«قالا تۇرعىندارىنا قىزمەت كورسەتەتىن 9 پتر زەرتحاناسى اشىلعان. ولار كۇنىنە 3,5 مىڭعا جۋىق تەست قابىلداۋ مۇمكىندىگىنە يە. بۇگىندە تəۋلىگىنە 1,5-2 مىڭ اراسىندا تەست قابىلداۋدا. ياعني وسى كۇنگە دەيىن 116 591 پتر-تەستى وتكىزىلگەن. قالادا 1 060 توسەكتىك ورىن بار. ونىڭ 560-ى جۇقپالى اۋرۋلارعا, 500-ءى كارانتيندىك اۋرۋلارعا ارنالعان. قازىرگى تاڭدا جۇقپالى جانە كارانتيندىك اۋرۋحانالاردا 156 ناۋقاس ەم الۋدا», دەدى باقىتجان جولداسبەك ۇلى.
باس دارىگەردىڭ ايتۋىنشا, ءۇشىنشى مەگاپوليستە ەپيدەميالىق احۋال ۇنەمى باقىلاۋدا جانە كوروناۆيرۋس ينفەكتسياسىنىڭ تارالۋىنىڭ الدىن الۋ ماقساتىندا كوپتەگەن جۇمىس اتقارىلىپ جاتىر.
قالادا 2020 جىلدىڭ 24 ناۋرىزىنان 29 قازانىنا دەيىن كوروناۆيرۋس ينفەكتسياسىنىڭ 5 231 جاعدايى تىركەلگەن. ونىڭ 2 662-ءسى سيمپتومدى بولسا, 2 569-ى – سيمپتومسىز. ولاردىڭ ىشىندە 5 152 ناۋقاس ەمدەلىپ شىققان. ال وسى جىلدىڭ 1 تامىزى مەن 29 قازان ارالىعىندا COVID-19 بەلگىلەرى مەن ۆيرۋستى پنەۆمونيانىڭ 985 جاعدايى تىركەلگەن.
سونداي-اق ىندەتپەن كۇرەسكە دايىندىق بارىسىندا قالاداعى ءۇش اۋرۋحاناعا كومپيۋتەرلىك توموگرافيا اپپاراتى ورناتىلعان.
«شاھاردا كوروناۆيرۋس ينفەكتسياسى مەن پنەۆمونيانى انىقتاۋ ماقساتىندا قالالىق جۇقپالى اۋرۋلار اۋرۋحاناسىنا, №2 جانە №3 قالالىق اۋرۋحانالارعا زاماناۋي ۇلگىدەگى كومپيۋتەرلىك توموگرافيا اپپاراتى ورناتىلدى. ولار ءبىر اپتا كولەمىندە تولىق ىسكە قوسىلادى. ياعني بۇگىندە اق جەلەڭدىلەر ارنايى وقۋدان وتۋدە. اتالعان اپپاراتتار ىقتيمال كوروناۆيرۋس ينفەكتسياسى كەزىندە كوپ كومەگىن تيگىزەدى. بۇل قۇرىلعىلار سovid-19 ۆيرۋسىن انىقتاۋعا عانا ارنالماعان, اۋرۋحاناعا تۇسكەن ناۋقاستاردى جان-جاقتى تەكسەرۋگە پايداسى مول», دەدى ب.پوزيلوۆ.
باسقارما باسشىسىنىڭ سوزىنە سۇيەنسەك, مەديتسينالىق ۇيىمداردا 612 وكپەنى جاساندى جەلدەتۋ اپپاراتى دايىن. ولاردىڭ ءاربىرى رەانيماتسيالىق توسەكتىك ورىن باسىندا ورنالاسقان. ودان بولەك رەانيماتسيالىق توسەكتەردى جابدىقتاۋ ماقساتىندا 314 فۋنكتسيونالدى كەرەۋەت, 381 دوزاتور, 266 رەانيماتسيالىق مونيتور جانە 381 مەديتسينالىق سورعىش قوندىرعى ورناتىلعان. ال ستاتسيونارلىق كومەك كورسەتەتىن مەديتسينالىق ۇيىمداردا ءدارى-دارمەك جəنە بۇيىمدارمەن قامتاماسىز ەتۋ مəسەلەسى شەشىلگەن.
بيىل قالا تۇرعىندارى ماۋسىمدىق تۇماۋعا قارسى ەكپەنى بەلسەندى تۇردە سالدىرۋدا. بۇل كورسەتكىش 99,7 پايىزدى قۇرايدى. ال ۆاكتسينادان ءوتۋى ءتيىس بەلگىلى ءبىر توپقا جاتاتىن ازاماتتارعا 100 پايىز ەگىلگەن.
