المالى اۋداندىق پوليتسيا باسقارماسىنىڭ قىزمەتكەرلەرى "ۋچاستوك" جەدەل-الدىن الۋ ءىس-شاراسى كەزىندە ءىرى كولەمدە ەسىرتكى ساقتاعان ەر ادامدى ۇستادى.
"اۋداندا ورنالاسقان پاتەرلەردىڭ بىرىندە ەسىرتكى زاتتارىنىڭ جاعىمسىز ءيىسى شىعاتىنى جانە وسى پاتەردىڭ اينالاسىندا ۇنەمى كۇماندى ادامدار جۇرەتىنى تۋرالى جەدەل اقپارات الدىق. اقپارات راستالدى. بۇل پاتەردى 1989 جىلى تۋعان ب. ەسىمدى ەر ادامگىڭ جالعا العانى بەلگىلى بولدى. پاتەردى ءتىنتۋ كەزىندە قالتاعا ورالعان ەسىرتكى زاتتارى تابىلدى. كۇدىكتى قاماۋعا الىندى. ول جامبىل وبلىسى شۋ اۋدانىنىڭ تۇرعىنى بولىپ شىقتى. ەر ادام جۇمىس ىزدەپ, الماتىعا كەلگەن. ول وزىمەن بىرگە گاشيش تۇرىندەگى ەسىرتكىلەردى الىپ كەلگەن. تاركىلەنگەن ەسىرتكىنىڭ جالپى سالماعى 1 كەلى 670 گرامم", - دەدى المالى اۋداندىق پوليتسيا باسقارماسىنىڭ باسشىسى ەسەن ىسقاقوۆ.
قازىرگى تاڭدا بۇل فاكت بويىنشا قر قىلمىستىق كودەكسىنىڭ 296-بابى 4-بولىگى ("ەسىرتكى قۇرالدارىن, پسيحوتروپتىق زاتتاردى جانە ولاردىڭ انالوگتارىن زاڭسىز دايىنداۋ, وڭدەۋ, الۋ, ساقتاۋ, تاسىمالداۋ") بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
كۇدىكتى ۋاقىتشا ۇستاۋ يزولياتورىنا قامالدى.
