كۋاگەرلەردىڭ ايتۋىنشا, جۇك كولىگىنىڭ تەجەگىشى ىستەن شىعىپ, جۇرگىزۋشى كولىكتەن سەكىرۋگە ءماجبۇر بولعان.
"جۇك كولىگىنىڭ تەجەگىشى ىستەمەي قالدى. وسىندا جۇرگىزۋشى بولدى. ول كولىكتەن سەكىرىپ كەتتى. جۇرگىزۋشى جەدەل جاردەم كولىگىندە جاتىر. ول اۋىر جاراقات الدى. وسىنداعىنىڭ بارلىعىن قيراتىپ كەتتى", دەيدى كۋاگەر.
الماتى قالاسىنىڭ پوليتسيا دەپارتامەنتى جول اپاتى 3 قاراشادا ساعات 12.00-دە بوستاندىق اۋدانىندا بولعانىن حابارلادى.
"1973 جىلى تۋعان North Benz جۇك كولىگىنىڭ جۇرگىزۋشىسى دۋلاتي كوشەسىمەن سولتۇستىك باعىتتا كەلە جاتقان. نابەرەجنايا كوشەسىنىڭ قيىلىسىندا ول Nissan Maxima اۆتوكولىگىنە سوعىلعان. سالدارىنان جۇك كولىگى جولدىڭ شىعىس بولىگىنە شىعىپ, ەلەكتر باعاناسىنا, جارنامالىق قالقانعا, ايالداماعا, ترانسفورماتورلىق قوسالقى ستانتسياعا جانە ۇيلەردىڭ ءبىرىنىڭ قورشاۋىن قيراتقان. قورشاۋ Toyota Land Cruiser كولىگىنە قۇلاعان", دەلىنگەن حابارلامادا.
Nissan Maxima كولىگىنىڭ 25 جاستاعى جۇرگۋشىسى جۇك كولىگىمەن سوقتىعىسقاننان كەيىن جولدىڭ قارسى بەتىنە شىعىپ, اۆتوتۇراقتاعى كولىكتى سوققان.
"بۇل فاكت تەرگەلىپ جاتىر. ءتيىستى ساراپتاما تاعايىندالادى. وسىنىڭ نەگىزىندە ءىستىڭ ءمان-جايى تولىق انىقتالادى. جول اپاتى سالدارىنان جۇك كولىگىنىڭ جانە Nissan Maxima-نىڭ جۇرگىزۋشىلەرى زارداپ شەككەن", - دەلىنگەن حابارلامادا.