وكىنىشتىسى, ىندەت ىرگەمىزگە كەلسە دە بىرقاتار كاسىپكەرلىك نىسان ءوز جۇمىستارىن توقتاتار ەمەس. وسى جاعدايدى ەسكەرگەن قالا اكىمدىگى كارانتيندىك تالاپتاردىڭ ساقتالۋىن قاتاڭ باقىلاۋعا الدى.
شىمكەنت قالاسىندا موبيلدىك توپتىڭ وكىلدەرى كۇندىزگى جانە كەشكى ۋاقىتتاردا كارانتين رەجىمى مەن سانيتارلىق-ەپيدەميالىق تالاپتاردىڭ ساقتالۋى بويىنشا تۇراقتى مونيتورينگ جۇمىستارىن جۇرگىزۋدە.
ءال-فارابي اۋدانى اكىمدىگىنىڭ قىزمەتكەرلەرى, جەرگىلىكتى پوليتسيا كىزمەتى, پروكۋراتۋرا, سونداي-اق اۋداندىق تاۋارلار مەن كورسەتىلەتىن قىزمەتتەردىڭ قاۋىپسىزدىگىن باقىلاۋ ءبولىمى جانە «اتامەكەن» ۇكپ-ى ماماندارى بىرلەسە كەزەكتى رەيدتىك ءىس-شارالار ۇيىمداستىردى.
ءىس-شارا بارىسىندا اۋدان اۋماعىندا ورنالاسقان كاسىپكەرلىك نىسانداردا كارانتين تالابىن بۇزعان ازاماتتار انىقتالىپ, ولارعا اكىمشىلىك حاتتاما تولتىرىلدى.
كوروناۆيرۋس ينفەكتسياسىنىڭ تارالۋىنىڭ الدىن الۋ ماقساتىندا شىمكەنت قالاسى باس سانيتاريالىق دارىگەرىنىڭ قاۋلىسىنا وزگەرىستەر ەنگىزىلگەن بولاتىن. ەندىگىدە قالا بيلىگى تالاپتار مەن ەرەجەلەردى ساقتاماعان ساۋدا ورىندارىن اكىمشىلىك جاۋاپقا تارتاتىنىن ەسكەرتەدى. دارىگەرلەر تۇرعىنداردى كوپشىلىك ءجيى شوعىرلاناتىن ورىنداردا سانيتارلىق تالاپتاردى ساقتاپ, ماسكا تاعۋ رەجىمىن ساقتاۋعا شاقىرادى.
ءتىپتى قالا اكىمى مۇرات ايتەنوۆتىڭ تاپسىرماسىنا سايكەس قالاداعى مەديتسينالىق ۇيىمدار الدىندا كوروناۆيرۋستان ساقتانۋ شارالارى جازىلعان باننەرلەر ىلىنۋدە. وسىلايشا مەديتسينا ماماندارى ينفەكتسيالىق اۋرۋدان ساقتانۋ جولدارى تۋرالى تۇرعىندار اراسىندا كەڭىنەن ناسيحاتتاماق. بىرىنشىدەن, بۇل تۇرعىندار اراسىندا ينفەكتسيانىڭ كەڭ تارالىپ كەتۋىنە توسقاۋىل بولسا, ەكىنشىدەن, «اۋىرىپ ەم ىزدەگەنشە, اۋىرماۋدىڭ جولىن ىزدەۋ» كەرەك ەكەنىن ەسكەرتەدى.
تۇرعىندار مازاسىزدانعان نەمەسە جرۆي اۋرۋىنىڭ بەلگىلەرى بايقالعان جاعدايدا 103-كە قوڭىراۋ شالۋعا بولادى. بۇگىنگى تاڭدا قالاداعى كوروناۆيرۋس ينفەكتسياسى, ەپيدەميالىق احۋال تۋرالى رەسمي جانە سەنىمدى اقپارات الۋ ءۇشىن www.covid19shymkent.kz بىرىڭعاي اقپاراتتىق پورتالى ىسكە قوسىلدى. ازاماتتاردى كوروناۆيرۋسقا قاتىستى جەدەل ءارى سەنىمدى مالىمەتتەرمەن اقپاراتتاندىرۋ, ىندەتكە قاتىستى تۋىنداعان ساۋالدارعا وسى ينتەرنەت رەسۋرس تولىق اقپارات بەرە الادى. بۇل رەسۋرستا كوروناۆيرۋستىڭ بەلگىلەرى جانە ونىمەن كۇرەسۋ جولدارى, قالا بويىنشا سىرقاتتانعاندار سانى, بارلىق مەديتسينالىق مەكەمەلەردىڭ ءتىزىمى مەن تەلەفون نومىرلەرى, اۋرۋحاناداعى بوس توسەكتىك ورىندار سانى جايىنداعى اقپاراتتار تولىق جيناقتالىپ كورسەتىلگەن.
شىمكەنت
