28 قازاندا گفر كانتسلەرى انگەلا مەركەل كارانتين ەنگىزىلگەنىن جاريالادى. جاڭا ۇلتتىق قاتاڭ شەكتەۋ رەجيمىنىڭ قاجەتتىلىگىن تۇسىندىرە وتىرىپ, ول دەنساۋلىق ساقتاۋ جۇيەسى پاتسيەنتتەر سانىنىڭ وسۋىنە بايلانىستى بولسا دا, بىرنەشە اپتادان كەيىن ونىڭ مۇمكىندىكتەرى شەگىنە جەتۋى مۇمكىن دەدى.
شەكتەۋ شارالارى بويىنشا تەاترلار مەن فيتنەس-كلۋبتار جابىلادى, تۋريستىك ساپارلار شەكتەلەدى, تاماقتانۋ ورىندارى تەك تۇتىنۋشى وزىمەن تاعامدى الىپ كەتۋ نەمەسە جەتكىزۋ قىزمەتى ارقىلى جۇمىس ىستەيدى, ال مەكتەپتەر مەن بالاباقشالار اشىق بولادى, شاشتارازدار مەن دۇكەندەر كەلۋشىلەر سانىن شەكتەي وتىرىپ جۇمىسىن جالعاستىرادى. كوكتەمدە ەنگىزىلگەن كارانتين رەجيمىمەن سالىستىرعاندا بۇل جولى مەكتەپتەر مەن بالاباقشالار جابىلمايدى.
1 قاراشاداعى جاعداي بويىنشا گەرمانيادا ءبىر تاۋلىكتە 14,2 مىڭعا جۋىق كوروناۆيرۋس ينفەكتسياسى انىقتالدى, 29 ادام قايتىس بولدى. ەپيدەميا باستالعالى بەرى گەرمانيادا كوروناۆيرۋستىڭ 532 930 جاعدايى جانە 10 481 ءولىم تىركەلدى, 355 مىڭنان استام ناۋقاس ساۋىعىپ كەتتى.
