بقو پروكۋراتۋراسىنىڭ ءباسپاسوز قىزمەتىنىڭ مالىمەتىنشە, "باتىس قازاقستان وبلىسىنىڭ دەنساۋلىق ساقتاۋ باسقارماسى" مم باسشىسى مەن ونىڭ كومەكشىسىنە قاتىستى ەكى اي مەرزىمگە "كۇزەتپەن ۇستاۋ" تۇرىندەگى بۇلتارتپاۋ شاراسى تاعايىندالدى.
ەسكە سالايىق, بولاتبەك كايۋپوۆتىڭ ۇستالعانى تۋرالى 29 قازاندا بەلگىلى بولعان ەدى.
كەيىنىرەك سىبايلاس جەمقورلىققا قارسى قىزمەت كايۋپوۆ سەرىكتەسىمەن بىرگە 2020 جىلعى 12-23 قازان ارالىعىندا كومپانيا ديرەكتورىنان اتقارىلعان جۇمىستاردىڭ اكتىلەرىنە كەدەرگىسىز قول قويۋ جانە مەديتسينالىق جابدىقتاردى (مونيتورلاردى) جەتكىزۋگە جشس-پەن بۇرىن جاسالعان مەملەكەتتىك ساتىپ الۋ تۋرالى شارتتار بويىنشا جالپى سوماسى 78 ميلليون تەڭگە پارا العانىن حابارلاعان ەدى.
