگيتا»، «قارقارالى»، «كوكشەتاۋ»، «باياناۋىل»، «و سكازوچنوي پريرودە كازاح­ستانا» جانە «پرەودولەۆايا بارەرى» اتتى تسيكلدار، «اداي جىلقىسى» قاتار­لى دەرەكتى فيلم، جاستاردى پا­تريوت­تىققا، تۋعان جەرگە دەگەن سۇيىس­پەنشىلىككە تاربيەلەيتىن «بالۋان شولاق»، «شىعىراۋ»، «شىراقشى» اتتى كوركەم فيلمدەر ءتۇسىرىلىپتى.

سول سياقتى بيىل ايگىلى قاسىم حان­نىڭ ۇرپاعى، قازاق حاندىعىنىڭ نە­گىزىن قالاۋشى جانىبەك تۋرالى «وبرەتايا ۆەچنوست. كاسىم حان» اتتى كوپ سەريالى كوركەم فيلم مەن تولىقمەتراجدى «ناش ميلىي دوكتور – 2»، «اقتاستاعى احيكو»، «ۆ پوتوكاح يستوري: وبرەتايا ۆەچنوست. كاسىم حان»، «دولگوە ەحو»، «مۇقاعالي ماقاتاەۆ» ت.ب. كوركەم تۋىندىلارمەن بىرگە «بوتاي ارعىماقتارى» اتتى انيماتسيالىق فيلم كورەرمەنگە جول تارتپاق ەكەن.

سوڭعى جاڭالىقتار

قيلى-قيلى تاعدىرلار

تاريح • كەشە

ءبىر شاڭىراقتان – ءۇش مايدانگەر

رۋحانيات • 08 مامىر، 2021

قازاق دەگەنىمىز – باۋىرجان...

رۋحانيات • 08 مامىر، 2021

505-ءشى تۇرمەنىڭ تۇتقىندارى

تاريح • 08 مامىر، 2021

اسكەري ينجەنەرلەر ۇستاحاناسى

وقيعا • 07 مامىر، 2021

ۇقساس جاڭالىقتار