كەڭەسكە قر ۇقك شەكارا قىزمەتى جانە قر ءىىم ۇلتتىق ۇلانى ۆەدومستۆولارىنىڭ وكىلدەرى, سونداي-اق گارنيزونداعى اسكەري بولىمدەردىڭ سىبايلاس جەمقورلىققا قارسى ءىس-قيمىل جونىندەگى كوميسسيالارىنىڭ باسشىلارى مەن وكىلدەرىنىڭ قاتىسۋىمەن ءوتتى.
وتىرىس بارىسىندا شىمكەنت گارنيزونىنىڭ باستىعى پودپولكوۆنيك نۇركەن قاراعۇلوۆ پەن گارنيزوننىڭ اسكەري پروكۋرورى ادىلەت پولكوۆنيگى باعلان تەلەۋ ءسوز سويلەدى.
سونىمەن قاتار, كەڭەس بارىسىندا 2020 جىلدىڭ توعىز ايىنىڭ قورىتىندىسى بويىنشا اسكەري بولىمدەردىڭ كومانديرلەرىنىڭ اسكەري ءتارتىپ پەن قۇقىقتىق ءتارتىپتىڭ جاي-كۇيى تۋرالى بايادامالارى تىڭدالدى.
گارنيزوننىڭ اسكەري پوليتسيا ءبولىمىنىڭ سىبايلاس جەمقورلىققا قارسى ءىس-قيمىل وفيتسەرى ادىلەت مايورى مارات ابۋباكىر ءوز سوزىندە قۇقىق قورعاۋ ورگاندارىنىڭ وكىلدەرىمەن قىلمىستىق قۇقىق بۇزۋشىلىقتاردىڭ الدىن الۋ بويىنشا بىرلەسكەن ءىس-شارالار وتكىزۋگە جانە اسكەري بولىمدەر باسشىلىعىنا قىلمىستىق قۇقىق بۇزۋشىلىقتاردى جاساۋعا جانە باسقا دا زاڭداردى بۇزۋعا ىقپال ەتەتىن سەبەپتەر مەن جاعدايلاردى جويۋ بويىنشا قولداۋ كورسەتۋگە نازار اۋداردى.
تۇركىستان وبلىسى جانە شىمكەنت قالاسىنىڭ قورعانىس ىستەرى جونىندەگى دەپارتامەنتتەرىنىڭ باستىقتارى "قارۋلى كۇشتەرى – ادالدىق الاڭى" جوبالىق كەڭسەلەرىنىڭ قىزمەتى تۋرالى بايانداما جاسادى. ولار جەرگىلىكتى اسكەري باسقارۋ ورگاندارىندا جوعارىدا اتالعان كەڭسەلەردىڭ ىسكە قوسىلۋى ارقاسىندا قول جەتكىزىلگەن ناتيجەلەر تۋرالى ايتىپ بەردى, ولار ءىس جۇرگىزۋشىلەردىڭ قۇجات اينالىمىن ەداۋىر ازايعانىن, سونداي-اق سىبايلاس جەمقورلىق قۇقىق بۇزۋشىلىق تاۋەكەلىن ەداۋىر كەمەيگەنىن جانە ازاماتتاردىڭ اسكەري كوميسسارياتتار قىزمەتكەرلەرىنە سەنىمىن ارتتىرىپ جاتقانىن اتاپ ءوتتى.
بارلىق باياندامالار اياقتالعاننان كەيىن گارنيزوننىڭ اسكەري پروكۋرورى ادىلەت پولكوۆنيگى باعلان تەلەۋ گارنيزوننىڭ اسكەري بولىمدەرىنىڭ كومانديرلەرىنە قۇقىق بۇزۋشىلىقتاردىڭ جاسالۋىن بولدىرماۋ, سونداي-اق اسكەري قىلمىستار بويىنشا قر قك باپتارىن جەتكىزە وتىرىپ, الدىن الۋ جۇمىستارىن جالعاستىرۋ جونىندە ناقتى ۇسىنىستار بەردى.
وتىرىس اياعىندا قر قارۋلى كۇشتەرى قاتارىندا بۇرىندارى جاسالعان سىبايلاس جەمقورلىق قۇقىق بۇزۋشىلىقتارى تۋرالى بەينەفيلم كورسەتىلدى.
ۆەدومستۆوارالىق كەڭەس اياقتالعاننان كەيىن اسكەري بولىمدەردىڭ كومانديرلەرىنە قىلمىستىق قۇقىق بۇزۋشىلىقتاردىڭ الدىن الۋ جانە ولارعا جول بەرمەۋ بويىنشا مىندەتتەر قويىلدى.
