قوعام • 03 قاراشا، 2020

"Nur Otan" وڭىرلىك كونفەرەنتسيالاردىڭ كەستەسىن جاريالادى

102 رەت كورسەتىلدى

"Nur Otan" پارتياسى وڭىرلىك فيليالدارىندا وتەتىن كونفەرەنتسيالاردىڭ كەستەسىن جاريالادى. ونىڭ بارىسىندا بارلىق دەڭگەيدەگى ماسليحاتتارعا پارتيالىق تىزىمدەر جانە ءار وڭىردەن ماجىلىسكە پارتيالىق تىزىمگە كانديداتتار انىقتالاتىن بولادى، دەپ حابارلايدى Egemen.kz.

كونفەرەنتسيا 10 قاراشادا – شىمكەنت قالاسىندا، 11 قاراشادا – الماتى قالاسىندا، 12 قاراشادا – نۇر-سۇلتان قالاسىندا وتەدى. الماتى، قاراعاندى جانە قىزىلوردا وبلىستارىندا – 16 قاراشادا، ال اقمولا، شىعىس قازاقستان، جامبىل، باتىس قازاقستان، تۇركىستان، اتىراۋ، قوستاناي، ماڭعىستاۋ، پاۆلودار جانە سولتۇستىك قازاقستان وبلىستارىندا – 17 قاراشادا وتپەك.

پارتيانىڭ ءباسپاسوز قىزمەتى حابارلاعانداي، پاندەميا جاعدايىنا بايلانىستى پارتيالىق كونفەرەنتسيالار بارلىق سانيتارلىق-ەپيدەميولوگيالىق تالاپتاردى ساقتاي وتىرىپ ۇيىمداستىرىلادى. بۇل رەتتە پارتيانىڭ رەسمي اككاۋنتتارىندا بارلىق وڭىرلىك كونفەرەنتسيالاردىڭ ونلاين-كورسەتىلىمى قامتاماسىز ەتىلەدى.

كونفەرەنتسيالاردا شەشىم قاتىسۋشى دەلەگاتتاردىڭ كوپشىلىك داۋىسىمەن قابىلدانادى. داۋىس بەرۋ "پرايمەريز" اقپاراتتىق جۇيەسىندە وتەتىن پىكىرسايىستاردىڭ قورىتىندىلارى بويىنشا داۋىس بەرۋدى قوسپاعاندا، دەلەگاتتىڭ قول نەمەسە مانداتىن كوتەرۋى ارقىلى وتكىزىلەدى.

كونفەرەنتسيا بارىسىندا قاتىسۋشىلار اراسىندا پىكىرسايىس ۇيىمداستىرىلادى. ءبىرىنشى راۋندتا ۇمىتكەرلەر اۋدان نەمەسە قالانىڭ ماسەلەلەرىن شەشۋگە قاتىستى وزدەرىنىڭ كوزقاراستارىن ۇسىنۋى كەرەك. ەكىنشى راۋند – "سۇراق-جاۋاپ" فورماتىنداعى پىكىرتالاس سەسسياسى.

پارتيانىڭ ورتالىق اپپاراتى بەكىتكەن فيليال كونفەرەنتسيالارىنىڭ ءاربىر كەزەڭىن رەگلامەنتتەيتىن نۇسقاۋلىققا سايكەس، ماجىلىسكە ۇمىتكەرلەر، رەسپۋبليكالىق ماڭىزى بار قالالاردى قوسپاعاندا، ەكى رەت – اۋداندىق، قالالىق جانە وبلىستىق كونفەرەنتسيالاردا پىكىرسايىس وتكىزەدى.

پارلامەنت تومەنگى پالاتاسىنىڭ قازىر قىزمەتتىگى دەپۋتاتتارى بىردەن وبلىستىق، سونداي-اق رەسپۋبليكالىق ماڭىزى بار قالالارداعى كونفەرەنتسيالاردىڭ پىكىرسايىستارىنا قاتىسا الادى.

پىكىرسايىس قورىتىندىسى بويىنشا ەڭ كوپ داۋىس جيناعان كانديدات ءماجىلىستىڭ پارتيالىق تىزىمىنە پىكىرسايىسقا قاتىسۋشى رەتىندە وبلىستىق كونفەرەنتسياعا ۇسىنىلادى. ءاربىر اۋدان، قالا ءماجىلىستىڭ پارتيالىق تىزىمىنە پىكىرسايىسقا ءبىر قاتىسۋشىنى ۇسىنادى. وبلىس ورتالىعى ءماجىلىستىڭ پارتيالىق تىزىمىندەگى ءوڭىردىڭ وكىلدىك كۆوتاسىنا تەڭ ساندا پىكىرسايىسقا قاتىسۋشىلاردى ۇسىنادى.

وبلىستىق ماسليحاتتارعا پارتيالىق تىزىمدەر ءتيىستى كونفەرەنتسيالاردا، ال ماجىلىسكە قورىتىندى ءتىزىم "Nur Otan" سەزىندە بەكىتىلەدى.

ايتا كەتەيىك، وڭىرلىك كونفەرەنتسيالاردا ۇمىتكەرلەر اراسىندا پىكىرسايىستار پرايمەريزدىڭ ەكىنشى كەزەڭى اياسىندا وتكىزىلەدى.

پارتياىشىلىك ىرىكتەۋدىڭ ءبىرىنشى كەزەڭىنە 10 مىڭعا جۋىق كانديدات قاتىستى. ولاردىڭ 37%-ءتى – ايەلدەر، 29%-ءتى – 35 جاسقا دەيىنگى جاستار. باستاۋىش پارتيا ۇيىمدارىنان كانديداتتاردىڭ 30%-ءى ۇسىنىلسا، ال 70%-ءى – ءوزىن-ءوزى ۇسىنۋشىلار. كانديداتتاردىڭ ورتاشا جاسى – 43 جاس. بۇل رەتتە داۋىس بەرۋگە 662 مىڭنان اسا پارتيالىق قاتىستى.

پارتياىشىلىك پرايمەريز – ەلباسى، "Nur Otan" پارتياسىنىڭ ليدەرى نۇرسۇلتان نازارباەۆتىڭ باستاماسىمەن قولعا الىنعان پارتيا جۇمىسىن قايتا جانداندىرۋ باعدارلاماسىنىڭ قورىتىندى كەزەڭدەرىنىڭ ءبىرى. بۇل تۋرالى تولىعىراق اقپاراتپەن primaries.kz سايتىنان تانىسۋعا بولادى.

سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار