"ۋچاسكە" جەدەل-الدىن الۋ شاراسىن وتكىزۋ بارىسىندا نۇر-سۇلتان قالاسى بايقوڭىر اۋدانىنىڭ پوليتسيا باسقارماسى ۋچاسكەلىك ينسپەكتورىنا 54 جاستاعى ايەل كەلىپ, بالاسىنىڭ ىشىمدىك ءىشىپ, ونى سوققىعا جىققانىن شاعىمدانىپ ايتتى. اتالعان فاكتىمەن سوت-مەديتسينالىق ساراپتاما تاعايىندالدى.
ونىڭ قورىتىندىلارى بويىنشا "دەنساۋلىقتىڭ قىسقامەرزىمدى ناشارلاۋى نەمەسە جالپى ەڭبەككە جارامدىلىقتىڭ ايتقىسىز جويىلۋىنا اكەلىپ سوقتىرعان دەنساۋلىققا قاساقانا جەڭىل زيان تيگىزۋ" بابىنىڭ 1-بولىمىمەن اكىمشىلىك ءوندىرىس قوزعالدى. اۋدانارالىق اكىمشىلىك سوت سۋدياسىنىڭ قاۋلىسىمەن 31 جاستاعى ەر ادامعا 10 تاۋلىككە قاماۋعا الۋ تۇرىندەگى جازا تاعايىندالدى.
بۇدان باسقا, قۇقىق بۇزۋشىنىڭ ءتارتىبى 1 جىل مەرزىمدە قاتاڭ باقىلاۋعا الىنادى. ەلوردادا «ۋچاسكە» ءىس-شاراسى ءوتىپ جاتىر. ونىڭ ماقساتى – قىلمىس پەن زاڭ بۇزۋشىلىقتىڭ الدىن الۋ جانە بولدىرماۋ بويىنشا ءتۇسىندىرۋ جۇمىسىن جۇرگىزۋ.
شارا كەزىندە ۋچاسكەلىك ينسپەكتورلار 223 مىڭنان استام پاتەر مەن 27 مىڭنان استام جەكە ءۇيدى ارالاپ شىقتى. ىشكى ىستەر بولىمىندە ەسەپتە تۇرعان 13 277 تۇلعانىڭ تۇرعىلىقتى ورنى تەكسەرىلدى. بۇدان باسقا, جالعا بەرىلىپ جۇرگەن 2 800-دەن استام پاتەر انىقتالعان.
