سوتتالۋشى ەرلان يسليامعاليەۆ ۇكىمدى تەرگەۋ يزولياتورىنان تىڭدادى. ول سوتتى قۇرمەتتەمەگەنى ءۇشىن زالدان شىعارىلعان. سوتتالۋشى جابىرلەنۋشىنىڭ ادۆوكاتىنا اياق كيىمىن لاقتىرعان.
سۋديا شارا زاينۋللينا سوتتالۋشىنىڭ جابىرلەنۋشى يرايدا يسليامعاليەۆانى كەپىلگە العانى, سونداي-اق, ونى بىرنەشە رەت زورلاعانى جانە ازاپتاعانى ءۇشىن كىنالى دەپ تانىلعانىن ايتتى.
"ەرلان يسليامعاليەۆ قاۋىپسىزدىگى بارىنشا جوعارى قاج مەكەمەسىندە جازاسىن وتەۋمەن 13 جىلعا باس بوستاندىعىنان ايىرىلدى", دەدى سۋديا.
سونداي-اق, سوتتالۋشى جابىرلەنۋشى مەن ونىڭ ۇلىنىڭ پايداسىنا ماتەريالدىق جانە مورالدىق شىعىن رەتىندە 10,5 ميلليون تەڭگە تولەۋگە مىندەتتەلدى.
ەسكە سالايىق, سوت جابىق رەجيمدە ءوتتى. مۇنىڭ الدىندا ايىپتاۋشى تاراپ سوتتالۋشىنى 13 جىلعا باس بوستاندىعىنان ايىرۋدى سۇراعان بولاتىن.
ەسكە سالايىق, 2019 جىلدىڭ 28 قاراشاسىندا ەرلان يسليامعاليەۆ بۇرىنعى ايەلىن كەپىلگە العان بولاتىن. جابىرلەنۋشى كۇيەۋى ونى بىرنەشە رەت ۇرىپ, زورلىق-زومبىلىق كورسەتكەنىن مالىمدەگەن ەدى.
