وتاندىق جانە نەمىس ساراپشىلارىنىڭ باستاماسىمەن كەڭەس بەرىلىپ, قازاقستاندىق ماماندارعا گەرمانيادا ۇزاقمەرزىمدى ءىس-تاجىريبەدەن وتۋگە مۇمكىندىك جاسالادى.
نەمىس تاراپىنان جوبانى ورىنداۋشىلار قاتارىندا GFA Consulting Group GmbH, ADT Project Consulting GmbH جانە IAK Agrar Consulting GmbH سياقتى كونسالگتينگتىك كومپانيالار بار.
قازاقستان جاعىنان "مال شارۋاشىلىعى جانە جەم-ءشوپ ءوندىرىسىنىڭ قازاق عىلىمي-زەرتتەۋ ينستيتۋتى" جشس جانە "اگرارلىق نەسيەلىك كورپوراتسيا" اق ات سالىسادى.
جوباعا قاتىسۋعا پاۆلودار, سولتۇستىك قازاقستان, قوستاناي جانە اقمولا وبلىستارىنىڭ 100-گە جۋىق شارۋاشىلىعىنان 16 ءسۇت فەرماسى ىرىكتەلدى. پاۆلودار وبلىسىندا نەمىس كومپانيالارى "اگرو-دامۋ" جشس, "سەرگەي", "كونۆيشەر" جانە "شاروۆ" شق-مەن سەرىكتەس بولادى.
جۋىردا نەمىس كومپانياسىنىڭ وكىلدەرى ۋۆە ۆەدديگە جانە تورايعىروۆ ۋنيۆەرسيتەتىنىڭ "اگرويننوۆاتسيالار جانە بيوتەحنولوگيالار" عزي-ءنىڭ ديرەكتورى قايرۋللا احاجانوۆ "سەرگەي" شق-نىڭ بازاسىندا وبلىس فەرمەرلەرىنە ارنالعان سەمينار وتكىزدى.
شارا بارىسىندا مالدىڭ تابانىن وڭدەۋ, اقساق مالدى ەسەپتەۋ, ونى ەمدەۋ جانە الدىن الۋ بويىنشا وي ءوربىتىلدى. ىنتىماقتاستىق اياسىنداعى ورتاق جۇمىس 2019-2023 جىلدارىندا اتقارىلىپ, قازاقستاننىڭ ءسۇت سالاسىنا ينۆەستورلاردى تارتۋ كوزدەلگەن.
