توزىعى جەتكەن اگروتەحنيكانى قابىلداۋدىڭ پيلوتتىق باعدارلاماسى قازاقستاننىڭ 10 ايماعىندا (پەتروپاۆل, قوستاناي, پاۆلودار, كوكشەتاۋ, قاراعاندى, تالدىقورعان, سەمەي, شىمكەنت, قىزىلوردا, تاراز) جۇزەگە اسىرىلۋدا. ايتا كەتۋ كەرەك پيلوتتىق جوبا اياسىندا كومبايندار ازىرگە پەتروپاۆل, قوستاناي, پاۆلودار, كوكشەتاۋ قالاسىندا قابىلدانادى. تراكتورلار مەن كومباين تاپسىرعاندارعا جەڭىلدىك سەرتيفيكاتتارى بەرىلەدى. جەڭىلدىك سەرتيفيكاتىنىڭ قۇنى اۋىلشارۋاشىلىعى تەحنيكاسىنىڭ ءتۇرى مەن جينتىعىنا بايلانىستى 560 مىڭ تەڭگەدەن 2 ميلليون تەڭگەگە دەيىن باعالانادى.
جەڭىلدىك سەرتيفيكاتىن قازاقستاندا قۇراستىرىلعان جاڭا اۋىل شارۋاشىلىعى تەحنيكاسىن نەمەسە ەلىمىزدە شىعارىلعان اۆتوكولىك قۇرالىن ساتىپ الاتىن كەزدە پايدالانۋعا بولادى. ايتا كەتۋ كەرەك جەڭىلدىك سەرتيفيكاتىمەن K-730, K-742, K-740 سياقتى ەلىمىزدە كەڭ قولدانىستا جۇرگەن پرەميۋم ساناتىنداعى تەحنيكالاردى جانە Lovol, بەلارۋس تراكتورلارىن, Essil, Acros كومبايندارىن جانە باسقا دا مودەلدەگى تەحنيكالاردى ساتىپ الۋ كەزىندە پايدالانعا بولادى.
جاڭا تەحنيكالاردىڭ بارلىق مودەلدەرىن وتاندىق اۋىلشارۋاشىلىق تەحنيكالارىن جانە اۆتوموبيل وندىرۋشىلەردىڭ رەسمي سايتتارىنان كورۋگە بولادى.
