زەينەتاقى جيناقتارىنىڭ نەگىزگى سوماسى مىندەتتى زەينەتاقى جارنالارى (مزج) ەسەبىنەن قالىپتاسىپ, 12,2 ترلن تەڭگەنى قۇرادى (2020 جىلدىڭ باسىنان بەرگى ءوسىم – 16%). مىندەتتى كاسىپتىك زەينەتاقى جارنالارى (مكزج) بويىنشا زەينەتاقى جيناقتارىنىڭ سوماسى 301,9 ملرد تەڭگە ء(وسىم – 23%), ەرىكتى زەينەتاقى جارنالارى (ەزج) بويىنشا زەينەتاقى جيناقتارىنىڭ سوماسى 2,14 ملرد تەڭگەگە جەتتى ء(وسىم – 10%).
1 قازانداعى جاعدايعا سايكەس, بجزق-داعى جەكە زەينەتاقى شوتتارىنىڭ سانى 2019 جىلدىڭ سايكەس كەزەڭىمەن سالىستىرعاندا 1,2 ملن-عا جۋىقتادى.
بىلتىر جەكە زەينەتاقى شوتتارىنىڭ سانى 10,6 ملن بىرلىكتى (10 576 023) قۇراسا, بيىل 11,7 ملن-نان (11 729 797) استى. وسىلايشا ءبىر جىلداعى ءوسىم 11% بولدى.
شوتتاردىڭ ەڭ كوپ سانى مىندەتتى زەينەتاقى جارنالارى (مزج) بويىنشا اشىلعان – ولار شامامەن 11 ملن, دالىرەك ايتقاندا 10 982 963 (جىل باسىنان بەرگى ءوسىم – 11%).
مىندەتتى كاسىپتىك زەينەتاقى جارنالارى (مكزج) ەسەبىنەن قالىپتاسقان شوتتار – 521 681 ء(وسىم – 2%), ەرىكتى زەينەتاقى جارنالارىنىڭ (ەزج) سانى دا بىرتىندەپ وسۋدە, قازىر بجزق-داعى مۇنداي شوتتاردىڭ سانى – 56 517 ء(وسىم – 4%).
سالىمشىلاردىڭ شوتتارىنا 2020 جىلدىڭ باسىنان بەرى جالپى كولەمى 777,07 ملرد تەڭگە زەينەتاقى جارنالارى اۋدارىلدى, بۇل 2019 جىلدىڭ 9 ايىنداعى كورسەتكىشتەن 61,7 ملرد تەڭگەگە نەمەسە 9% ارتىق. جارنالاردىڭ جالپى كولەمىنىڭ 95,4%-ى بجزق-عا مزج بويىنشا اۋدارىلعان 740,2 ملرد تەڭگە مولشەرىندەگى تۇسىمدەر قۇرايدى. 35,2 ملرد تەڭگە مكزج بويىنشا, ال 353 ملن تەڭگە ەزج بويىنشا جيناقتالعان.
تولەمدەر 138,5 ملرد تەڭگەنى قۇراپ, ولاردىڭ باسىم بولىگى, اتاپ ايتقاندا 33% جاسىنا بايلانىستى تولەمدەرگە (46,1 ملرد تەڭگە), ساقتاندىرۋ ۇيىمدارىنا اۋدارىمدارعا (36,1 ملرد تەڭگە), قازاقستاننان تىس جەرلەرگە تۇراقتى تۇرۋعا كەتۋ بويىنشا (27,6 ملرد تەڭگە), مۇراگەرلەرگە (24,5 ملرد تەڭگە), جەرلەۋگە (3,01 ملرد تەڭگە), مۇگەدەكتىك بويىنشا تولەمدەرگە (1,1 ملرد تەڭگە) تيەسىلى بولدى.
