تاراز قالاسىندا حالىقارالىق ستۋدەنتتەر مەرەكەسى كۇنىنە وراي «ستۋدەنتتىك بال» كەشى بولىپ ءوتتى.
وبلىس اكىمدىگىنىڭ جاستار ساياساتى ماسەلەلەرى باسقارماسى بۇگىندە ستۋدەنتتەردىڭ ساپالى ءبىلىم الۋمەن بىرگە ولاردىڭ قوعامىمىزعا پايدالى ىستەرمەن شۇعىلدانا الاتىن جان-جاقتى جەتىلگەن تۇلعا بولىپ قالىپتاسۋىنا دا اتسالىسۋدا. ويتكەنى, ستۋدەنت جاستاردى پاتريوتتىق سەزىم مەن شىعارماشىلىققا باۋلۋ, ەستەتيكالىق دۇنيەتانىمىن كەڭەيتىپ, مادەنيەتىن ارتتىرۋ ماقساتىندا كوپتەگەن عيبراتتى ءىس-شارالار ۇيىمداستىرىپ كەلەدى. سونىڭ ءبىرى, مىنە, وبلىستا تۇڭعىش رەت وتكىزىلگەن «ستۋدەنتتىك بال» كەشى.
تاراز قالاسىندا حالىقارالىق ستۋدەنتتەر مەرەكەسى كۇنىنە وراي «ستۋدەنتتىك بال» كەشى بولىپ ءوتتى.
وبلىس اكىمدىگىنىڭ جاستار ساياساتى ماسەلەلەرى باسقارماسى بۇگىندە ستۋدەنتتەردىڭ ساپالى ءبىلىم الۋمەن بىرگە ولاردىڭ قوعامىمىزعا پايدالى ىستەرمەن شۇعىلدانا الاتىن جان-جاقتى جەتىلگەن تۇلعا بولىپ قالىپتاسۋىنا دا اتسالىسۋدا. ويتكەنى, ستۋدەنت جاستاردى پاتريوتتىق سەزىم مەن شىعارماشىلىققا باۋلۋ, ەستەتيكالىق دۇنيەتانىمىن كەڭەيتىپ, مادەنيەتىن ارتتىرۋ ماقساتىندا كوپتەگەن عيبراتتى ءىس-شارالار ۇيىمداستىرىپ كەلەدى. سونىڭ ءبىرى, مىنە, وبلىستا تۇڭعىش رەت وتكىزىلگەن «ستۋدەنتتىك بال» كەشى.
اتالمىش بالعا 100 جۇپتان قۇرالعان 200 دەبيۋتانت قاتىستى. باعدارلامادا دەبيۋتانتتاردىڭ الەم كلاسسيكتەرىنىڭ اسەم سازىنا دوڭگەلەنە بي بيلەۋىمەن بىرگە, بال قوناقتارىنىڭ دا كوڭىل كوتەرۋلەرىنە جاعداي جاسالدى. توسىن سىي-سياپاتتار دا جاراسىپ تۇردى. اسىرەسە, 40 ستۋدەنتتەن قۇرالعان 20 جۇپتىڭ اققۋداي ىرعالعان اسەم ءۆالسى كەشكە جينالعانداردى ەرەكشە اسەرگە بولەدى.
ءىس-شارا اياسىندا ستۋدەنتتەرگە 6 نوميناتسيا بويىنشا سىياقى بەرىلدى. سونىمەن بىرگە, جوعارى وقۋ ورىندارى مەن كوللەدجدەردىڭ باسشىلارى دا مەملەكەتتىك جاستار ساياساتىن جۇزەگە اسىرۋعا قوسقان ۇلەسى ءۇشىن ديپلوم, العىس حات جانە ەستەلىك سىيلىقتارمەن ماراپاتتالدى.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.
