تۇششىقۇدىق-شەبىر ارالىعىنداعى 13 شاقىرىم جولدىڭ ورتاشا جوندەۋ جۇمىستارى 2017 جىلى باستالعان بولاتىن. جوبا بويىنشا اۆتوكولىك جولىنىڭ نەگىزى تسەمەنت قوسىندىلى توپىراقپەن توسەلىنىپ, ونىڭ ۇستىنە قورعانىش قاباتى (شپو) توسەلىنگەن بولاتىن. جول جوندەۋدى جاۋاپكەرشىلىگىن العان مەردىگەر مەكەمە كەزىندە كەتكەن ولقىلىقتاردىڭ ورنىن تولتىرىپ, ءوز قاراجاتى ەسەبىنەن 13 شاقىرىم جولدى اسفالتتاپ, جۇمىستارىن تولىق ورىندادى.
جول - ەكونوميكانىڭ كۇرەتامىرى, دامۋدىڭ ماڭىزدى باعىتتارىنىڭ ءبىرى ەكەنى انىق. وڭىردە سوڭعى ءۇش جىلدا 368,3 شاقىرىم اۆتوموبيل جولى سالىنىپ, 306,6 شاقىرىمى جوندەلىپ, جاڭعىرتىلدى.
جالپى, وبلىس بويىنشا بارلىق جولداردىڭ ۇزىندىعى 2 948 شاقىرىمدى قۇرايدى. ولاردىڭ 1020-سى رەسپۋبليكالىق ماڭىزعا يە. تامىز ايىندا ۇزىندىعى 97 شاقىرىم بولاتىن «اتا جولى» جوباسىنىڭ اۋقىمدى قۇرىلىسى اياقتالدى. ول-ءوڭىردىڭ تۋريستىك الەۋەتىن ارتتىرۋعا باعىتتالعان ءبىر قادام.
قازىرگى ۋاقىتتا تەڭىزدى جاعالاي سالىنعان دەمالىس ورىندارىنا قاراي جانە «قۇرىق» پورتىنا دەيىنگى اۆتوموبيل جولىن رەكونسترۋكتسيالاۋ جۇمىستارى بەلسەندى جۇرگىزىلۋدە. جول 2 جولاقتان 4 جولاققا كەڭەيتىلۋدە. جالپى ۇزىندىعى – 27 شاقىرىمدى قۇرايتىن اۆتوموبيل جولىنىڭ 15,6 شاقىرىمىنا اسفالت جابىندىسى مەن تراتۋار, ۆەلوجولاق توسەلدى جانە جارىق شامدارى ورناتىلدى.
الداعى ۋاقىتتا ۇزىندىعى 23,15 شاقىرىم بولاتىن اقتاۋ – اۋەجاي جولىن كەڭەيتۋ جوسپارلاپ وتىر.
ماڭعىستاۋ وبلىسى
