ايماقتار • 03 قاراشا، 2020

شىمكەنتتە ءورتتىڭ الدىن الۋ جۇمىستارى كۇشەيتىلدى

27 رەت كورسەتىلدى

وتكەن جىلى جىلىتۋ ماۋسىمىندا 3 ءورت وقيعاسى بولدى. بيىل بۇل كورسەتكىش ەداۋىر كوبەيىپ وتىر. بۇل جونىندە ونلاين وتكەن ۇكىمەت وتىرىسىندا شىمكەنت قالاسىنىڭ اكىمى مۇرات ايتەنوۆ ايتتى، دەپ حابارلايدى Egemen.kz قالا اكىمىنىڭ ءباسپاسوز قىزمەتىنە سىلتەمە جاساپ.

قالا اكىمىنىڭ مالىمدەۋىنشە، ورىن العان ءورتتىڭ باسىم بولىگى جەكە تۇرعىن ۇيدە ورىن العان. ءورتتىڭ شىعۋ سەبەپتەرىنىڭ 60 پايىزى ەلەكتر سىمدارى مەن قۇرالدارىن دۇرىس پايدالانباۋىنان تۋىنداعان.
 
جىلىتۋ ماۋسىمىنان باستاپ، كۇندەلىكتى توتەنشە جاعدايلار دەپارتامەنتى، جەرگىلىكتى اتقارۋشى ورگاندارى جانە جەرگىلىكتى پوليتسيا قىزمەتكەرلەرى بىرلەسىپ، 10 مىڭعا جۋىق ءۇيدى ارالاپ، ونداعى 43 مىڭعا جۋىق تۇرعىندارعا ۇگىت - ناسيحات جۇمىستارى جۇرگىزىلدى.  تۇرعىنداردىڭ قاتىسۋىمەن 47 جيىن وتكىزىلدى.
 
سونداي-اق ارنايى تەحنيكا جۇمىلدىرىلىپ، داۋىس زورايتقىشى ارقىلى قالا تۇرعىندارىنا تۇسىندىرمە جۇمىستارى جۇرگىزىلىپ، قالانىڭ ورتالىق كوشەلەرىندەگى LED-ەكراندارىندا، ءىرى ساۋدا ورىندارىندا، ءورتتىڭ الدىن الۋ تۋرالى الەۋمەتتىك بەينەروليكتەرى كورسەتىلۋدە.  بۇل جۇمىستارعا 100-دەن استام ۆولونتەر قاتىسىپ،  5 مىڭنان استام تۇرعىندارعا نۇسقاۋلىق پەن ەسكەرتپەلەر تاراتىلدى. 
 
سونىمەن قاتار مەملەكەتتىك-جەكەمەنشىك ارىپتەستىك شەڭبەرىندە 31 بىرلىك تەحنيكا ساتىپ الىنىپ، توتەنشە جاعدايلار دەپارتامەنتىنە بەرىلدى. دەپارتامەنت قىزمەتكەرلەرى اراسىندا ورتكە قارسى جاۋىنگەرلىك دايارلىق جۇمىستارى دا كۇشەيتىلىپ جاتىر. وسى ورايدا  ماماندار قالا تۇرعىندارىن ۇيدەگى قاۋىپسىزدىك ەرەجەلەرىن ساقتاۋعا شاقىرادى. 
سوڭعى جاڭالىقتار

ۇكىمەت شيكى مۇناي باعاسىن بەكىتتى

ەكونوميكا • 24 قىركۇيەك، 2021

قىتاي مەن قازاقستان جۇك تاسىمالى ارتقان

ەكونوميكا • 24 قىركۇيەك، 2021

ۇقساس جاڭالىقتار