"توتەنشە جاعدايلار مينيسترلىگى ءورتتىڭ الدىن الۋ, كۇشتەر مەن قۇرالداردىڭ ءورتتى جەدەل سوندىرۋگە دايىندىعى ماسەلەسىن ناقتى ۇيلەستىرۋدى قامتاماسىز ەتسىن. ءورت قاۋىپسىزدىگى ەرەجەلەرىن بۇزۋشىلىقتى انىقتاۋ جانە اسىرەسە, تۇرعىن ۇيلەر مەن كوعامدىق جەرلەردە ءورت قاۋىپسىزدىگىن قامتاماسىز ەتۋدى باقىلاۋ بويىنشا جۇمىستى جالعاستىرۋ كەرەك. ىشكى ىستەر مينيسترلىگىمەن تۇرعىن ءۇي سەكتورىندا ءتيىستى رەيدتەر جۇرگىزسىن", دەدى ۇكىمەت باسشىسى.
سونىمەن قاتار, اكىمدىكتەرگە الەۋمەتتىك جانە كوممۋنالدىق ينفراقۇرىلىم نىساندارىنىڭ ءورت قاۋىپسىزدىگىن قامتاماسىز ەتۋ جۇكتەلدى.
"الەۋمەتتىك سالاداعى نىسانداردا ورنالاسقان قازاندىقتاردىڭ جۇمىسىن ەرەكشە باقىلاۋعا الىپ, ولاردى عيماراتتان شىعارۋ ماسەلەسىن جىلدامداتىپ شەشۋ كەرەك. ورتكە قارسى قىزمەت بولىمشەلەرى جوق ەلدى مەكەندەردە ءورت بەكەتتەرىن قۇرۋ جۇمىستارىن جالعاستىرۋ قاجەت", دەدى ا. مامين.
مۇنىمەن قوسا, جاۋاپتى مينيسترلىككە ەلدى مەكەندەر مەن نىسانداردا ورتكە قارسى ينفراقۇرىلىمدى دامىتۋ جانە ءورت قاۋىپسىزىدىگىن قامتاماسىز ەتۋ جۇمىسىن جالعاستىرۋ تاپسىرىلدى.
"وسىعان وراي, مينيسترلىككە مۇددەلى مەملەكەتتىك ورگاندارمەن بىرلەسىپ, 2021 جىلدان باستاپ كەلەسى ءۇش جىلدىق كەزەڭگە ارنالعان ماتەريالدىق-تەحنيكالىق جاراقتاندىرۋ تۋرالى جاڭا جول كارتاسىن ازىرلەپ, بەكىتۋدى تاپسىرامىن»", دەدى پرەمەر-مينيستر.
